https://www.facebook.com/110290525047532/

NIW to Fashion, Yangon (2026)

05/12/2025

♦️ MOOD BOARD & CONCEPT BOARD ဆိုတာ?? ♦️

ဒီဇိုင်းလောကမှာ Mood Board နဲ့ Concept Board ဆိုတဲ့ အသုံးအနှုန်းနှစ်ခုကို မကြာခဏ ကြားရပေမယ့် သူတို့ရဲ့ ကွာခြားချက်ကိုတော့ ရောထွေးတတ်ကြပါတယ်။ သူတို့က ဆင်တူသယောင်ရှိပေမယ့် ရည်ရွယ်ချက်နဲ့ လုပ်ဆောင်ချက်က မတူညီပါဘူး။

🖼️ Mood Board (စိတ်ခံစားမှုကို ဖော်ညွှန်း‌ခြင်း)

Mood Board ဆိုတာ ဒီဇိုင်းတစ်ခုရဲ့ ခံစားချက်၊ လေသံ၊ စိတ်ကူးနဲ့ လှုံ့ဆော်မှုများကို ပုံရိပ်များ၊ အရောင်များ၊ စာသားများဖြင့် စုစည်းပြသထားတဲ့ သရုပ်ဖော်ကားချပ် ဖြစ်တယ်။ သူ့ရဲ့ အဓိက function က ဒီဇိုင်းရဲ့ ပြသချင်တဲ့ "ခံစားချက်" ကို ဖော်ဆောင်ပြီး "ဘယ်လိုခံစားရသလဲ" ဆိုတဲ့ မေးခွန်းကို ဖြေဆိုဖို့ဖြစ်ပါတယ်။
ဥပမာ - "သဘာဝရဲ့ အလှတရား" ဆိုတဲ့ စိတ်ကူးကို အစိမ်းရောင်ရင့်ရင့်များ၊ သစ်ရွက်ခြောက်များ၊ သစ်သားများ စသည့် ရုပ်ပုံများနဲ့ ဖော်ပြတာမျိုးပါ။

♦️ Moodboard ဟာ များသောအားဖြင့် Concept board ရဲ့ တစ်စိတ်တပိုင်းအနေနဲ့ ရှိလေ့ရှိပါတယ်။

📋 Concept Board (ဒီဇိုင်းစိတ်ကူးကို အကောင်အထည်ဖော်ခြင်း)

သူကတော့ Mood Board ကနေ ရလာတဲ့ စိတ်ကူးကို လက်တွေ့ဒီဇိုင်းအစိတ်အပိုင်းများအဖြစ် ချဲ့ထွင်ပြသထားပြီး အစီအစဥ်ချတဲ့ ကားချပ်မျိုး ဖြစ်ပါတယ်။ ဒီဇိုင်းရဲ့ စိတ်ကူးကနေ တိကျတဲ့ အကောင်အထည်ဖော်မှုဆီကို ကူးပြောင်းတဲ့အခါ အစီအစဉ်တကျ conceptထဲမှာ ရှိနေဖို့ အ‌ထောက်အကူ‌‌ပေးတဲ့ မြေပုံလို သဘောမျိုး ဖြစ်တယ်။ သူ့ရဲ့ collection တစ်ခု တည်ဆောက်တဲ့အခါမှာ "ဘာတွေနဲ့ ဘယ်လိုဖန်တီးမလဲ" ဆိုတာကို သတ်မှတ်ပေးဖို့ဖြစ်ပြီး သုံးမယ့်အထည်နမူနာ၊ ပုံစံပုံကြမ်း၊ တိကျတဲ့ အရောင်ဇယား၊ သုံးမယ့်အဆင်တန်ဆာနမူနာများကို တင်ပြထားချင်းမျိုး ဖြစ်တယ်။
ဥပမာ - "သဘာဝရဲ့ အလှတရား" ခေါင်းစဉ်နဲ့ collection တစ်ခုမှာ shape၊ texture အတွက် သစ်ပင် သစ်ကိုင်း သစ်ရွက်တွေကနေ ယူထားတာ၊ fabric နေရာမှ သဘာဝဆန်တဲ့ လီနင်ချည်ထည်နမူနာ၊ သစ်သားကြယ်သီးနမူနာ၊ အရောင်ကို earthy tonesတွေ ယူတာ စသည်ဖြင့် တိကျစွာ ဖော်ပြခြင်းဖြစ်ပါတယ်။

♦️ Concept Board တစ်ခုမှာ collection တစ်ခုရဲ့ blueprint အနေနဲ့ လုပ်ဆောင်ပြီး ပုံမှန်အားဖြင့်
➡️ Mood Board
➡️ Shape & Form/ Silhouette board
➡️ Colour Board
➡️ Texture Board
➡️ Decoration/Embellishment Board (Optional)
တို့ ပါဝင်လေ့ရှိပါတယ်။
____________________________________________________

