https://www.facebook.com/111889421338399/

O&S Be Your Stylist, Yangon (2026)

02/02/2022

ပြီးခဲ့တဲ့ ၁၅ နှစ်တာကာလအတွင်း၊ Michael Kors ဟာ သူ့ရဲ့ လက်ကိုင်အိတ်တွေအပါအဝင် Collection ထဲက အကောင်းဆုံးအစိတ်အပိုင်းတွေကို ထုတ်လုပ်ဖို့ အီတလီနိုင်ငံ၊ Florence ရှိ ဒေသခံလက်မှုပညာရှင်တွေနဲ့ လက်တွဲလုပ်ဆောင်ခဲ့ပါတယ်။

MKC Monogramme အိတ်တစ်ခုဖြစ်လာဖို့ အချိန် (၁၁) နာရီကြာမြင့်ခဲ့ပြီး ဒီဖန်တီးမှုမှာ စတုရန်း ၁၈ ပေကျယ်တဲ့ မိကျောင်းဖောင်းကြွသားရေကို လက်ဖြင့်ဖြတ်ကာ စက္ကူပုံစံပလိတ်တွေကို အသုံးပြုကာ အပိုင်းပိုင်းတစ်ခုချင်းစီနဲ့ ပုံဖော်ထားတာကို မြင်တွေ့ရမှာပါ။ လက်မှုပညာရှင်တွေဟာ သားရေအပိုင်း အစတွေကို မီးရှို့ပြီးနောက် အိတ်ပုံသဏ္ဍာန်ဖြစ်လာအောင် လက်ဖြင့် ချုပ်ကြပါတယ်။ Michael Kors ဆယ်ကျော်သက်အရွယ်တုန်းက ရေးဆွဲခဲ့တဲ့ Sketch ကို ပြန်လည်ဆန်းသစ်မှုတွေနဲ့ ဖန်တီးထားဖြစ်ပြီး MKC Monogramme အိတ်ကို ၂၀၁၉ ခုနှစ်၊ Tran season မှာ မိတ်ဆက်ခဲ့ပါတယ်။

31/01/2022

𝚅𝚊𝚕𝚎𝚗𝚝𝚒𝚗𝚎'𝚜 𝙳𝚊𝚢 အတွက် ကိုယ်ပိုင် Art Creation နဲ့ ဖန်တီး ထားတဲ့ T-Shirt ၊Tote Bag နဲ့ Cup လေးတွေကို ချစ်ခြင်းများစွာဖြင့် Be Your Stylist က စီစဉ်ထားပါတယ်။

ယူတို့ ကြိုက်နှစ်သက်ရာကို ရွေးချယ်လို့ရအောင် ဒီဇိုင်းကတော့ (၂) မျိုး ရှိပါတယ်။

အထူးအနေနဲ့ Couple လေးတွေအတွက် Set လိုက် (T-Shirt &Tote Bag) ဝယ်ယူအားပေးမယ်ဆိုရင်တော့ Cup (1) လုံးကို လက်ဆောင်ထပ်ပြီး ပေးသွားမယ့်အစီအစဉ်လေးပါ။ 🥰

Last Chance to Get Your Valentine’s Day Gifts On Time 🤗

📌 T-Shirt - 10,000 kyats
📌 Tote Bag - 8,500 kyats
📌 Cup - 4,500 kyats
📌 Waiting - 1 Week

Don’t Forget Your Valentine! 🎁

27/01/2022

O&S Be Your Stylist မှာ Exclusive Collection အနေနဲ့ Anime အနုပညာလက်ရာနဲ့ ဖန်တီးရေးဆွဲထားတဲ့ Designer Tote Bag လေးတွေကို မှာယူနိုင်ပါပြီ။

ကိုယ်ကြိုက်နှစ်သက်တဲ့ Anime ဒီဇိုင်းပုံတွေကို အော်ဒါမှာယူချင်တယ်ဆိုရင် Waiting Time- 1 Week အတွင်း ရေးဆွဲပေးတဲ့ဝန်ဆောင်မှုကိုလည်း စီစဉ်ထားပါတယ် 🥰

Limited Edition လေးတွေ ဖြစ်လို့ အခုပဲ အော်ဒါတင်လိုက်တော့
🥰

📌 Acrylic ဆေးနဲ့ လက်ရာမြောက်စွာ ရေးဆွဲထားတာမို့ ကြာရှည်ခံပြီး ဆေးသားပျက်တာမျိုးတွေ မဖြစ်ပါဘူး။

📌 ဈေးနှုန်း - ၂၀,၀၀၀ ကျပ်

26/01/2022

Charles & Keith ရဲ့ Quilted Chain Bag - Black လေးပါ 🥰

💰 ဈေးနှုန်း - ၄၂,၀၀၀ ကျပ်
📌 Depth (cm): 7
📌 Width (cm): 26
📌 Height (cm): 16
📌 In Stock ပစ္စည်းလေးမို့ မှာယူပြီး ၃ ရက်အတွင်း ပို့ပေးပါတယ်နော်။

25/01/2022

Maze Chunky Chain Handle Quilted Shoulder Bag

Cross Body လွယ်ဖို့ရော၊ Wallet လေးလိုပဲ လက်ထဲမှာကိုင်ဦးမလား နှစ်မျိုးစလုံး အဆင်ပြေတာ လိုက်ရှာနေရင်တော့
Charles & Keith ရဲ့ ဒီအိတ်လေးကိုပဲ ရွေးလိုက်တော့. . .

