Kyal Sin Win Online Shopping

17/02/2026

18/12/2025

ယနေ့ကျရောက်သည့် ကရင်နှစ်သစ်ကူးမှသည် ကရင် တိုင်းရင်းသား ညီအစ်ကိုမောင်နှမများ
ကောင်းခြင်းမင်္ဂလာနှင့် ပြည့်စုံသော
နှစ်သစ် ဖြစ်ပါစေကြောင်း ဆုမွန်ကောင်းတောင်းအပ်ပါသည်။

#ကရင်နှစ်သစ်ကူးဆုတောင်း

03/11/2025

မွေးရပ်မြေမှ အဝေးရောက်သူများ အလွမ်းပြေကြပါစေ☘️
လမ်းအလှူရှင်များအားလုံးကို ကျေးဇူးတင်ပါတယ်ရှင့်🙏

20/10/2025

" ဒီပါဝလီ" နေ့မှာ ဟိန္ဒူဘာသာဝင်များနှင့်အတူ မြန်မာနိုင်သူမြန်မာနိုင်ငံသားအားလုံး ကျန်းမာပျော်ရွှင်ကြပါစေ☘️

08/08/2025

ဝါခေါင်လပြည့် မေတ္တာအခါတော်နေ့

#မေတ္တာအခါတော်နေ့စတင်ဖြစ်ပေါ်လာပုံ

မြတ်စွာဘုရား သာဝတ္ထိပြည်၊
ဇေတဝန်ကျောင်းတော်မှာ
သီတင်းသုံးတော်မူစဉ်အခါက

ရဟန်းငါးရာဟာ ဝါခေါင်လတွင်
ဘုရားရှင်ထံမှ ကမ္မဌာန်းတရား
နာယူခဲ့ကြပါတယ်။ အဲဒီနောက်

ကမ္မဌာန်းတရားအားထုတ်ကြဖို့
သာဝတ္ထိပြည်မှ တစ်ယူဇနာဝေးသော
တောအုပ်တစ်ခု၌ ဝါကပ်ကာ ရဟန်း
တရားကို အားထုတ်ကြပါတယ်။

ရဟန်းတော်များဟာ သစ်ပင်
တစ်ပင်စီရဲ့အောက်မှာ ကမ္မဌာန်း
တရားအားထုတ်ကြရာမှာ မြင့်
မြတ်တဲ့ ရဟန်းတော်များရဲ့ သီလ
အစွမ်းကြောင့် ရုက္ခစိုးများဟာ
သစ်ပင်တွေပေါ်မှာ မနေနိုင်ကြတော့
ဘဲ အောက်သို့ဆင်းပြီး ဆင်းရဲစွာ
လှည့်လည်နေထိုင်ကြရပါတယ်။

ပထမတော့ ခဏတဖြုတ်ပဲ
သီတင်းသုံးကြမယ်ထင်လို့
သည်းခံကြပေမယ့် ရက်ကြာလာ
တော့ သည်းမခံနိုင်တော့ဘဲ
ကြောက်မက်ဖွယ် အဆင်း၊ အသံ၊
စက်ဆုပ်ဖွယ် အနံ့တို့ဖြင့် အမျိုး
မျိုးအဖုံဖုံ ခြောက်လှန့်ကြပါတယ်။

ရဟန်းတော်များ ကောင်းစွာ
တရားအားမထုတ်နိုင်ကြတော့ဘဲ
မြတ်စွာဘုရားထံ အကြောင်းစုံ
လျှောက်ထားကြပါတယ်။

ဝါခေါင်လပြည့်နေ့မှာ မြတ်စွာ
ဘုရားက ရဟန်းတော်များကို လူ
နတ် ဗြဟ္မာ သတ္တဝါတို့ ချစ်ခင်စေ
တဲ့ " မေတ္တသုတ်" တရားတော်ကို
ဟောကြားနာယူစေပါတယ်။

ရဟန်းတော်များနဲ့သင့်တော်ရာ
အရပ်ကို ကြည့်တော်မူရာမှာ
အခြားနေရာမမြင်၍ မူလ အား
ထုတ်ရာ အရပ်သို့သာ ပြန်စေပြီး
မေတ္တသုတ်ကို ရွတ်ပွားစေပါတယ်။

မေတ္တသုတ်တရားတော်ရဲ့အာနု
ဘော်ကြောင့် ရုက္ခစိုးနတ်တို့ မနှောက်
ယှက်ကြတော့တဲ့အပြင်ရဟန်းတော်
များကို ချစ်ခင်မြတ်နိုးလာပြီး