🆚 MOOD BOARD VS CONCEPT BOARD

သူတို့ရဲ့ အဓိက ကွာခြားချက်ကို ထောက်ပြရရင် Mood Board က "ခံစားချက်" ကို ဖော်ညွှန်းတာပြီး Concept Board က "အကောင်အထည်ဖော်မှု" ကို ဖော်ညွှန်းခြင်းပဲ ဖြစ်တယ်။။
Mood Board က စိတ်ကူးယဉ်စရာကောင်းပြီး ကျယ်ပြန့်တဲ့အမြင်ပေးကာ၊ Concept Board ကတော့ တိကျပြီး လက်တွေ့ကျတဲ့ လမ်းညွှန်မြေပုံဖြစ်ပါတယ်။
ဒီနှစ်ခုရဲ့ တူညီတဲ့လုပ်ဆောင်ပုံကတော့ နှစ်ခုလုံးဟာ ဆန်းသစ်တီထွင်မှုလုပ်ငန်းစဉ်အတွက် မရှိမဖြစ် အရေးပါပြီး၊ ကိုယ့်စိတ်ကူးကို အဖွဲ့အစည်း သို့မဟုတ် ဖောက်သည်တွေနဲ့ မျှဝေနားလည်စေဖို့ အကောင်းဆုံး ဆက်သွယ်ရေး toolတွေ ဖြစ်ပါတယ်။

ဒါကြောင့် Mood Board ကနေ စတင်ပြီး Concept Board နဲ့ ချဲ့ကားကာ နောက်ဆုံးမှာ လက်တွေ့ Collection အဖြစ် အကောင်အထည်ဖော်တာဟာ အောင်မြင်တဲ့ ဖက်ရှင်ဒီဇိုင်းလုပ်ငန်းစဉ်ရဲ့ အဓိက သော့ချက်တစ်ခုပဲ ဖြစ်ပါတယ်။

♦️ ပိုမိုနားလည် သဘောပေါက်ဖို့အတွက် Fashion graduate Vaibhaviရဲ့ portfolio ထဲက အချို့ကို ကောက်နှုတ်ပြီး ဥပမာအနေနဲ့ ရှင်းပြထားပါတယ်။ ပုံလေးတွေ အောက်မှာ သေချာဖတ်ကြည့်ပေးပါ။

Designer ရဲ့ portfolio အပြည့်အစုံကို ဒီ linkမှာ လေ့လာကြည့်နိုင်ပါတယ်။ Comment ထဲမှာလည်း ထပ်ထည့်ထားပေးပါမယ်။
https://www.behance.net/gallery/208389455/Fashion-Design-Portfolio-2024?tracking_source=search_projects%7Cmoodboard+fashion

By
NIW to Fashion

23/06/2025

ဒီတစ်ခါတော့ Fashion in Digital Age ကဏ္ဍကို sharing လုပ်ပေးပါမယ်။

ကျွန်တော်‌တို့ ဒီဘက်ခေတ်မှာ ဖက်ရှင်ဆိုတာ runway တွေ၊ ဆိုင်ခန်းတွေမှာပဲ ရှိနေတော့တာမဟုတ်ပါဘူး။ Online, social media, AI, Virtual Reality တို့နဲ့ အတူ အရမ်းကို ကျယ်ပြန့်လာနေပါတယ်။

ဒီတော့ Digital Age က Fashion ကို ဘယ်လိုပြောင်းလဲစေလဲ?

1⃣ E-Commerce & Online Shopping
အရင်တုန်းက ဈေးဝယ်ဖို့ဆိုရင် ဆိုင်ကိုသွားရတယ်၊ အဝတ်အစားတွေကို စမ်းဝတ်ကြည့်ရတယ်။ အခုဆိုရင် Instagram, Facebook, TikTok Shop တို့လို Social Commerce တွေကနေ အိမ်မှာနေရင်း ဝယ်လို့ရနေပြီ။ နောက်ပိုင်း ပိုတိုးတက်လာတော့ AR Try-On နည်းပညာတွေနဲ့ ဖုန်းကနေပဲ စမ်းဝတ်ကြည့်လို့တောင် ရနေပါပြီ။
(AR/Argumented reality ဆိုတာ ပြင်ပကမ္ဘာနဲ့ digital နည်းပေါင်းစည်းတာမျိုး ဖြစ်ပြီး ဥပမာပေးရရင် Snapchat/Instagram တို့က filter တွေ Pokémon Go လို ဂိမ်းမျိုးကလို အပြင်က မြင်ကွင်းနဲ့ digital system ပေါင်းထားတာမျိုး ဖြစ်ပါတယ်)

2⃣ Digital Fashion & Metaverse
အခုနောက်ပိုင်းမှာ Virtual Clothes တွေဟာ နေရာရ တွင်ကျယ်လာနေပါပြီ။ Metaverse ထဲမှာ Digital Outfit တွေဝတ်ပြီး Avatar အနေနဲ့ စတိုင်ကျကျ နေမလား၊ ဒါမှမဟုတ် NFT Fashion တွေကို ဝယ်ယူပြီး Digital Identity တစ်ခုအနေနဲ့ ဝတ်ဆင်မလား စသဖြင့် စိတ်ကူးထဲအတိုင်း အကုန်လုပ်နေလို့ ရနေတဲ့ခေတ်ပါ။