ကြိုးကလည်း Single Chain Handle လေးရယ်၊ ပခုံးမှာ လွယ်ဖို့ ကြိးအရှည်လေးလည်း ထပ်ပါသေးတယ် 🥰

💰 ဈေးနှုန်းကတော့ 43,000 Ks
📌 Depth (cm) - 6
📌 Width (cm) - 25
📌 Height (cm) - 13
📌 In Stock ပစ္စည်းလေးမို့ မှာယူပြီး ၃ ရက်အတွင်း ပို့ပေးပါတယ်။

24/01/2022

Monday Sales ရဲ့ Export Outlet အိတ်လေးတွေ 🥰

စမတ်ကျကျ ပခုံးထက်မှာ လွယ်မလား ?ပေါ့ပေါ့ပါးပါး Cross Body လွယ်မလား ?
နှစ်မျိုးစလုံးအတွက် အဆင်ပြေစေတဲ့ Export Outlet အိတ်လေးတွေပါ

💰 Price - 20,000 & 18,000
📌 ခိုင်ခံ့မှုကတော့ Faux Leather နဲ့မို့ ပြောစရာကို မရှိတာ
📌 In Stock
🚍 အော်ဒါမှာပြီး (၃)ရက်အတွင်း ပို့ပေးပါတယ်

23/01/2022

တကယ်တန်တဲ့ Super Sunday Sales

ကဲ အခုပဲ အော်ဒါတင်လိုက်တော့နော် 🤗

📌 ဈေးနှုန်း - 42,000
📌 ကာလာ - 3 ရောင်ရှိ
📌 Depth (cm) - 9
📌 Width (cm) - 33
📌 Height (cm) - 17
📌 In Stock ပစ္စည်းလေးမို့ မှာယူပြီး ၃ ရက်အတွင်း ပို့ပေးပါတယ်နော်။

22/01/2022

ရေလည်ခန့်တဲ့ Export Outlet Haoerxi အိတ်

ပွဲတက်ဖက်ရှင်လက်ကိုင်အိတ်အနေနဲ့ သုံးသုံး၊ Shoulder Bag အနေနဲ့ပဲ လွယ်လွယ် Two Way (၂) မျိုး သုံးလို့ရပါတယ်။
အိတ်အတွင်းပိုင်းကလည်း ကျယ်ကျယ်ဝန်းဝန်းလေးမို့ မိတ်ကပ်၊ နှုတ်ခမ်းနီ၊ ဖုန်း၊ လက်သန့်ဆေး ရည်ကအစ ထည့်ထားလို့ရတယ်နော်။
💰 ဈေးနှုန်း -၂၁,၀၀၀ ကျပ်
📌 အရောင် ၅ မျိုးရှိ
📏 Hight - 14.5 cm
📏 Width -22 cm
📏 Depth - 8 cm
📌 In Stock ရှိလို့ အော်ဒါမှာပြီး ၃ ရက်အတွင်း ပို့ပေးပါတယ်။

21/01/2022

Charles & Keith ရဲ့ Chain Link Long Wallet

Cross Body ပဲ လွယ်လွယ်၊ Wallet လေးလို လက်ကပဲ ကိုင်သွားဦးမလား ။ Single Chain Handle လေးရယ်၊ ပခုံးမှာ လွယ်ဖို့ Adjust လုပ်နိုင်တဲ့ ကြိုးအရှည်လေးလည်း ထပ်ပါသေးတယ် 🥰

📌 ဈေးနှုန်း- ၃၁,၀၀၀
📌 ရွေးချယ်စရာ ကာလာ ၃ မျိုးရှိ
📌 Depth (cm) - 2.8
📌 Width (cm) - 20
📌 Height (cm) - 10.5
📌 In Stock ပစ္စည်းလေးမို့ မှာယူပြီး ၃ ရက်အတွင်း ပို့ပေးပါတယ်နော်။

20/01/2022

စတုရန်းပေ ၉၀၀ မှသည် အတက်အကျ ဇာတ်ခုံပေါ်က Forever 21

Forever 21 ရဲ့ဖက်ရှင်အဝတ် အစားတွေ၊ အိတ်တွေကို လူငယ်တိုင်း အထူးသဖြင့် အမျိုးသမီးငယ်လေးအဖို့ လိုချင်တပ်မက်ဆုံး ဖက်ရှင်အမှတ်တံဆိပ်တစ်ခုဖြစ်တယ်ဆိုတာ ငြင်းလို့မရဘူး။ ဒါပြင် Forever 21 အမှတ်တံဆိပ်ရဲ့ ဇာတ်လမ်းဟာလည်း အနိမ့်အမြင့် အတက်အကျတွေနဲ့ ပြည့်နှက်နေတဲ့အတွက် စိတ်ဝင်စားစရာပါ။