တံမြက်လှည်းခြင်း၊ သောက်သုံးရေ
တည်ခြင်းများပြုကာဘေးရန် မရှိ
အောင် စောင့်ရှောက်ပေးကြပါတယ်။

ရဟန်းတော်များဟာ တရားကို
ဖြောင့်ဖြောင့် အားထုတ်နိုင်ပြီး
ဝါမကျွတ်ခင်မှာပဲ ရဟန်းများ
အားလုံးအာသဝေါကုန်ခန်းကာ
ရဟန္တာများဖြစ်သွားကြပါတယ်။

မြတ်စွာဘုရားရှင်သည်
ဝါခေါင်လပြည့်နေ့မှာ ရဟန်း
ငါးရာကိုအကြောင်းပြုကာ
မေတ္တသုတ်ဟောကြားတော်မူ
တာဖြစ်လို့ ဝါခေါင်လပြည့်နေ့
ကို " မေတ္တာအခါတော်နေ့ " လို့
သတ်မှတ်ခေါ်ဆိုတာဖြစ်ပါတယ်။

မေတ္တာဟူသည် သူတစ်ပါးတို့၏
ကောင်းကျိုးစီးပွားကို လိုလားသော
သဘောရှိတယ်။ သူတစ်ပါးတို့၏
ကောင်းကျိုးစီးပွားကို လိုလိုလား
လား ဆောင်ရွက်ပေးတတ်တယ်။

အငြိုးအာဃာတကို ပယ်ဖျောက်
တတ်တယ်။ သူတစ်ပါးတို့ ပြည့်စုံ
ချမ်းသာမှုကို ဦးတည်ပါတယ်။
မေတ္တာသဘောကို အဘိဓမ္မာမှာ
သူတစ်ပါးကောင်းကျိုးကို လိုလား
တာမေတ္တာ။ သူတစ်ပါးကောင်းကျိုး
ရှိအောင် ဆောင်ရွက်ပေးတာ
မေတ္တာဖြစ်တယ်လို့ ဆိုပါတယ်။

မိသားစုတွေ စည်းလုံးမှု ရှိရမည်။
ညီအကိုမောင်နှမတွေ စည်းလုံးမှု
ရှိရမည်။ ရပ်ရွာ မြို့နယ်၊ တိုင်းပြည်၊
နိုင်ငံ၊ အားလုံး စည်းလုံးမှုရှိရမည်။

စည်းလုံးဖို့၊ စည်းစည်းလုံးလုံး
ရှိဖို့မေတ္တာအစိုဓာတ်
မေတ္တာအစေးဓာတ်လိုပါတယ်။

မုန့်လုံးရေပေါ်များ လုံးသောအခါ
ဆန်မှုန့်ကို အစိုဓာတ်ရှိသော ရေနှင့်
ဆွတ်ဖြန်းပြီးမှ လုံး၍ ရပါတယ်။

အစိုဓာတ် အစေးဓာတ်မရလျှင်
ဘယ်လိုမှ လုံး၍ မရနိုင်ပါ။
ထို့အတူ အချင်းချင်းစည်းလုံးဖို့၊
ညီညွတ်ဖို့ အသီးသီးမှာ မေတ္တာ
အစိုဓာတ် မေတ္တာအစေးဓာတ်ရှိနေ
ရပါမယ်။ ပါးစပ်နှင့် စည်လုံး၍မရ။
မေတ္တာနှင့် စည်းလုံးမှသာ ရမယ်။

ဘုရားရှင်က လူသားအချင်းချင်း
လိမ်ညာခြင်း လှည့်စားခြင်းကင်း
ဖို့၊ မထီမဲ့မြင်ပြုမှု အထင်သေး
မှုတွေ ကင်းဖို့၊ သီးသန့် မေတ္တာ
ပို့ရန် အထူးမိန့်ကြားခဲ့ပါတယ်။

မေတ္တာသည်သာ အောင်နိုင်ရာ၏။
ဘုရားရှင်ကိုယ်တော်မြတ်သည်
သူ့ကိုဆန့်ကျင်သော မာရ်နတ်၊
အာဠဝကဘီးလူး၊ နာဠာဂီရိဆင်၊
အဂုင်္လိမာလ၊ စိဉ္ဇမာဏ၊ သစ္စကပရဗိုဇ်၊
နန္ဒောပနန္ဒနဂါး၊ ဗကဗြဟ္မာတို့ကို
အနိုင်ယူအောင်မြင်တော်မူခဲ့တယ်။
အောင်ခြင်းရှစ်ပါးဟု ခေါ်ပါတယ်။

