06/01/2025
2023/24 ကာလတွေမှာ 27နှစ်သက်တမ်းကြာအောင် အင်္ကျီတွေ ချုပ်ခဲ့တဲ့ ဒဏ်တွေစုပြီး ကျီးပေါင်းရောဂါတွေ ခံစားခဲ့ရတယ်…ဂုတ် ပခုံး ကျောရိုး ကျီးပေါင်းတွေတက် အတက်တွေထွက်ပြီး ခါးဆစ်ရိုးမှာက အာရုံကြောညပ်တယ် အထိုင်အထတောင်မရတော့လို့ အိပ်ယာထဲလဲပြီး ပြလိုက်တဲ့ဆရာဝန်တိုင်းက အပ်ချုပ်တဲ့အလုပ်ကို ရာသက်ပန် နားခိုင်းကြတယ်….အဲ့ဒီမှာတင် ဒီဇိုင်နာဘဝကို အနားယူပြီး ဆယ်နှစ်ကျော်ချုပ်ခဲ့တဲ့ ဧရာဝတီဘဏ်အပါအဝင် ပင်တိုင်ချုပ်ပေးနေရတဲ့ ကုမ္ပဏီပေါင်းများစွာကို အကြောင်းကြားပြီး အင်္ကျီချုပ်တဲ့အလုပ်ကနေ အနားယူခဲ့တယ်……လပေါင်းများစွာ အိပ်ယာထဲလဲပြီး ဆေးခန်းကို အကြိမ်ပေါင်းများစွာ လနဲ့ချီပြီး သွားခဲ့ရတယ်……စိတ်ဓာတ်တွေ အရမ်းကျခဲ့ရတယ်….ငယ်ငယ်ထဲက လုပ်ခဲ့တဲ့ ဒီအလုပ်ကိုလဲ မစွန့်လွှတ်ချင်ခဲ့ဘူးလေ…..အဲ့ဒါနဲ့ လေ့ကျင့်ခန်းသေချာပြန်လုပ်ပြီး ကျန်းကျန်းမာမာနဲ့ ပုံမှန်ပြန်လည်ပတ်နိုင်အောင် အချိန်တွေ အများကြီးပေးပြီး ကြိုးစားလာခဲ့တာ အခုပုံမှန်ပြန်လည်ပတ်နိုင်လာပြီ…..သူများတွေလို လှဘို့ကြိုးစားတာမဟုတ်ဘူး ပြန်လည် သန်စွမ်းပြီး ရုန်းထနိုင်ဖို့ ကြိုးစားခဲ့တာပါ…..အခု 2025မှာ အရင်လို အပ်ထည်တွေတော့ မချုပ်တော့ပေမယ့် ကိုယ့်ရဲ့ဝါသနာ ကိုယ့်ရဲ့ကျန်းမာရေးနဲ့ အဆင်ပြေမယ့် အင်္ကျီချုပ် သင်တန်းလေးကို သူငယ်ချင်း ဒီဇိုင်နာ ချိုချိုနဲ့ နှစ်ယောက်ပေါင်းပြီး စဖွင့်ပါတော့မယ်နော်….ဘယ်လိုတွေသင်မယ်ဆိုတဲ့ ကြော်ငြာလေးတွေလဲ နောက်နေ့မှ ထပ်ပြီးတင်ပေးပါမယ်နော်….စာတွေအရှည်ကြီးဖတ်ပေးလို့ ကျေးဇူးတင်ပါတယ်🙏……မစူးကို ချစ်ခင်တဲ့သူများ အားပေးစကားလေးတွေ ပြောပေးကြပါအုန်းလို့😘😘😘😘😘