၁၉၈၄ ခုနှစ်မှာ ကိုးရီးယားနိုင်ငံကနေ ရွှေ့ပြောင်းနေထိုင်သူတစ်ဦးက ကျဉ်မြောင်းတဲ့စတုရန်းပေ ၉၀၀ သာရှိတဲ့နေရာလေးမှာ "Forever 21" ရယ်လို့ ဖြစ်မလာခင် "Fashion 21" အဖြစ် စတင်တည်ထောင်ခဲ့တာပါ။ ယနေ့ခေတ်မှာတော့ ကုန်တိုက်ကြီးတွေမှာ ဒီဖက်ရှင်ကုမ္ပဏီကြီးဟာ စတုရန်းပေ ၉,၀၀၀ အကျယ်အဝန်းမှာ တည်ရှိနေပြီး သူတို့ရဲ့ XXI flagship stores စတိုးဆိုင်တွေကိုလည်း စတုရန်းပေ ၂၄,၀၀၀ ကျော်မှာ ဖြန့်ကျက်ထားတာကို တွေ့ရမှာပါ။ Forever 21 ဟာ မိန်းကလေးတွေ၊ အမျိုးသမီးတွေနဲ့ အမျိုးသားတွေအတွက် ဖက်ရှင် အဝတ်အထည်တွေ၊ အလှကုန်ပစ္စည်းတွေနဲ့ အသုံးအဆောင်အမျိုးမျိုးကို အလွန်ဈေးသက်သာတဲ့ Economy Pricing Strategy နဲ့ ဝယ်ယူအားပေးတဲ့သူတွေကို ဆွဲဆောင်နိုင်ခဲ့တာပါ။

Forever 21 ကို တည်ထောင်သူ Do ‘Don’ Won Chang ဟာ ၁၉၈၁ ခုနှစ်မှာ ကိုရီးယားကနေ အမေရိကသို့ ပြောင်း ရွှေ့နေထိုင်ခဲ့ပါတယ်။ ရွှေ့ပြောင်းနေထိုင်သူအသစ်တစ်ယောက်အနေနဲ့ Chang ဟာ သူ့မိသားစုကို ကျွေးမွေးဖို့ အတွက် အလုပ်နှစ်ခုလုပ်ခဲ့ရပါတယ်။ သူဟာ အိမ်စောင့် ခြံစောင့်အဖြစ် လုပ်ကိုင်ပြီး ဓာတ်ဆီဆိုင်မှာ ဓာတ်ဆီလာ ဝယ်တဲ့သူတွေကို ဝန်ဆောင်မှုအနေနဲ့ ကော်ဖီတိုက်ရတဲ့အလုပ်ကိုပါ လုပ်ကိုင်ခဲ့ရသူပါ။ ဇိမ်ခံကားတွေနဲ့ ဓာတ်ဆီ ဆိုင်ကို ဆီလာဖြည့်တဲ့သူအများစုဟာ Retail Industry စီးပွားရေးလုပ်ငန်းမှာ ပါဝင်ပတ်သက်နေကြောင်းကို Chang က သတိပြုမိခဲ့ပါတယ်။ မကြာမီ Chang တစ်ယောက် အထည်ချုပ်ဈေးကွက်သို့ ဝင်ရောက်ဖို့ ဆုံးဖြတ်ချက်ချခဲ့ပါတယ်။

Chang နဲ့ သူ့ရဲ့ဇနီး Jin Sook တို့ဟာ အမေရိကသို့ ပြောင်းရွှေ့နေ ထိုင်ပြီး သုံးနှစ်အကြာမှာတော့ Forever 21 ကို စတင်ခဲ့ပါတယ်။ သူတို့ဟာ အစပိုင်းမှာတော့ လော့စ်အိန်ဂျလိစ်မှာ နေထိုင်ကြတဲ့ ကိုရီးယား-အမေရိကန်လူမျိုးတွေအတွက် ကိုရီးယားမှာ လူကြိုက်များတဲ့ အဝတ်ဒီဇိုင်းတွေကို ရောင်းချခဲ့ပါတယ်။ Forever 21 အတွက် ပထမ နှစ်မှာတင် ဒေါ်လာ ၇၀၀,၀၀၀ ဖိုး ရောင်းချခဲ့ရပါတယ်။

၂၀၀၉ ခုနှစ်မှာ Chang ရဲ့ သမီးနှစ်ယောက် Linda နဲ့ Esther တို့က Marketing Department မှာ အလုပ်စဝင်ပြီး သူတို့ရဲ့မိသားစုလုပ်ငန်းထဲကို ဝင်ရောက်ခဲ့ကြပါတယ်။ ၂၀၁၄ ခုနှစ်တွင် Chang မိသားစုရဲ့ ကြွယ်ဝချမ်းသာမှုတန်ဖိုးဟာ ဒေါ်လာငါးဘီလီယံအထိဖြစ်လာခဲ့ပါတယ်။ အဲဒီတုန်းက သူတို့မိသားစုဟာ အမေရိကရဲ့ အချမ်းသာဆုံးပုဂ္ဂိုလ်များစာရင်းမှာ နံပါတ် ၈၆ နဲ့ Forbes 400 စာရင်းမှာတော့ နံပါတ် ၉၃ ရှိခဲ့ပါတယ်။