ထိုအောင်ခြင်းရှစ်ပါးကို အနိုင်ယူရာ၊
အောင်မြင်ရာတွင် အကြမ်းမဖက်
မေတ္တာသက်သက်ဖြင့် အောင်မြင်
တော်မူခဲ့ခြင်း ဖြစ်ပါတယ်။ ထို့ကြောင့်
မိမိတို့ရည်မှန်းချက်တစ်ခုခု အောင်မြင်
ချင်လျှင် မေတ္တာသာထားကြပါ

မေတ္တာသာ ပွားပါ။ မေတ္တာနှင့်
သာ ဆောင်ရွက်ပါ။ ထိုသို့ မေတ္တာ
နှင့် ပြောဆိုလုပ်ကိုင်ဆောင်ရွက်
မှသာ တကယ်စစ်မှန်သော အောင်
မြင်မှုကို ရရှိနိုင်မှာဖြစ်ပါတယ်။

မေတ္တာတရားများဖြင့်အစဉ်အေးချမ်းကြပါစေ

မောင်သုတ မန္တလေး ဓမ္မဒါနပြုပါသည်

08/07/2025

ဓမ္မစကြာအခါတော်နေ့ #ဝါဆိုလပြည့်နေ့ အကြောင်း သိကောင်းစရာ

🙏🙏🙏

ဝါဆိုလပြည့် နဲ့ ပတ်သက်လို့ ဗုဒ္ဓဝင်မှာ သန္ဓေ တောထွက် ဓမ္မစက် မိန့်မြွက်သံချို လဝါဆို တဲ့ ဘုရားဖြစ်စဉ်ဗုဒ္ဓဝင်မှ ထူးခြားသောဝါဆိုလပြည့်နေ့

၁။ ဘုရားလောင်းသိဒ္ဓတ္ထမင်းသား ပဋိသန္ဓေနေသောနေ့ ၂။ ဘုရားလောင်း တောထွက်တော်မူသောနေ့

၃။ ဂေါတမမြတ်စွာဘုရား ဓမ္မစကြာတရား စတင်ဟောတော်မူသော နေ့

၄။ ရေမီးအစုံစုံတို့ဖြင့် တန်ခိုးပြာဋိဟာကို ပြတော်မူသောနေ့

၅။ ဘုရားအဖြစ်ကို ဝန်ခံတော်မူသောနေ့

၆။ တရားရတနာ စတင်ပေါ်သောနေ့ဖြစ်၍

၇။ သံဃာရတနာ စတင်ပေါ်သောနေ့ဖြစ်၍

၈။ ပုထုဇဉ်ခရီးမှ အရိယာခရီးသို့ စတင် ကူးပြောင်းခွင့်ကြုံသောနေ့

၉။ ဧဟိ ဘိက္ခု-ဟူသောစကားကို စတင်ကြားရသောနေ့

ဝါဆိုလပြည့် ဓမ္မစကြာအခါတော်နေ့
ဂေါတမဘုရားလောင်းတော်သည် ပဉ္စဝဂ္ဂီ ၅ ဦးတို့ စွန့်ခွာထွက်သွား ပြီးသည်နောက် တစ်ကိုယ်တည်း တရားကျင့်တော်မူခဲ့ရာ မဟာ သက္ကရာဇ် ၁ဝ၃ ခု၊ ကဆုန်လပြည့်၊ သောကြာနေ့တွင် သဗ္ဗညုတဉာဏ်တော်ကိုရရှိကာဘုရားအဖြစ်သို့ ရောက်တော်မူလေ

ထိုအခါ၊သဟမ္ပတိဗြဟ္မာမင်း၏ လျှောက်ထား တောင်းပန်ချက် အရ-

အဘယ်သူ့ကိုတရားဦး ဟောကြားအံ့နည်းဟု ဆင်ခြင်တော်မူ၏။ ဗုဒ္ဓမြတ်စွာ၏ အာသယာနုသယဉာဏ်၊ ဣန္ဒိယ ပရောပရိယ ဉာဏ်တော်တို့ ဖြင့်ဆင်ခြင်ခြင်းဖြစ်သည်။ ပထမ ဦးစွာဈာန်လမ်းပြခဲ့ဖူးသော အာဠာရရသေ့ ဆရာကိုမြင်၏။