3⃣ AI & Personalization
AI (Artificial Intelligence) က သင့်ရဲ့ Style ကိုတောင် သိပြီး အကြံပေးနေနိုင်ပါပြီ။ ChatGPTတို့လို AI Stylist Tools တွေက ဘယ်လိုအဝတ်အစား ရွေးဝတ်ရမလဲဆိုတာ အကြံပေးနိုင်ပါတယ်။ Pinterest, Instagram တို့မှာ ရှိတဲ့ AI features တွေကလည်း ကိုယ်နဲ့ သင့်တော်တဲ့ Fashion Inspiration တွေကို အလိုလို ညွှန်းပေးတဲ့ function မျိုးတွေ ထည့်သွင်းလာပါတယ်။

4⃣ Sustainable Fashion & Digital Influence
အခုခေတ်မှာ Fast Fashion ထက် Sustainable (သဘာဝပတ်ဝန်းကျင်နဲ့ ညီညွတ်တဲ့) Fashion တွေကို ပိုပြီး အလေးထားလာကြတာနဲ့အတူ digital နည်းနဲ့ ဘယ်လို waste တွေ လျော့ချမလဲဆိုတဲ့နည်းစနစ်တွေ ပေါ်ပေါက်လာပါပြီ။ Clo3D, Style3D တို့လို designing tool တွေနဲ့ မလိုလားအပ်တဲ့ အချိန်ကုန်၊ ငွေကုန်ဖြစ်စေတဲ့ production waste တွေကို လျော့ချတာမျိုးတွေ အသုံးတွင်ကျယ်လာသလို၊ Digital tools၊ Digital Platforms တွေကနေ Second-hand Clothes, Upcycled Fashion တွေကို ဝယ်ယူဖို့ လွယ်ကူလာပြီး Fashion master တွေနဲ့Influencers တွေကလည်း ဒီအကြောင်းတွေကို အပြောများလာကြပါတယ်။

📍 ဒီတော့ Fashion ဆိုတာ အဝတ်အစားဆင်ယင်ဖော်ပြမှုသာမက လူမှုရေး၊ ယဉ်ကျေးမှု၊ အနုပညာ တွေနဲ့ အများကြီးဆက်စပ်နေတဲ့အပြင် အခုဆိုရင် နည်းပညာ ပါ ထပ်ပြီး ပေါင်းစည်း ဝင်လာပြီး ဖက်ရှင်ဟာ ပိုမိုလွယ်ကူ၊ ပိုမိုတီထွင်ဆန်းသစ်ပြီး ပိုမိုစိတ်ဝင်စားဖို့ကောင်း လာပါပြီ။

ဒါကြောင့် အနာဂတ် Fashion မှာ Digitalisationဟာ အရှိန်အဟုန်ကောင်းကောင်းတဲ့ တိုးတက်လာနေတဲ့အတွက် လေ့လာနေသူတွေအဖို့ ဒီအပိုင်းကိုပါ ထပ်တိုးလေ့လာသင့်ကြောင်း အကြံပေးရင်း။။

By NIW to Fashion

Image source: Harpersbazaar.com, Ralph and Russo couture aw20

12/06/2025

ဒီတစ်ခါမှာ fashion portfolio အကြောင်းကို အဓိကထား ပြောပြပါမယ်။

🔴 Fashion portfolio မှာ Academic (ပညာရပ်ဆိုင်ရာ) portfolio နဲ့ Job application (အလုပ်လျှောက်ရန်) portfolio ဆိုပြီး ၂ မျိူးရှိတာကို သိစေချင်ပါတယ်။ သူတို့ ၂ခုက ရည်ရွယ်ချက်မတူညီတဲ့အတွက် ပါဝင်ရမယ့် အကြောင်းအရာတွေနဲ့ တင်ပြပုံတွေမှာလည်း ကွာခြားမှုတွေ ရှိပါတယ်။

🟡 Academic portfolio မှာက Idea, creativity, potential နဲ့ learning ability (ကိုယ့်ရဲ့ ထူးခြားတဲ့ တီထွင်ဖန်တီးနိုင်စွမ်းနဲ့ စိတ်ကူးတွေ, ကိုယ့်ရဲ့ သင်ယူနိုင်စွမ်းတွေ) ကို အဓိကပြရမှာ ဖြစ်ပြီး၊

🔵 Job portfolio မှာကတော့ ကိုယ့်ရဲ့ ကျွမ်းကျင်မှု (Skills)၊ အတွေ့အကြုံ (experience) နဲ့ လက်တွေ့လုပ်ငန်းခွင်အတွက် အသုံးဝင်မှု (capability) (အလုပ်ရှင် လိုချင်တဲ့ အရည်အချင်း) တွေကို ဦးစားပေးဖော်ပြပေးရမှာပါ။

▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️

ဒါဆို ကိုယ့်ရဲ့ fashion portfolio ကို မှာ ဘယ်လို အချက်အလက်တွေ ပါဝင်သင့်သလဲ?