ဒါပေမဲ့ Forever 21 ရဲ့ အောင်မြင်မှုဇာတ်လမ်းဟာ အငြင်းပွားဖွယ် ရာတွေ မရှိပေမယ့် ကုမ္ပဏီက တော့ မူပိုင်ခွင့် ချိုးဖောက်မှု စွပ်စွဲချက်များစွာကို ရင်ဆိုင်နေရပါတယ်။ Forbes ရဲ့ အဆိုအရ Forever 21 ဟာ မူပိုင်ခွင့်ချိုးဖောက်မှု အကြိမ် ၅၀ ရှိခဲ့ပါတယ်တဲ့။ Diane von Furstenberg၊ Anna Sui၊ Trovata နဲ့ Gwen Stefani တို့ကဲ့သို့သော အမေရိကရှိ အကျော်ကြားဆုံးဒီဇိုင်နာအချို့က Forever 21 ကို တရားစွဲဆိုခဲ့တာတွေ ရှိခဲ့ဖူးပါတယ်။ သို့သော် လည်း Forever 21 ဟာ အမှုအများစုမှာ အပြစ်မရှိကြောင်း တွေ့ခဲ့ရတယ်လို့ တရားရုံးတော်ကနေ အဆုံးအဖြတ် ပေးခဲ့ပါတယ်။ တရားစွဲဆိုမှုတွေကို Forever 21 အနေနဲ့ ဒီဇိုင်နာတွေအစား ကုန်သည်တွေနဲ့အတူအလုပ်လုပ် ကြောင်း၊ ဒီဇိုင်းတွေကိုလည်း ပုံတူကူးထားတာမျိုး မရှိဘူးလို့ ခုခံချေပခဲ့တာပဲ ဖြစ်ပါတယ်။

Forever 21 ရဲ့ရောင်းအားဟာ ၂၁၀၅ ခုနှစ်မှာ အထွတ်အထိပ်သို့ ရောက်ရှိခဲ့ပြီး အဲဒီနှစ်အတွင်း ကမ္ဘာလုံးဆိုင်ရာ ရောင်းအားမှာ အမေရိကန်ဒေါ်လာ ၄ ဒသမ၄ ဘီလီယံရှိကာ ၂၀၁၇ ခုနှစ်မှာ Forever 21 ရဲ့ ဝင်ငွေဟာ အမေရိကန် ဒေါ်လာ ၃ ဒသမ၄ ဘီလီယံအထိ ရရှိခဲ့ပါတယ်။

ဖက်ရှင် Industry ပြိုင်ဖက်တွေ၊ ဂုဏ်သိက္ခာထိခိုက်ခြင်း (အလုပ် သမားအခွင့်အရေးအဖွဲ့တွေနဲ့ သဘာဝပတ်ဝန်း ကျင်ထိန်းသိမ်းရေးသမားတွေကြောင့်)၊ စျေးကြီးလာတဲ့နေရာငှားရမ်းမှုတွေနဲ့ အွန်လိုင်းလက်လီရောင်းချပြိုင်ဆိုင်မှုတွေ များလာတာကြောင့် ကမ္ဘာလုံးဆိုင်ရာလုပ်ငန်းတွေမှာ ယာယီပြိုလဲသွားစေခဲ့တဲ့ဖြစ်ရပ်တွေနဲ့ ကြုံတွေ့ခဲ့ရပါတယ်။ ဒီဖြစ်ရပ်တွေကြောင့် ၂၀၁၉ ခုနှစ်မှာ Forever 21 ရဲ့ ကမ္ဘာ့ရောင်းအား ၃၂ ရာခိုင်နှုန်းအထိ ကျဆင်းသွားတာကို ကြုံတွေ့ခဲ့ရပါတယ်။ စက်တင်ဘာလမှာ Forever 21 ဟာ Chapter 11 bankruptcy protection ဒေဝါလီခံခြင်းဆိုင်ရာတွေအတွက် လျှောက်ထားမှုတွေ ပြုလုပ်ခဲ့ရပါတယ်။ နိုင်ငံပေါင်း ၄၀ မှာ လုပ်ငန်းလည်ပတ်မှုတွေ ရပ်ဆိုင်းခဲ့ပြီး US ရှိ စတိုးဆိုင်ပေါင်း ၁၇၈ ခုကို ပိတ်လိုက်ကြောင်း ကြေညာခဲ့ကာ ကုန်တိုက်နဲ့မြေပိုင်ရှင်တွေကို ကုမ္ပဏီမှာ အစုရှယ်ယာဝင်ခွင့်ပြုဖို့ ပြန်လည်ဉီးမော့လာအောင် ကြိုးစားခဲ့ကြပါသေးတယ်။

ဒေဝါလီခံတရားရုံးရဲ့ တရားသူကြီးက အတည်ပြုချက်အရ ဖေဖော် ဝါရီ ၂ ရက်၊ ၂၀၂၀ ပြည့်နှစ်မှာ Forever 21 ဟာ သူတို့ရဲ့ပိုင်ဆိုင်မှုအားလုံးကို Simon Property Group၊ Brookfield Properties နဲ့ Authentic Brands Group (ABG) တို့ထံ အမေရိကန်ဒေါ်လာ (၈၁) သန်းဖြင့် ရောင်းချရန် သဘောတူညီမှု ရရှိခဲ့ကြောင်း ကြေညာခဲ့ပါတယ်။

အဆုံးသတ်ဆိုရသော် Chang တို့ မိသားစု အစပျိုးတည်ထောင်ခဲ့တဲ့ Forever 21 ရဲ့ သမိုင်းကြောင်းအနိမ့်အမြင့်ဟာ ကမ္ဘာတစ်ဝန်းရှိ အသေးစားအလတ်စားအဝတ် အထည်လုပ်ငန်းရှင်တွေအတွက် စံနမူနာကောင်းတစ်ခုအနေနဲ့ ယူရမယ့် အမှတ်တံဆိပ်တစ်ခုရဲ့ဇာတ်လမ်းဆိုရင်တော့ မမှားပါဘူး။

