TORGO

20/08/2026

МОНГОЛ ХУВЦАСНЫ ӨВ СОЁЛ #15: ЗАХЧИН ЯСТНЫ ДЭЭЛ ХУВЦАС 🇲🇳✨

Захчин нь Ойрадын нэгэн аймаг бөгөөд 1670-аад оны үед Зүүн гарын хаант улсын хил хязгаарыг сахигч харуулын ардыг “Захчин” хэмээн нэрийдсэн түүхтэй. Баруун Монголын донж төрхийг шингээсэн тэдний уламжлалт хувцас нь онцгой хийц, сүр жавхланг агуулдаг.

Эрэгтэй хувцас: Эрэгтэйчүүд “Халбан” хэмээх хавчиг оройтой малгай голлон өмсөж, тод өнгийн энгэр ба ханцуйн нударга бүхий дээлээр гоёдог.

Эмэгтэй хувцас ба Гоёл чимэглэл: Эмэгтэйчүүд хавтгай дугуй орой бүхий, халиугаар жижиг чих хадсан “халиутай малгай”-г өвөл зунгүй өмсөнө. Ардаа оноотой дэргэр мөр бүхий цэгдэгийг дээлийн гадуур өмсөх бөгөөд дээлийн заханд цагаан зах зүүдгээрээ онцлогтой.

Монгол үндэстнийхээ багажиг, баялаг соёлын өвийг TORGO Couture House тодотгон толилуулж байна.

10/08/2026

БҮРТГЭЛ ХААГДАХАД 1️⃣ ХОНОГ ҮЛДЛЭЭ!

Загварын ертөнцөд хөл тавих таны гарц – TORGO Model Agency. Тайзны урлаг, имиж бүрдүүлэлт, мэргэжлийн бэлтгэлийг нэг дороос.

07/08/2026

МОНГОЛ ХУВЦАСНЫ ӨВ СОЁЛ #13: БУРИАД 🇲🇳✨

Эртний язгуурын Монгол аймгуудын нэг болох Буриад ястан нь Хори, Цонгоол, Сартуул, Булагад, Табунуд, Эхирид, Хонгодор зэрэг үндсэн 7 овог аймагтай. Овог бүр нь өөрийн гэсэн өвөрмөц онцлог бүхий дээл хувцастай билээ.

Эрэгтэй дээл: Хурц омогтой, гурвалсан өнгийн эмжээр бүхий энгэртэй, мөн булган захтай ташуу энгэртэй дээл өмсөнө. Бүсний хоёр үзүүрийг хоёр ташаа руугаа унжуулж бүсэлдгээрээ онцлогтой.

Эмэгтэй гоёл & дээл: Дээл, үсний гоёл нь нас болон нийгмийн байдлыг нь илтгэдэг. Хөндлөн ширээс бүхий шовгор оройтой малгай өмсөх ба өнгөний хувьд хөх, номин цэнхэр өнгө голлодог.

Монгол үндэстнийхээ давтагдашгүй өв соёл, ястнуудын онцлогийг TORGO Couture House тодруулан цувралаар хүргэсээр байна.

#МонголХувцасныӨвСоёл #Буриад

05/08/2026

МОНГОЛ ХУВЦАСНЫ ӨВ СОЁЛ #12: БАРГА 🇲🇳✨

Хүннү гүрний үеэс Монголын хүчирхэг овог аймгуудын нэг байсан бөгөөд 13-р зууны үед Их Монгол улсын бүрэлдэхүүнд багтаж байсан түүхтэй ястан бол Барга юм.

Хувцасны онцлог: Барга дээл хувцас нь олон талаараа Халх дээлтэй төстэй боловч өөрийн гэсэн өвөрмөц онцлогтой. Эрчүүдийн дээл нь өргөн зах, тавиу энгэр, урт ханцуй нударгатай, өргөн хормойтой байхаас гадна зах энгэр нь дан эмжээртэй байх нь элбэг.

Эмэгтэй гоёл: Барга эхнэрүүд үсний гэр хэрэглэдэггүй. Нэг талдаа 9–14 ширхэг хавчиг бүхий үзүүртээ туйвтай гоёмсог толгойн чимэг зүүж, хоёр ташаандаа том дугуй мөнгөн бэл зүүдгээрээ онцлогтой.

Монгол үндэстнийхээ давтагдашгүй өв соёл, ястнуудын онцлогийг TORGO Couture House тодруулан цувралаар хүргэсээр байна.

03/08/2026

МОНГОЛ ХУВЦАСНЫ ӨВ СОЁЛ #11: ЦАХАР 🇲🇳✨

14–17-р зууны нөлөө бүхий Монгол аймаг, зүүн 3 түмний нэг бол Цахар аймаг билээ. Дундад зуунаас 20-р зууны эхэн үе хүртэл Монголчуудын эв нэгдлийн төлөө хүчээ өргөсөөр ирсэн түүхтэй ястан юм.