1. Biography or Resume/CV & Contact Info:

ကိုယ့်ရဲ့ introduction အတိုချုပ်နဲ့ ပညာအရည်အချင်း၊ အလုပ်အတွေ့အကြုံ၊ ကျွမ်းကျင်မှုနဲ့ ဆက်သွယ်ရန် လိပ်စာ၊ ဖုန်း၊ အီးမေးလ် စတာတွေ ထည့်သွင်းသင့်ပါတယ်။

2. Design Mood Boards:

ဒီဇိုင်းမစတင်ခင် ကိုယ်ဘယ်ကနေ စိတ်ကူးရတယ်၊ ဘယ်လိုအတွေးအခေါ်တွေကနေ ဒီလို ဒီဇိုင်းတွေ ဖြစ်လာတယ်ဆိုတာကို ဓာတ်ပုံတွေ၊ အရောင်တွေ၊ texture တွေနဲ့ စုစည်းပြသထားတာမျိုး ပါဝင်ရပါမယ်။

3. Sketches & Illustrations:

ကိုယ့်ရဲ့ဒီဇိုင်းစိတ်ကူးတွေကို လက်နဲ့ဆွဲထားတဲ့ ပုံကြမ်းတွေ ဒါမှမဟုတ် digital drawing ဒီဇိုင်းပုံတွေ ပါရှိရပါမယ်။

4. Technical Flats/Drawings:

အဝတ်အစားဒီဇိုင်းတွေကို နည်းပညာပိုင်းအရ အသေးစိတ်ရေးဆွဲထားတဲ့ ပုံတွေ (ဥပမာ- ချုပ်ရိုးချုပ်သားတွေ၊ အိတ်ကပ် ပုံစံတွေ စသဖြင့်) ပါရှိရပါမယ်။ ဒါက ကိုယ့်ရဲ့ ဒီဇိုင်းအသေစိတ် planningကို ဖော်ပြခြင်းဖြစ်သလို၊ production ပိုင်းအတွက်လည်း အလွန်အရေးပါတဲ့ ကဏ္ဍ ဖြစ်ပါတယ်။

5. Fabric Swatches/Material Selection:

ဒီဇိုင်းအတွက် ရွေးချယ်ထားတဲ့ ပိတ်စနမူနာ (Fabric Swatches) တွေနဲ့ အသုံးပြုမယ့်/အသုံးပြုထားတဲ့ trims လိုခေါ်တဲ့ ဇစ်တွေ၊ ကြယ်သီးတွေနဲ့ အခြားအလှဆင်ထားတဲ့ အရာတွေကိုလည်း ဖော်ပြဖို့ လိုအပ်ပါတယ်။

6. Finished Garments (If possible):

ကိုယ်ချုပ်လုပ်ပြီးစီးထားတဲ့ ဝတ်စုံတွေ၊ mannequin or dress form ပေါ်မှာ drape လုပ်ထားတာ‌‌တဲ့ ပုံတွေ ဒါမှမဟုတ် မော်ဒယ်တွေနဲ့ ပရော်ဖက်ရှင်နယ်ဆန်ဆန် ရိုက်ထားတဲ့ ဓာတ်ပုံတွေကိုလည်း ထည့်သွင်းသင့်ပါတယ်။ ဒါဟာ ကိုယ့်ရဲ့လက်တွေ့ဖန်တီးနိုင်စွမ်းကို ပြသခြင်းပဲ ဖြစ်ပါတယ်။

7. Collections/Lookbooks:

ကိုယ်ဖန်တီးထားတဲ့ ဖက်ရှင် collection တစ်ခုလုံးကို ပြသထားတဲ့ lookbook ဒါမှမဟုတ် campaign ပုံရိပ်တွေကိုလည်း ထည့်သွင်းသင့်ပါတယ်။ ဒါဟာ ကိုယ့်ရဲ့ overall designning skill ကို အမြန်ဆုံးနဲ့ အထိရောက်ဆုံးပြသနိုင်တဲ့ အပိုင်းဖြစ်ပါတယ်။

အထက်ပါအချက်အလက်တွေက‌တော့ fashion portfolio မှာ အဓိကပါဝင်သင့်တဲ့အချက်တွေ ဖြစ်ပြီး Fashion school တွေ apply လုပ်တဲ့အခါ ဖြစ်စေ၊ အလုပ်လျှောက်တဲ့အခါ ဖြစ်စေ ကိုယ့်ရဲ့ target အလိုက် focus နဲ့ highlight ကို ချိန်ညှိရမှာ ဖြစ်ပါတယ်။

By
NIW to Fashion

Photo crédit: 小红书

09/06/2025

ဒီတစ်ခါတော့ Portfolio နဲ့ ပတ်သက်ပြီး ‌မေးထားတာ‌လေး ရှိလို့ ပြောပြချင်တယ်။

Portfolio ဆိုတာဘာလဲ??
Portfolio ဆိုတာ ကိုယ့်ရဲ့ art work/ design workတွေကို ဘယ်လိုအရည်အချင်းတွေ ဘယ်လို idea‌ တွေနဲ့ ဖန်တီးလုပ်ဆောင်ထားတယ်ဆိုတာကို ပြသတဲ့ work collection တစ်ခုပါ။ portfolio ဖန်တီးပြင်ဆင်တာက artist တွေ၊designer တွေ၊ photographer တွေ၊ video creator စတဲ့ ဖန်တီးမှုနယ်ပယ်မှာ လုပ်ကိုင်သူတွေအတွက် အရေးပါတဲ့ processတစ်ခုဖြစ်ပြီး အလုပ်လျှောက်တဲ့အခါဖြစ်စေ၊ ကျောင်းလျောက်တဲ့အခါဖြစ်စေ၊ ပရောဂျက်တစ်ခုအတွက်ဖြစ်စေ ကိုယ့်ရဲ့အကောင်းဆုံးလက်ရာတွေကို ပြသပြီး အကဲဖြတ်သူတွေကို စိတ်ဝင်စားအောင် ဆွဲဆောင်နိုင်ဖို့ target ပေါ် မူတည်ပြီး ပြုလုပ်တင်ပြရတာမျိုးလည်း ရှိပါတယ်။