19/01/2022

သင် မသိသေးတဲ့ Levi's အကြောင်း အချက် (၆) ချက်

Levi's နဲ့ ပတ်သက်လို့ ဂလူးဂလူးလုပ်လိုက်ရင် သူ့ရဲ့ History ကို သိလို့ရပါတယ်။ ဒါပေမဲ့ Be Your Stylist ကနေ အများစု မသိကြသေးတဲ့ Levi's အကြောင်း အချက် (၆) ချက်ကို ဖော်ပြပေးလိုက်ပါတယ်။ (ဂလူးဂလူး= Google ခေါက်ခြင်းကို ဆိုလိုတာပါ)

(၁) တည်ထောင်သူ Levi's Strauss က သူ့အမှတ်တံဆိပ်ကို ဘယ်တော့မှ မဝတ်ပါဘူး

ဟုတ်ပါ့မလားလို့ အတွေးဝင်ပြီး အမှတ်တံဆိပ်တည်ထောင်သူ Levi Strauss ကတော့ သူ့အမှတ်တံဆိပ်ကို ဘယ်တုန်းကမှ မဝတ်ခဲ့ပါဘူး။ အမှတ်တံဆိပ်ကို စတင်ရောင်းချတဲ့အချိန်က ဂျင်းဘောင်း ဘီကို အလုပ်သမားတွေ အတွက်ရည်ရွယ်ပြီး ထုတ်လုပ်ခဲ့တာမို့ အင်မတန်စိတ်ဝင်စားစရာကောင်းပါတယ်။ အထူးသဖြင့် Levi ကဲ့သို့ အောင်မြင်တဲ့ စီးပွားရေးသမားတွေက ဒါတွေကို မဝတ်ခဲ့ပါဘူး။ သူကတော့ အနက်ရောင် Suite နဲ့ ရှပ်အကျီအဖြူကိုသာ ဝတ်ဆင်လေ့ရှိသူပါ။

(၂) အခုထိ ရှိနေတဲ့ သက်တမ်းအရင့်ဆုံး Levi's ဂျင်းဘောင်းဘီ

Levi's ၁၉ရာစုမှာ စတင်ခဲ့တာပါ။ ဒါကြောင့် ဒီအမှတ်တံဆိပ်ရဲ့နောက်ကွယ်မှာ ရှည်လျားတဲ့သမိုင်းကြောင်းရှိခဲ့တာဟာ အထင် အရှားပါ။ အခုအချိန်အထိ သူတို့ ထုတ်လုပ်ထားတဲ့ ဂျင်းဘောင်းဘီပမာဏကိုပဲ စိတ်ကူးကြည့်လိုက် ပါ။ ဘယ်လိုပင်ဖြစ်စေကာမူ Levi's အမှတ်တံဆိပ်ရဲ့ အသက်အကြီးဆုံး ဂျင်းဘောင်းဘီတစ်စုံကို ၁၈၇၉ ခုနှစ်အထိ ပြန်လည်ခြေရာခံနိုင်လို့ရပါတယ်။ အဲဒီဂျင်းဘောင်းဘီရဲ့ခန့်မှန်းတန်ဖိုးမှာ ဒီနေ့မှာတော့ ဒေါ်လာ ၁၅၀,ဝဝဝ ဝန်း ကျင် တန်ဖိုးရှိပါတယ်။ ဒီဂျင်းဘောင်းဘီတွေကို ဘယ်မှာရှိသလဲလို့ ယူတို့ သိချင်ပါက၊ ဒါတွေကို ဆန်ဖရန်စစ္စကို အခြေစိုက် မီးခံ သေတ္တာထဲမှာ လုံခြုံစွာသိမ်းဆည်းထားပါတယ်တဲ့။

(၃) အကျဉ်းထောင်တွေအတွက် အဝတ်အစားတွေကို Supplier အနေနဲ့ ပေးခဲ့ဖူးပါတယ်

ဟုတ်တယ်၊ ဒါက ယူ့ကို အံ့အား သင့်စရာ ဖြစ်ကောင်းဖြစ်နိုင်ပေမယ့် ၁၈၇၅ ခုနှစ်မှာ Levi's က ထောင် အတော်များများကို အဝတ်အစားတွေ ထောက်ပံ့ပေးဖို့ အစိုးရနဲ့ စာချုပ်ချုပ်ခဲ့ဖူးပါတယ်။ အဲဒီအကျဉ်းထောင်တွေက Folsom (Sacramento အနီး)၊ San Quentin (ဆန်ဖရန်စစ္စကိုအနီး) နဲ့ Yuma (Arizona) ရှိ ကယ်လီဖိုးနီးယား ပြည်နယ်အကျဉ်းထောင်တွေ ဖြစ်ပါတယ်။ အဲဒီထောင်တွေမှာ ရှိတဲ့ အကျဉ်း သားတွေကတော့ ဂေါ်နေမှာပဲ။

(၄) Loeb’s လား၊ Levi's လား

Levi's ကို စတင်တည်ထောင်သူ Levis Strauss ရဲ့အမည်ကို ယခုအချိန်မှာတော့ သိနေမှာ ဟုတ်၊ ဒါပေမဲ့ အဲဒါက သူ့မူရင်းနာမည်မဟုတ်မှန်း ယူတို့ သိရဲ့လား။ Levi ကို ဂျာမနီနိုင်ငံမှာ Loeb Strauss အဖြစ် မွေးဖွားခဲ့ပါတယ်။ ၁၉၄၇ ခုနှစ်မှာတော့ သူဟာ အမေရိကကို မိသားစုစီးပွားရေးလုပ်ရန် ဂျာမနီနိုင်ငံကနေထွက်ခွာခဲ့ပြီးနောက် ပိုင်းမှာ သူရဲ့ နာမည်ကို Levi လို့ ပြောင်းလဲခဲ့လိုက်တာပါ။