ထိုရသေ့ကား ကွယ်လွန်ခဲ့ပြီဖြစ်သည်။ ထိုမှတစ်ဆင့် ဥဒကရသေ့ဆရာကို မြင်တော်မူလေသည်။ ဥဒက ရသေ့လည်း ကွယ်လွန်ခဲ့ပြီ ဖြစ်၏။

ထို့နောက်၊ အခြားသော ကျေးဇူးရှိခဲ့ဖူးသူများအား တရားဦး ဟောကြားရန် ကြည့်တော်မူပြန်သည်။
ထိုအခါ ပဉ္စဝဂ္ဂီငါးဦးတို့ကို မြင်တော်မူလေသည်။ သို့သော်လည်း ထို ရသေ့များထံ ချက်ချင်း မကြွပေ။ သုံးရက်သီတင်းသုံး စောင့်ဆိုင်း တော်မူ၏။

ထို့နောက်မှ ဗာရာဏသီအနီးရှိမိဂဒါဝုန်တော သို့ ကြွချီ ခရီးဆက် တော်မူလေသည်။

အစားနည်းသောအကျင့်မှ များသောအကျင့်သို့ ပြောင်းခဲ့သော ကြောင့် ဘုရားမဖြစ်နိုင်တော့ဟု ပဉ္စဝဂ္ဂီတို့ ယူဆခဲ့ကြ၏။

ထို့ကြောင့် ဘုရားလောင်းအားစွန့်ခွါပြီးဗာရာဏသီ၊ မိဂဒါဝုန်တော သို့ ရောက်ခဲ့ကြလေသည်။

မြတ်စွာဘုရားကြွလာသည်ကို ပဉ္စဝဂ္ဂီတို့ မြင်ကြ၏။ ခရီးဦးမကြို၊ ဝတ်မပြုလိုကြတော့ပေ။

သို့ရာတွင် အရှင်မြတ်သည် ဖန်ရည်ဆိုးသင်္ကန်း ဝတ်ရုံလျက်ပင်ဝင် လာတော်မူ၏။

ကိလေသာ ကင်းစင်သဖြင့် အေးချမ်းတင့်တယ် ကြည်ညိုဖွယ်ရှိ၏။

သို့ဖြစ်ရာပဉ္စဝဂ္ဂီတို့သည် ခရီးဦးကြိုကြရ၏။ ရှိခိုးပူဇော်ကြရ၏။ နှုတ်ခွန်းဆက်ကြရ၏။ အချိန်ကား နေမင်းကြီးဝင်လုဝင်ဆဲအချိန်၊ လမင်းကြီးမှာ ပြူလစ်စအခါသမယ ဖြစ်၏။

ဆည်းဆာ ညချမ်း ဖြစ်သည်။

သူတော်မြတ်ဓာတ်ကြောင့် သာယာဖွယ်ကောင်းလှပေ၏။ မိဂဒါဝုန်တောကား ရွှင်ပျအေးမြနေ၏။ ဆိတ်ငြိမ်မှုဖြင့် ပြီးလျက်ရှိ၏။

ထိုအခိုက်တွင် မြတ်စွာ ဘုရားရှင်သည် ပဉ္စဝဂ္ဂီတို့၏ ရှေ့တွင် ထက်ဝယ်ဖွဲ့ခွေနေတော်မူသည်။

ထို့နောက်၊ "ရဟန်းတို့" ဟု ခေါ်ဝေါ်ကာ နှုတ်ခွန်းဆက်တော်မူ လိုက်၏။

ဤကား တရားဦးဟောရန်ဖိတ် ခေါ်သံအစတည်း။

ပဉ္စဝဂ္ဂီတို့သည်သီလစင်ကြယ်ပြီးသူများ ဖြစ်ကြသည်။ ထို့ ပြင်၊ သဒ်ဓါ၊ ဆန္ဒ၊ ဝီရိယစိတ်ထားပြည့်စုံနေပြီးသူများ ဖြစ်ကြ လေရာ မြတ်စွဘုရား၏ စကားအစသည် သူတို့၏ နှလုံးသားဝယ် တရား တည်၍တည်၍ လာလေသည်။
ထိုအချိန်တွင် မြတ်စွာဘုရားက မိမိဘုရား ဖြစ်တော်မူကြောင်း မိန့် ကြား၏။

