07/05/2024
'' လမ်း ''
လျှောက်လည်းလျှောက်ခဲ့ဖူးတယ်။
မှောက်လည်းမှောက်ခဲ့ဖူးတယ်။
ပျောက်လည်းပျောက်ခဲ့ဖူးတယ်။
ခဏခဏပေါ့…
လျှောက်လိုက်…
ပျောက်လိုက်…
မှောက်လိုက်နဲ့လေ။
ဒါပေမဲ့…
ဆက်လျှောက်နေရတာပဲ။
မှောက်လည်းခေါက်ခနဲပြန်ထရတာပဲ။
ပျောက်လည်းဖျောက်ခနဲပြန်ပေါ်
လာအောင်ကြိုးစားရှာဖွေရတာပဲ။
ဘာလို့လဲ?
ဘာကြောင့်လဲ?
ကိုယ့်ကိုယ်ပြန်မေးတိုင်းအဖြေတစ်ခု
ပဲရတယ်။
ရွေးချယ်ခွင့်မရှိတဲ့ဘဝမှာ
ရှင်သန်နေရလို့…
ကျရာဇာတ်ရုပ်ကိုလက်ခံပြီး
သဘာဝကျကျသရုပ်ဆောင်နေရလို့…
ရှောင်ပြေးခွင့်မရှိဘူး။
နောက်လှည့်ခွင့်မရှိဘူး။
ပယ်ဖျက်ခွင့်မရှိဘူး။
ဒါပေမဲ့…
ပြုပြင်ခွင့်ရှိတယ်။
အကောင်းဆုံးပုံဖော်ခွင့်ရှိတယ်။
ကိုယ့်ဘဝကကိုယ့်လက်ထဲမှာ
ရှိနေတဲ့အတွက်…
အရာအားလုံးကိုယ်ပဲဖန်တီး
လို့ရတယ်။
ဖြစ်တယ်…
ပျက်တယ်…
လောကဓံတရားကြီးအောက်
ခဏခဏမှောက်လဲခဲ့ရလည်း
မမှုတဲ့ဇွဲတွေနဲ့ဆက်လျှောက်မယ်။
လိုချင်စိတ်တွေလျော့ချပစ်မယ်။
မဖြစ်နိုင်တာတွေကိုစိတ်ကူးယဉ်
နေတာရပ်တန့်ပစ်ရမယ်။
မပေးချင်မှန်းသိရက်နဲ့
အတင်းလိုချင်တာတွေ…
မရနိုင်တာတွေကို
မျှော်လင့်ရင်းအချိန်ဖြုန်းနေတာ
တွေကို တတ်နိုင်သမျှ
လျော့ချပစ်ရမယ်။
တချို့တချို ့သောအရာတွေက
ကိုယ်ပြုပြင်ပေးလို့မရမှန်း
သိနားလည်ရမယ်။
တခ်ျို ့အရာတွေကအချိန်အကြာကြီး
ဖက်တွယ်ထားလို့မရနိူင်ဘူး
ဆိုတာသဘောပေါက်ထားရမှာ
ဖြစ်သလို…
တချို ့သောသံယောဇဉ်ကြိုးတွေ
ကလည်းဆုပ်ကိုင်ထားလေလေ
နာကျင်လေလေဆိုတာ ကြိုသိ
ထားရမယ်။
ခွင့်လွှတ်သင့်ရင်
ခွင့်လွှတ်။
စွန့်လွှတ်သင့်ရင်
စွန့်လွှတ်။
ဒါမှကိုယ့်ဘဝလေးချောမွတ်မယ်
ဆိုတာနှလုံးသွင်းထားရမယ်။
ဘဝ…တဲ့
နာကျင်စရာတွေများလေလေ…
နေသားကျလာလေလေ…
ငိုရတဲ့ရက်တွေများလာလေလေ…
မာကျောစွာနေတတ်လာလေလေ…
ပျော့ညံ့မှုတွေနဲ့…
နေတတ်လေလေ…
ကျရှုံးလေလေ…
အကြောတင်းတင်း
နေထိုင်တတ်လေလေ…
နာကျင်မှုတွေ…
ပူလောင်မှုတွေနဲ့ဝေးလေလေဆိုတာ
ကိုပေါ့။
သိအောင်ကြိုးစားပါ။
တတ်အောင်သင်ယူပါ။
နေတတ်အောင်နေပါ။
ဘဝဆိုတာ…
ကိုယ်တစ်ယောက်တည်းလျှောက်
ရတဲ့လမ်းတစ်ခုပါ။
ကံကောင်းရင်…
အဖော်ပါချင်ပါမယ်။
ကံဆိုးရင်
တစ်ယောက်တည်းဖြစ်မယ်။
ဒီထက်ပိုပြီးကံဆိုးရင်
ရလာတဲ့အဖော်ကြောင့်ခဏခဏ
လဲကျလိမ့်မယ်။
သူ့ကြောင့်ကိုယ်ပါပြိုလဲချင်
ပြိုလဲသွားနိူင်တယ်။
အဖော်လေးပါတော့…
အထီးမကျန်ဘူးဆိုပေမဲ့…
ကိုယ့်အဖော်ကမတော်သူဖြစ်နေခဲ့ရင်
မော်မကြွားရဘဲ
လမ်းချော်တိမ်းမှောက်ခရီးတစ်
ထောက်မှာပဲကိုယ့်ဘဝဇာတ်သိမ်း
သွားရလိမ့်မယ်။
ကိုယ့်အရည်ချင်းကိုယ်ယုံကြည်ပါ။
ကိုယ့်အတွေးအခေါ်ကိုယ်တန်ဖိုးထား
ပါ။
ကိုယ့်ကိုယ်ကိုယ်တော့အရမ်းအထင်
မကြီးမိစေနဲ့ပေါ့။
တခါ တေလ…
ကိုယ့်ကိုယ်ကိုယ်ယုံကြည်မှုလွန်ကဲ
လာခြင်းကက်ိုယ့်စိတ်ကိုယ်ပြန်သတ်
လိုက်သလိုဖြစ်သွားတတ်တယ်။
လောကရဲ့တချို့သောအရာတွေက
ကိုယ်ပြုပြင်ပြောင်းလဲပေးတိုင်း
မရနိုင်ဘူးလေ။
စိတ်ဓာတ်ကျတိုင်း…
တစ်ခုသိထားရမှာက…
'' အစစ်မှန်ရဖို့
ရှာဖွေရတာမဟုတ်။
ကိုယ်ဖြောင့်မတ်စွာရှင်သန်နေသရွေ့
တစ်ချိန်ကိုယ်ပိုင်ဆိုင်ရမဲ့အရာ
ဆိုတာကိုပေါ့ ''
'' ကောင်းကင်ဆိုတာ
မော့ကြည့်ဖို့…
မြေကြီးဆိုတာ
ချနင်းဖို့…
ပုံစံမတူ
နေရာချင်းမတူပေမဲ့
လူတွေအတွက်လိုအပ်တာချင်း
တူတယ်။
ကောင်းကင်မရှိရင်မလုံခြုံဘူး။
မြေကြီးမရှိရင်မခိုင်မတ်နိုင်ဘူး။
'' ကောင်းကင်ဖြစ်ဖြစ်…
မြေကြီးဖြစ်ဖြစ်…
ကိုယ်ကလူတိုင်းအတွက်
တစ်ခုခုတော့အသုံးဝင်အောင်
ကြိုးစားရမယ်ဆိုတာပါပဲ ''
လေးစားစွာဖြင့် "
- ပန်းပျိုးလက် -