(၅) အမျိုးသမီးတွေအတွက် Levi's

အစပိုင်းနဲ့ အချိန်အတော်ကြာအောင် Levi's ဟာ အမျိုးသားတွေအတွက်သာ ဂျင်းဘောင်းဘီကို ထုတ်လုပ်ခဲ့ပါတယ်။ ၁၉၃၄ ခုနှစ်ရောက်တော့မှ အမျိုးသမီးတွေအတွက် အထူးပြုလုပ်ထားတဲ့ ဂျင်းဘောင်းဘီကို ထုတ်လုပ်ဖို့ ဆုံးဖြတ်ခဲ့ကြပါတယ်။ အမျိုးသမီးတွေအတွက် ဂျင်းဘောင်းဘီကို မိတ်ဆက်လိုက်တဲ့ဆုံးဖြတ်ချက်ဟာ အဲဒီခေတ်ရဲ့ Social Revolution အဖြစ် အမျိုးသမီးဖက်ရှင်လုပ်ငန်းတွင် ကြီးမားတဲ့ပြုပြင်ပြောင်းလဲမှုတစ်ရပ်ကို ယူဆောင်လာခဲ့ပေးတဲ့ ဆုံးဖြတ် ချက်တစ်ခုပါ။ ဒါပေမဲ့ ပထမကမ္ဘာစစ်ရဲ့နောက်ဆက်တွဲအနေနဲ့ အမျိုးသမီးအများစုရဲ့ အလုပ် ကြမ်းမှာ ဝတ်တာ ဂျင်းဘောင်းဘီတွေနဲ့ ဖြစ်ကြပြီး ထိုခေတ်က ဂျင်းဘောင်းဘီကို သာမာန်အလုပ်ဝတ်တွေအတွက်သာ ဖြစ်တယ်ဆိုတဲ့အတွေးအခေါ်ဟာ Levi's အတွက် ကြီးမားတဲ့ထိခိုက်မှုတစ်ခုဖြစ်ခဲ့ရပါသေးတယ်။

(၆) ခါးပတ်ထည့်ဝတ်ဖို့ Belt Loop တွေ မပါခဲ့ပါဘူး

Levi's ဂျင်းဘောင်းဘီတွေဟာ အရင်က Belt Loop တွေ ပါမလာပါဘူး။ အဲဒါအစား အဲဒီခေတ်က အမျိုးသားတွေဟာ သူတို့ရဲ့ ဂျင်းဘောင်းဘီကို အပေါ်နဲ့ ခန္ဓာကိုယ်ပေါ်တွင် ထားရှိဖို့ ပခုံးမှာ ချိတ်ထားတဲ့ Suspenders နဲ့ Cinch တွေကိုသာ အများအားဖြင့် အသုံးပြုခဲ့ကြတာပါ။ Levi's ရဲ့ ခါးပတ်ကွင်းပါတဲ့ ဂျင်းဘောင်းဘီတွေကို မိတ်ဆက်ခဲ့တာ ၁၉၂၂ ခုနှစ်ရောက်မှသာဖြစ်ပါတယ်။

ဒီလို Levi's ခါးပတ်နဲ့ Wallet တွေကို Be Your Stylist Page ကနေ ယူတို့အနေနဲ့ စိတ်ချစွာဝယ်ယူအားပေးနိုင်ပါပြီ။ ဒီ Link လေးမှာ အသေးစိတ် ဝင်ရောက်လေ့လာလို့ ရပါတယ်။

📌📌📌
https://www.facebook.com/beyourstylist1996/posts/392284085997716

's

17/01/2022

စတိုးဆိုင်လေးမှတစ်ဆင့် H&M ဆိုတဲ့ နာမည်ကျော်အမှတ်တံဆိပ်ဆီသို့

၁၉၄၇ ခုနှစ်၊ ဆွီဒင်နိုင်ငံရှိ Västerås ဒေသမှာ Erling Persson ဆိုသူက “Hennes” လို့အမည်ပေးထားတဲ့ စတိုးဆိုင်လေးတစ်ဆိုင်ကို ဖွင့်လှစ်ခဲ့ပါတယ်။ မူရင်းအမည်ကတော့ ဆွီဒင်ဘာသာနဲ့ “Hennes” -“သူမ” အတွက်လို့ အဓိပ္ပါယ်ရတာဖြစ်ပြီး အဲဒီအချိန်က အမျိုးသမီးအဝတ် အထည်တွေကို သီးသန့်ရောင်းချခဲ့တဲ့အတွက်ကြောင့် ဖြစ်ပါတယ်။ ဆိုင်ရှင် Persson က အမဲလိုက်တဲ့အခါ ဝတ်ဆင်တဲ့အဝတ် အထည်အမှတ်တံဆိပ် Mauritz Widforss ကို ဝယ်ယူခဲ့ပြီး ၁၉၆၈ ခုနှစ်မတိုင်မီအထိ အမည်ကို Hennes & Mauritz သို့ ပြောင်း လဲခဲ့ကာ ကုန်ပစ္စည်းအမျိုးအစားတွေထဲမှာ အမျိုးသားတွေအတွက်ပါ အမှတ်တံဆိပ်ရဲ့ပါဝင်မှုဟာ ထင်ဟပ်စေခဲ့ပါတယ်။ ဒီလိုပေါင်းစည်းမှုကို အတိုချုံ့ကာ "H&M" လို့ တရားဝင်အမည်ပြောင်းပြီးနောက် မကြာမီကုမ္ပဏီရဲ့ Market တိုးချဲ့မှုဟာ ဆွီဒင်နိုင်ငံပြင်ပအထိ တဖြည်းဖြည်းကျယ်ပြန့်လာခဲ့ပါတော့တယ်။