ဥပမာ၊
ကိုယ်က ကျောင်းလျှောက်ဖို့ဆိုရင် ကိုယ့်ရဲ့ ကိုယ်ပိုင် design DNA, creation, နဲ့ potential ဖြစ်မှုကို အလေးပေးပြသရတာမျိုးဖြစ်ပြီး ကိုယ့်စိတ်ကြိုက် design တွေကို ဖန်တီးတင်ပြတာမျိူးက အကောင်းဆုံး ဖြစ်ပါတယ်။
အကယ်၍ အလုပ်အတွက် (example - fashion designer position) ဆိုရင် ‌ကိုယ်လျှောက်မယ့် brand/ company က ဘယ်လို design product တွေ လုပ်တယ်ဆိုတာကို အရင်လေ့လာသင့်ပြီး အဲဒီ brand company နဲ့ လုပ်ဖက်သင့်လျော်မယ့် design မျိုးကို portfolio အဖြစ် ဖန်တီးတင်ပြတာမျိုးက ပိုပြီး အလုပ်အခွင့်အရေးရဖို့ အလားအလာများပါတယ်။
ဆိုလိုချင်တာက streetwears brandကို အလုပ်လျှောက်မယ်ဆိုရင် ရုံးတက် ပွဲတက် formal designတွေနဲ့ ပြင်ဆင်ထားတဲ့ portfolio ထက် streetwears, casual wears တွေပါဝင်ထားတဲ့ portfolio နဲ့ ‌အလုပ်လျှောက်တဲ့ သူက အခွင့်အရေးရဖို့များပါတယ်။ ဘာကြောင့်လဲ‌ဆိုတော့ အလုပ်ခန့်မယ့်သူက သူတို့ brand company နဲ့ ပိုကိုက်ညီတဲ့သူကို ပိုရွေးချယ်လိုတာကြောင့်ပဲ ဖြစ်ပါတယ်။

By
NIW to Fashion

Photo crédit: 小红书

05/05/2025

အလှအပတစ်ခုကို သေချာကြည့်မြင်တတ်ဖို့ အရေးကြီးပုံ

ကျွန်တော့် ကိုယ်ပိုင် အတွေ့အကြုံလေးကို အခြေခံပါတယ်။ CIDI တက်နေစဥ်တုန်းက ပဝါ(scarf project)တစ်ခုကနေအစပြုတယ်ပဲ ပြောရမယ်။အဲဒီ project အတွက် ဆရာက ကျွန်တော်တို့ကို ကိုယ်ကြိုက်တဲ့ ရုပ်ပုံအချို့ကို ကိုးကားရေးဆွဲဖို့အတွက် အရင်ရှာပြီး ပြခိုင်းတယ်။ ကျွန်တော်လည်း ကိုယ်လှတာထင်တာ၊ ဆွဲချင်တာလေးတွေ ရှာပြီး ပြတာပေါ့။ ဆွေးနွေးတော့ ဆရာက မေးတယ် ‌ဒီပုံလေးတွေကို ဘာလို့ရွေးချယ်ခဲ့ကြောင်း၊ ဘယ်အပိုင်းက လှလို့ ဘယ်လိုရွေးချယ်ခဲ့‌တာလဲပေါ့။ တကယ်က ကျွန်တော့် မျက်လုံးထဲ လှတာ၊ ဆွဲချင်တာတွေကိုပဲ ရွေးလိုက်တာ ဘာကြောင့်လှတယ်လို့ ထင်တာလဲဆိုတာ မစဉ်းစားမိတော့ အတိအကျအဖြေမပေးနိုင်ခဲ့ဘူး။

ဆရာက ရိပ်မိလိုက်ပြီးဆက်မေးတယ် "ဒီပုံမှာ အရောင်က လှတယ်လို့မင်းထင်တာလား? ဒါမှမဟုတ် အရာဝတ္ထုရဲ့ပုံသဏ္ဍာန်က လှတာလား? ဒီဇိုင်းဖွဲ့စည်းပုံလား?" ဆိုပြီး မေးတော့မှ ကျွန်တော် ရုတ်တရက် သဘောပေါက်သလို ဖြစ်သွားတယ်။ အဲဒီမှာ ကျွန်‌တော်စသိလိုက်တာက အရာတစ်ခုရဲ့ အလှတရားကို အသေးစိတ်ကအစ သေချာသတိထားကြည့်ဖို့လိုတယ်ဆိုတာရယ်၊ ဘာကြောင့် ဒီဟာကို ကျွန်တော်တို့ လှတယ်လို့ ယူဆရတယ်ဆိုတဲ့ အကြောင်းအရင်းကိုပဲ။

အဲဒီနေ့ကစပြီး ကျွန်တော် Art worksတွေ၊ fashion clothing တွေ ကို ကြည့်တဲ့အမြင်ကပြောင်းသွားတယ်လို့ ဆိုရမယ်။ တစ်ခုခုကို လှတယ်လို့ထင်ရင် ဒီအတိုင်း ထင်တာသက်သက်ပဲ မထားပဲ 'ဒါက ဘာကြောင့်လှတာလဲ' ဆိုတဲ့မေးခွန်းကို ကိုယ့်ကိုယ်ကိုယ် အမြဲမေးတတ်လာတယ်။