တရားနာယူကြရန်လည်း တစ်ဆက်တည်း တိုက်တွန်း၏။

သို့သော်မယုံကြည်နိုင်ကြသဖြင့်သုံးကြိမ်သုံးခါ ငြင်းဆန် ကာ နေ ကြ၏။ မြတ်စွာဘုရားသည် ထိုငြင်းဆန်မှုကို ဘုရားဖြစ် ကြောင်း ထပ်မံသိစေပြန်၏။

ပြီးမှ "တရားဦး" ခေါ်ဓမ္မစက္က ပဝတ္တန သုတ္တ ကိုဟောကြား တော်မူ လေသည်။ ထိုတရားတော်၏ အဆုံးဝယ်

အရှင်ကောဏ္ဍညသည် လူသားများ အနက် ပထမဦးဆုံး သောတာပ တ္တိဖိုလ်၌ တည်လေ၏။

ထိုနေ့သည် ဝါဆိုလပြည့်နေ့ ဖြစ်၏။

ထို့နောက်တဖန်၊ ဒေသနာကိုဟောပြတော်မူရာ ဝါဆိုလပြည့်ကျော်

(၁) ရက်နေ့၌ အရှင်ဝပ္ပ၊

(၂) ရက်နေ့၌ အရှင်ဘဒ္ဒိယ၊

(၃) ရက်နေ့၌ အရှင်မဟာနာမ်၊

(၄) ရက်နေ့၌ အရှင်အဿဇိ တို့သည် အသီးသီးသောတာပန် တည် ကြလေကုန်၏။

ပဉ္စဝဂ္ဂီအားလုံးပင် "ဧဟိဘိက္ခု" ရဟန်း အဖြစ်ရောက်ကြလေသည်
ထိုနေ့ကို လည်း"ရဟန္တာနေ့" ဟု ဗုဒ္ဓဘာသာဝင်တို့ သတ်မှတ်ယူ ကြကုန်သည်။

ဝါဆိုလပြည့်နေ့ကိုမူ တရားဦး"ဓမ္မစကြာ" ဟောကြားသောနေ့ ဖြစ်၍ "ဓမ္မစကြာနေ့" ဟု ယနေ့အထိဗုဒ္ဓဘာသာဝင်တို့ အလေးအမြတ်ပြုခဲ့ကြပေသည်။🙏🙏🙏

11/05/2025

အမေများ အားလုံး စိတ်ချမ်းသာ ကိုယ်ကျန်းမာကြပါစေ🩷🌸💐🌺🌷
#အမေများနေ့

11/05/2025

ဗျာ၊ ဖွား၊ ပွင့်၊ စံ ဤလေးတန် မှတ်ရန်ကဆုန်လပြည့်နေ့အချိန်အခါမှာ ကျက်သရေ မင်္ဂလာအပေါင်းနှင့်ပြည့်စုံပါစေကြောင်း ကိုယ်ကျန်းမာ စိတ်ချမ်းသာကြပါစေကြောင်း ဆုတောင်းလိုက်ပါတယ်
🙏🙏🙏

#ကဆုန်လပြည့်နေ့

17/04/2025

"မြန်မာနှစ်သစ်ကူးဆုတောင်း"🙏🙏🙏

မြန်မာသက္ကရာဇ် ၁၃၈၇-ခုနှစ်၊ နှစ်ဆန်းတစ်ရက်နေ့၊မြန်မာနှစ်သစ် အချိန်ခါသမယမှစပီး ကမ္ဘာသူကမ္ဘာသားအားလုံး မြန်မာပြည်သူပြည်သားအားလုံး ကပ်ဘေးအန္တရာယ်အပေါင်းမှကင်းဝေးကြပါစေ ကျန်းမာချမ်းသာကြပါစေ မြန်မာပြည်ကြီးလည်းအမြန်ဆုံးအေးချမ်းပါစေ၊ငြိမ်းချမ်းပါစေဆုတောင်းပေးပါတယ်🙏🙏🙏
#မြန်မာနှစ်သစ်ကူး
#နှစ်ဆန်းတစ်ရက်နေ့

13/04/2025

ကမ္ဘာသူ ကမ္ဘာသားအားလုံးတို့အတွက်
ပါမောက္ခချုပ်ဆရာတော်ဘုရားကြီး၏ ၂၀၂၅ခုနှစ် နှစ်သစ်ကူး ဆုတောင်းမေတ္တာ ပို့သလွှာ