ပထမဆုံးသော H&M ဆိုင်ခွဲတွေကို အိမ်နီးချင်း နော်ဝေးနဲ့ဒိန်းမတ်တွေမှာ အရောင်းဆိုင်တွေ ပေါ်လာပြီး ဗြိတိန်နဲ့ ဆွစ်ဇာလန်အထိ သူတို့ရဲ့ ဆိုင်တွေကို တိုးချဲ့လာခဲ့ပါတယ်။ H&M ဟာ ၁၉၇၃ ခုနှစ်မှာ အတွင်းခံနဲ့ ဆက်စပ်တဲ့ အဝတ် အထည်တွေကို စတင်ရောင်းချခဲ့ပြီး Brand ရဲ့ ပထမဆုံးသော Celebrity Endorser အဖြစ် အဲဒီခေတ်က နာမည်ကြီး ABBA အဖွဲ့ဝင် AnniFrid Lyngstad ပါ။ ၁၉၈၀ ပြည့်နှစ်ကစပြီး H&M ဟာ Global Brand အဖြစ် ချဲ့ထွင်မှုတွေ ထပ်မံပြုလုပ်ဖို့ မျှော်မှန်းချက်ချတွေ ချမှတ်ခဲ့ပါတယ်။ ၁၉၈၂ ခုနှစ်ရောက်တော့ H&M Brand ကို တည်ထောင်သူ Erling Persson က သားဖြစ်သူ Steffan Persson ကို CEO အဖြစ် တရားဝင်လွှဲ ပြောင်းပေးအပ်ခဲ့ပါတယ်။ H&M ရဲ့ အောင်မြင်မှုတွေဟာ ရပ်တန့်မနေဘဲ ဥရောပတိုက်တစ်ဝှမ်းမှာ ဆိုင်ခွဲတွေ ဖွင့်လှစ်ကာ တိုးချဲ့ လာခဲ့ပါတယ်။

၁၉၉၀ ပြည့်နှစ်လောက်စပြီး စူပါမော်ဒယ်တွေဖြစ်တဲ့ Linda Evangelista၊ Naomi Campbell နဲ့ Christy Turlington တို့ ၀တ်ဆင်ထားတဲ့ အမိုက်စား ပေါ့ပေါ့ပါးပါး ဒီဇိုင်း H&M အဝတ်အစားတွေကို ပိုစတာတွေ၊ ကြော်ငြာဆိုင်း ဘုတ်တွေ၊ ဖက်ရှင်မဂ္ဂဇင်းစာမျက်နှာတွေထက်မှာ ဖော်ပြရင်း Customer ရဲ့ ယုံကြည်မှုပိုမို ရရှိလာအောင် H&M ဟာ ကြော်ငြာကမ်ပိန်းတွေ ပြုလုပ်ခဲ့ပါတယ်။ H&M ဟာ ၁၉၉၈ ခုနှစ်မှာ အင်တာနက်ထွန်းကားလာမှုကို အခွင့်အရေးတစ်ရပ်အဖြစ်ယူကာ တရားဝင်အွန်လိုင်းကနေ ဝယ်ယူလို့ရနိုင်အောင် ပြုလုပ်ခဲ့တဲ့ပထမဆုံးသောကုမ္ပဏီတစ်ခုလည်း ဖြစ်လာခဲ့ပါတယ်။

၂၀၁၀ ပြည့်နှစ်နောက်ပိုင်းမှာ ကမ္ဘောဒီးယား၊ ဘဂ်လားဒေ့ရှ်၊ မြန်မာ၊ တရုတ်စတဲ့ အာရှနိုင်ငံ တော်တော်များများမှာ H&M အထည်ချုပ်စက်ရုံတွေ တည်ရှိပြီး အလုပ်သမားရေးရာကိစ္စတွေ၊ လုပ်ခလစာတွေနဲ့ ပတ်သက်လို့ ဝေဖန်မှုတွေ ရင်ဆိုင်ကြုံတွေ့ခဲ့ရပါတယ်။ အခုလက်ရှိမှာတော့ H&M ဟာ တရုတ်နိုင်ငံရဲ့ ပစ်မှတ်ထားခံရတဲ့ ပထမဆုံးဖက်ရှင် အမှတ်တံဆိပ်ဖြစ်လာခဲ့ကာ သူ့ရဲ့ ထုတ်ကုန်တွေကို Pinduoduo, JD.com နဲ့ Alibaba ကဲ့သို့ သော တရုတ် e-commerce ပလက် ဖောင်းတွေကနေ ဖယ်ရှားခံခဲ့ရပြီး တရုတ်နိုင်ငံရဲ့ Boycott ခြင်းကို ခံထားရပါတယ်။ တရုတ် နိုင်ငံမှာ H&M ရဲ့ ရောင်းအားဟာ ၂၀၂၁ ခုနှစ်ရဲ့ ဒုတိယသုံးလပတ်အတွက် ခန့်မှန်းခြေအားဖြင့် ပြီးခဲ့တဲ့ဘဏ္ဍာရေးနှစ် အလားတူကာလနဲ့ နှိုင်းယှဉ်ပါက (၂၃) ရာခိုင်နှုန်းကျဆင်းခဲ့တယ်လို့ ဆိုပါတယ်။