ဥပမာ‌ပေးရရင် fashion look တစ်ခုကို ကြည့်လိုက်ရင် 'ဒီအဝတ်အစားdesignက လှတယ်' ဆိုတာထက် ဒီ designမှာ shapeက လှတာလား၊ အရောင်က လှစေတာလား၊ ဒါမှမဟုတ် textile နဲ့ texture ကလား ဆိုတာမျိုးကို အသားပေး ကြည့်မိ တွေးမိတတ်လာတယ်။
တကယ်လို့ တစ်ခုခုက မလှဘူးလို့ထင်ရင်လည်း ဘာကြောင့် ကျွန်တော်အမြင်မှာ မလှရတယ်ဆိုတာကို ဆန်းစစ်တတ်လာတယ်။
ဒီလို ကြည့်တတ် တွေးတတ်လာတာက နောက်ပိုင်း ကျွန်တော့် ကိုယ်ပိုင်ဒီဇိုင်းတွေ ဖန်တီးတဲ့အခါ အများကြီးအကျိုးရှိစေခဲ့တယ်။ ကိုယ့် ဒီဇိုင်းရဲ့ လိုအပ်ချက်၊ အားသာချက် စသဖြင့်ပါ ချိန်ညှိကြည့်တတ်လာတယ်။

တကယ်တော့ "အလှ"ဆိုတာ လူတစ်ယောက်နဲ့တစ်ယောက် ခံယူချက်မတူကြပေမယ့်၊ ကိုယ်တိုင်က ဒီဇိုင်းလက်ရာတစ်ခုခု ကို "ဘာကြောင့်ကြိုက်တယ်၊ မကြိုက်ဘူး" ဆိုတာကို နားလည်ထားရင် ကိုယ်ပိုင်ဖန်တီးမှုတွေမှာလည်း ပိုပြီး အကျိုးရှိ‌လာစေပြီး သုံးသပ်တတ်လာတတ်‌စေပါတယ်။
ဒီတော့ designer‌တွေ၊ artistတွေအနေနဲ့ အလှကိုပဲသက်သက် ခံစားရုံထက် ဘာကြောင့်လှတာလဲ ဆိုတာကို သေချာစဉ်းစားကြည့်ဖို့ လိုအပ်တယ်လို့ မြင်ပါတယ်။ ဒီအ‌လေ့အကျင့်က တဖြည်းဖြည်းနဲ့ ကိုယ့်ရဲ့အလှတရားအ‌ပေါ် မြင်တဲ့ အမြင်တွေကိုလည်း ပိုမိုကျယ်ပြန့်လာစေမှာပါ။

ဒီအတွေ့အကြုံလေးကို Viewer တို့နဲ့ မျှဝေတာကို ဒီမှာပဲ ရပ်လိုက်ပါမယ် ခင်ဗျာ။ ဒီ post ကနေ တစ်ခုခု ရလိုက်မယ်ဆိုရင် ဝမ်းသာမိပါတယ်။

*Note: ပုံကတော့ ကျွန်တော့် design တစ်ခုရဲ့ အနီးကပ် detail view တစ်ခုပါ။*

By NIW to Fashion

05/09/2022

ဒီနေ့တော့ ကျောင်းသူလေးတစ်ယောက်က Fashion School တွေနဲ့ ပတ်သက်ပြီး မေးထားတာလေးကို ဒီမှာပါ Sharing လုပ်ပေးလိုက်ပါတယ်။

Fashion School ဆိုရင် ကျွန်တော်သိထားတာအရ ၃ မျိုးလောက် ရှိပါတယ်။

၁။ Universityပါ။ ကျွန်တော်တို့ ဆီမှာက fashion department, major စသဖြင့် မရှိသေးပေမယ့် နိုင်ငံခြားက university တော်တော်များများမှာ ရှိပါတယ်။ သူက အခြား major တွေလိုပဲ 4 နှစ်တက်ရ‌‌ေလ့ရှိပါတယ်။ သိရသလောက်က undergraduateတက်ရင် အခြေခံကနေစပြီး သိသင့်သိထိုက်တာတွေ သင်ပေးပါတယ်။
တစ်ခုက Univ ပေါ်မူတည်ပြီး Art and Design ပိုင်း (သို့) Science and Engineeringကို focus ထားပုံချင်း ကွဲသွားနိုင်ပါတယ်။
ကျွန်တော် ပြောဖူးသလိုပါပဲ fashion က clothing design creation လုပ်တာချည်းပဲ မဟုတ်ပါဘူး။
ပြီးတော့ Thesis show နဲ့ writing ရှိပါတယ်။

၂။ Institute ။ သူက များသောအားဖြင့် Diploma ပေးတာ များပါတယ်။ 2 နှစ်ဝန်းကျင်တက်ရလေ့ရှိပါတယ်။ ဒီမှာလည်းပဲ သိသင့်သိထိုက်တာတွေ သင်ပေးပါတယ်။ ဒါပေမဲ့ သူက အမြန်သွားတဲ့ ပုံစံမျိုး/ instance course သဘောမျိုးဖြစ်တာကြောင့် ကိုယ်က အခြေခံသဘောတရားလောက်တော့ သိထားရင် ပိုလွယ်ကူပါတယ်။ သူကလည်း fashion နဲ့ ပတ်သက်လို့ သိသင့်သိထိုက်တာတွေ သင်ပေးပါတယ်။ ဒီနေရာမှာလည်း ကျောင်းပေါ်မူတည်ပြီး focusကွဲနိုင်ပါတယ်။
ကျွန်တော်တက်ခဲ့တဲ့ ကျောင်းဆို Own creation တို့ Branding ပိုင်းတို့ကို ပို focus ထားပါတယ်။ ကိုယ်လိုချင်တဲ့ designကို သင်ခိုင်းလို့မရပဲ ကိုယ်ဖန်တီးချင်တာကို ဆရာတွေနဲ့ တိုင်ပင်ပြီး ကိုယ်တိုင်လုပ်ဆောင်ရတာမျိုးပါ။ အချို့ကျောင်းတွေကတော့ ကိုယ်လိုချင်တဲ့design ကို သင်ပေးဖို့ individually တောင်းဆိုလို့ရတာမျိုး ရှိပါတယ်။
‌ေကျာင်းပေါ်မူတည်ပြီး Thesis အနေနဲ့ Fashion Show Project လုပ်ရလေ့ရှိပါတယ်။
နောက်တစ်ခုအနေနဲ့ Diploma ကနေ ကိုယ်က Bachelor's (or) Graduateကို Top-up လုပ်ချင်ရင် သင်ယူလို့ရအောင် link ချိတ် စီစဉ်ပေးတာမျိုးလည်း ရ‌ှိတတ်ပါတယ်။
*အချို့သော Instituteတွေကတော့ University Levelလောက်ရှိတာကြောင့် Undergraduate, Graduateစသဖြင့် တက်လို့ရပါတယ်။ For example, FIT (USA)၊ Parson New School.

၃။ Course/ Short Course တွေပါ။ တစ်နည်းအားဖြင့် သူက Certificate သင်တန်းမျိူးပါ။ အချို့သူတွေက Patternပိုင်း၊ Sewingပိုင်း၊ Illustrationပိုင်းစသဖြင့် တစ်မျိုးထဲကိုပဲ အဓိကထားသင်ယူချင်သူတွေ အတွက်ပါ။ သူကတော့ ပံုမှန်အနေနဲ့ ၃လကနေ ၆လ လောက်ထိ ရှိတတ်ပြီး အဲဒါထက်လည်း သင်တန်းကာလတိုတောင်းတာမျိုး ရှိတတ်ပါတယ်။

By NIW to Fashion

Photo Credit.

12/08/2022

အခုတစ်ခါ ပြောပြပေးမှာက Fashion Sketching အကြောင်းပါ။

Sketchingဆိုတာ ကိုယ့်ရဲ့ idea တစ်ခုက အကြမ်းဖျင်းပုံဖော်ခြင်းလို့ ဆိုလို့ရပါတယ်။ ကျွန်တော်တို့ဟာ တစ်စုံတစ်ခု မြင်လိုက်တဲ့အခါ၊ ဒါမဟုတ် ရုတ်တရက် တစ်ခုခုကို မြင်ရင်း၊တွေးမိရင်း design idea တွေ ပေါ်ထွက်လာတတ်ပါတယ်။ အဲဒီလိုအခါမျိုးမှာ ပေါ်လာတဲ့ design ideaကို ချက်ချင်းချဆွဲလိုက်နိုင်တာ အကောင်းဆုံးဖြစ်ပြီး အဲဒီလိုချဆွဲနိုင်ဖို့အတွက် sketching skillကလည်း လိုအပ်ပါတယ်။

Fashion sketchingတစ်ခုမှာ body figure ပုံ၊ clothing design ပုံဟာ ကြည့်လိုက်ရင် detailကျကျပေါ်လွင်နေတာမျိုးဟာ နည်းတတ်ပါတယ်။ ဘာကြောင့်လဲဆိုတော့ ဒါဟာ designတစ်ခုရဲ့ ကနဦး ဖြစ်တာကြောင့် အသုံးပြုမယ့် colour, fabric, textureစတဲ့ အသေးစိတ်ကျတဲ့ ဖန်တီးမှုတွေကတော့ ပုံမှာ ပါဝင်နေတာမျိုးရှိသလို၊ ပါဝင်ချင်မှလည်း ပါဝင်နေပါလိမ့်မယ်။ ဒါပေမဲ့ silhouetteလို့ ခေါ်တဲ့ outfit designရဲ့ shape and form ကတော့ ထင်ရှားပေါ်လွင်‌ေနရပါမယ်။ ထို့အပြင် Fashion sketches တွေရေးဆွဲတဲ့အခါ မည်မျှပင်အကြမ်းဖြစ်နေပါစေ ကိုယ်ပိုင်ဟန်ရှိတဲ့ sketch ဖြစ်နေဖို့လိုတယ်ဆိုတာလည်း သတိချပ်စေခ်င်ပါတယ်။