မီးစတစ်ဖက်၊ ရေမှုတ်တစ်ဖက် ဖြစ်နေတဲ့ H&M ဟာ တရုတ်နိုင်ငံအပေါ် ယုံကြည်မှု ပြန်လည်တည်ဆောက်ကာ သူ့ ရဲ့ဖောက် သည်တွေကို လေးစားသောနည်းလမ်းဖြင့် ဝန်ဆောင်မှုပေးသွားမယ်လို့ ကတိပြုထားတဲ့ ကြေညာချက်ဖြင့် တုံ့ပြန်ခဲ့ပါတယ်။ လူငယ်ဒီဇိုင်နာတွေရဲ့ အသက်မွေးဝမ်းကြောင်း စတင်တဲ့အချိန်ကစပြီး ပံ့ပိုးကူညီရန်အတွက် ရည်ရွယ်ပြီး ၂၀၁၂ ခုနှစ်၊ ဇန်နဝါရီလကတည်းက H&M Design Award ရွေးချယ်မှုတွေ ပြုလုပ်ခဲ့ပါတယ်။ H&M ဟာ စွန့်ပစ်ပစ္စည်းလျှော့ချရေးနဲ့ သဘာဝပတ်ဝန်းကျင်ထိန်းသိမ်းစောင့် ရှောက်ရေးကတိကဝတ်တွေကို ၂၁၀၃ ခုနှစ်တွင် စတင်ခဲ့ပြီး သူတို့ရဲ့ အထည်ချုပ်လုပ်ငန်းအစီအစဉ်တွေမှာ တိုးမြှင့်ပါဝင်လာခဲ့ပါတယ်။ ဖက်ရှင်စက်မှုလုပ်ငန်းအတွင်း လူသားချင်းစာနာထောက်ထားမှုဆိုင်ရာနဲ့ သဘာဝပတ်ဝန်းကျင်ဆိုင်ရာကိစ္စရပ်တွေကို တိုးတက် ကောင်းမွန်စေမယ့် ပရောဂျက်တွေအတွက် ရည်ရွယ်ပြီး ရန်ပုံငွေပေးနိုင်ဖို့ အကျိုးအမြတ်မယူတဲ့ H&M Foundation ကို ၂၀၁၄ ခုနှစ်မှာ တည်ထောင်ခဲ့ပါတယ်။ ဒီဖောင်ဒေးရှင်းကို H&M တည်ထောင်သူနဲ့ ပိုင်ရှင်တွေ ဖြစ် တဲ့ Persson မိသားစုက ဒေါ်လာသန်း (၁၈၀) နဲ့ စတင် မတည်ခဲ့ပြီး ၂၀၁၉ ခုနှစ်မှာတော့ ဘဏ္ဍာငွေထောက်ပံ့မှုဟာ US$ (၁၇)သန်း သို့ (၇) ရာခိုင်နှုန်း တိုးတက်လာခဲ့ပါတယ်။

၂၀၁၀ ပြည့်နှစ်မှာ အမှတ်တံဆိပ်ဆိုင်ရာ အတိုင်ပင်ခံ Interbrand က H&M ကုမ္ပဏီကို ပထမအကြိမ် တန်ဖိုးအရှိဆုံး ကမ္ဘာ့အမှတ်တံဆိပ်အဖြစ် အဆင့် (၂၁)မှာ သတ်မှတ်ခံခဲ့ရပြီး အဲဒီစစ်တမ်းမှာ လက်လီရောင်းချတဲ့အမှတ်တံဆိပ်တွေထဲမှာ H&M က ထိပ်ဆုံးမှာပါ။ (အဲဒီကာလမှာ Coca-Cola က တန်ဖိုးအရှိဆုံးကမ္ဘာ့အမှတ်တံဆိပ် နံပါတ် (၁) အဖြစ် ရပ်တည်ခဲ့ပါတယ်)။ H&M အမှတ်တံဆိပ်တန်ဖိုးဟာ ဒေါ်လာ (၁၂) ကနေ (၁၆) ဘီလီယံအထိ ရှိတယ်လို့ ခန့်မှန်းထားပါတယ်။ ကမ္ဘာတစ်ဝန်းမှာ H&M အမှတ်တံဆိပ်ဆိုင်ပေါင်း ၂၀၁၂ ခုနှစ်၊ သြဂုတ်လကုန်အထိ ဆိုင်ပေါင်း ၂,၆၀၀ ကျော် ရှိခဲ့ပြီး ၂၀၂၁ ခုနှစ် မှာ H&M ဟာ COVID-19 ကပ်ရောဂါကြောင့် သူတို့ရဲ့ ကမ္ဘာတစ် ဝန်းရှိ စတိုးဆိုင်တွေရဲ့ (၅) ရာခိုင်နှုန်းကို ပိတ်ပစ်ရန် စီစဉ်နေကြောင်း ကြေညာခဲ့ပါတယ်။

&M

O&S Be Your Stylist

02/02/2022

31/01/2022

27/01/2022

26/01/2022

25/01/2022

24/01/2022

23/01/2022

22/01/2022

21/01/2022

20/01/2022

19/01/2022

17/01/2022

Address

Website

Alerts

Shortcuts

Share

Category