Fashion Designer အများစုဟာလည်း ဆွဲကြတဲ့ designပံုလက်ရာတွေဟာလည်း fashion sketching တွေပဲ ဖြစ်ပါတယ်။

အောက်မှာတော့ လေ့လာလို့ရအောင် နာမည်ကျော် Fashion designer များရဲ့ sketchများကို ဖော်ပြပေးထားပါတယ်။

By NIW to Fashion

18/07/2022

ပထမဦးဆုံး Fashion Designing မှာ အရေးပါတဲ့ Fashion Illustration category မှ အခြေခံကျတဲ့ 'Figure Drawing' အကြောင်း အတိုချုပ်ပြောပြချင်ပါတယ်။

'Figure Drawing' ဆိုတာ Human body formကို ပုံစံအမျိုးမျိုး၊ အနေအထား pose အမျိုမျိုးဖြင့် ရေးဆွဲ‌ဖော်ပြခြင်းပဲပါတယ်။

Fashion illustrationတစ်ခုမှာ ကိုယ့်ရဲ့ clothing design ပေါ်မူတည်ပြီး designရဲ့အလှကို ပေါ်လွင်အောင် မတူညီတဲ့ figure pose အမျိုးမျိုးက ပံ့ပိုးပေးပါတယ်။
ဥပမာပေးရရင်
- Long dress, evening gownကို အသားပေးမယ့် fashion illustrationတစ်ခုမှာ figure ရဲ့ pose ဟာ စုစုစည်းစည်းနဲ့ elegantဖြစ်တဲ့ အ‌သွင်ပေါ်ရပါမယ်။ ဒါမှ dress အလှပေါ်ပါမယ်။
- Ready-to-wear, sport wear, street wear စတဲ့ design တွေအတွက်ဆိုရင်တော့ figure poseဟာ activeဖြစ်တဲ့ အသွင်ပေါ်နေတာမျိူးနဲ့ ပိုလိုက်ဖက်ပါတယ်။
ဒါကြောင့် figure drawing ဟာ အထူးသဖြင့် fashion illustrator တစ်ယောက် ဖြစ်လိုသူများအနေနဲ့ ရှိထားရမယ့် skill တစ်ခုဖြစ်ပါတယ်။

နာမည်ကျော် fashion Illustrator တစ်ဦးဖြစ်တဲ့ Megan Hessက "Human form drawingကို ဆွဲတတ်ထားမယ်ဆိုရင် fashion Illustrationရဲ့ finish lineကို ရောက်လုနီးပါးဖြစ်နေပါပြီ" လို့ ဆိုထားပါတယ်။

ဒါပေမဲ့ figure drawingကို ကျွမ်းကျင်စွာ ရေးဆွဲတတ်ဖို့ဟာ အချိန်ပမာဏတစ်ခုအထိ လိုအပ်ပါတယ်။ သို့သော်လည်း အဆက်မပြတ် ပုံမှန် ရေးဆွဲလေ့ကျင့်နေရင်တော့ တဖြည်းဖြည်း ပိုကောင်းတဲ့ ရလဒ်တွေကို ရရှိလာမှာ ဖြစ်ပါတယ်။

ဒါကြောင့် figure drawingကို လေ့ကျင့်ကြိုးစားနေသူများကို ဆက်ကြိုးစားပေးပါလို့ အားပေးရင်း ဒီမှာခဏနားလိုက်ပါရစေ။ ။

By NIW to Fashion

14/07/2022

NIW to Fashion page မှ တဆင့် Fashion, Design, Artစတဲ့ ကဏ္ဍတွေက သိမှတ်ဖွယ်ရာ‌များကို မျှဝေ‌ေပးဖို့အတွက် ရည်ရွယ်ထားပါတယ်။

Page ရဲ့ meaning လေးကတော့
-NIW က New Innovative Waysကို ဆိုလိုချင်တာဖြစ်ပြီး NIW to Fashion ဟာဆိုရင် New Innovative Ways to Fashion လို့ဆိုလိုတာဖြစ်သလို၊
-Fashionကို လက်ရှိလေ့လာနေသူတွေသာမက ယခုမှစတင်လေ့လာမယ့် သူ New(Niw) to Fashion ဆိုသူများအတွက်ပါ ရည်ရွယ်ပါတယ်။ -နောက်ထပ်အနေနဲ့ NIW က ကျွန်တော့် nicknameရဲ့ flip anagram ဖြစ်ပါတယ်။

Biographyအတိုချုပ်အနေဖြင့် ကျွန်တော်သည် Professional Dip. ကို CIDI Thailandမှ ရရှိထားပြီး လက်ရှိအနေဖြင့် gratis educational organization တစ်ခုတွင် lecturer အနေဖြင့် knowledge sharing ပြုလုပ်ပေးနေသူ ဖြစ်ပါတယ်။

ဒါကြောင့် ဒီ pageလေးကတဆင့် ဗဟုသုတရစရာများကို မျှဝေသွားမှာဖြစ်လို့ ဆက်လက်စောင့်ကြည့်ပေးပါဦး ခင်ဗျာ။ 🙏

NIW to Fashion

05/12/2025

23/06/2025

12/06/2025

09/06/2025

05/05/2025

05/09/2022

12/08/2022

18/07/2022

14/07/2022

Address

Telephone

Website

Alerts

Contact The Business

Shortcuts

Share

Category