Хувцасны онцлог: Бусад Монгол ястангуудаас Халхтай дээл хувцасны хувьд хамгийн төстэй.

Эмэгтэй гоёл: Уран нарийн хийцтэй, шүр болон сувдаар чимсэн өвөрмөц толгойн гоёлоороо бусад ястанаас тодорхой ялгардаг.

Монгол үндэстнийхээ давтагдашгүй өв соёл, ястнуудын онцлогийг TORGO Couture House тодруулан цувралаар хүргэсээр байна.

01/08/2026

МОНГОЛ ХУВЦАСНЫ ӨВ СОЁЛ #10: ҮЗЭМЧИН 🇲🇳🇲🇳✨

13-р зууны үед Их Монгол улсын захиргаанд орж, хаан төрийн гол цөм болж явсан отог аймгуудын нэг бол Үзэмчин ястан билээ. Тэдний эдэлж хэрэглэж ирсэн хувцас хэрэглэл, гоёл чимэглэл нь нарийн нандин хийц, өвөрмөц онцлогийг агуулдаг.

Эрэгтэй дээл: Жижиг догол бүхий энгэртэй, өргөн захтай. Залуучууд жижиг цомбон нударгатай дээл өмсдөг бол ахмадууд том дэлбэн нударгатай дээл өмсдөг нь насны ялгааг илтгэнэ.

Эмэгтэй гоёл: Шүр, хув болон бусад эрдэнийн чулуугаар чимсэн, уран нарийн хийц бүхий мөнгөн толгойн гоёл, энгэрийн гуу, ташааны бэл хэрэглэдэг.

27/07/2026

МОНГОЛ ХУВЦАСНЫ ӨВ СОЁЛ | №9: ДӨРВӨД 🇲🇳✨

Дөрвөд ястны хувцас, гоёл чимэглэлийн соёл нь Монголчуудын хувцасны түүхийн түрүү үеийн хэв шинж, язгуурын язгуур шинжийг хадгалж үлдсэн хамгийн эртний бөгөөд баялаг соёлын нэг юм. Бид өв соёл, түүхийн танин мэдэхүйн цувралынхаа 9 дэх хэсгийг Дөрвөд түмний давтагдашгүй соёлд зориулж байна. 👑🏔️

📜 Түүхийн жимээр:
Дөрвөдүүд нь 13-р зуунд язгуурын голлох Монгол аймгуудын нэг байсан бөгөөд 16-р зуунаас Дөрвөн Ойрадын холбооны голлох аймаг болсон түүхтэй. Өнөө үед голчлон үзэсгэлэнт Увс, Ховд аймгийн нутагт суурьшин амьдарч, өв соёлоо хадгалан үлджээ. 🏞️🌤️

👗 Дөрвөд Дээл ба Үгсийн өв: Дөрвөдүүд малгайгаа “махлай”, үстэй дээлийгээ “дэвэл”, “үч” хэмээн эртний уламжлалт аялгаараа нэрлэдэг. Дөрвөд эхнэрийн дээл нь мөрний залгаасгүй, цээжний хэсгээрээ уужим чөлөөтэй бөгөөд хөдөлгөөнд саадгүй, ахуйн хэрэглээнд нэн тохиромжтой байдгаараа онцлогтой.

27/07/2026

ТОРГО Моделс Загварын Анхан шат болон Гүнзгий шатны сургалт зарлагдлаа 👠

23/07/2026

МОНГОЛ ХУВЦАСНЫ ӨВ СОЁЛ | №8: ТОРГУУД 🇲🇳✨
Монгол гоо зүй, уламжлалт гүн ухааны хамгийн сүр жавхлантай, нарийн чамин илэрхийллүүдийн нэг бол Торгууд угсаатны хувцас, гоёл чимэглэлийн соёл билээ. Өв соёлыг танин мэдэхүйн түүхтэй хослуулсан цувралынхаа наймдугаар хэсгийг Торгууд түмний соёлд зориулж байна. 👑🌾

📜 Түүх сөхвөл:
Торгууд нь Ойрадын нэгэн томоохон аймаг юм. Торгууд ноёдын угийн бичиг Хэрэйдийн Ван хаанаас эхэлдэг учир тэднийг Хэрэйд аймгийн удам гэж зарим судлаачид үздэг. Түүхийн урт хугацаанд нүүдэллэн тэмцэж, өв соёлоо чандлан хадгалж үлдсэн баатарлаг түүхтэй түмэн билээ. 🏞️🌤️

✨ Тэнгэрлэг гоо зүй ба Гүн бэлгэдэл:
Торгууд ястны хувцас хэрэглэл, малгай гоёл нь уран тансаг хийцээс гадна гүн гүнзгий утга бэлгэдлийг агуулдаг.

👗 Торгууд эмэгтэйчүүдийн дээл, цэгдэг: Эмэгтэйчүүд нь хөвөөгөөрөө шүдэн хатгамал бүхий цагаан захтай, нарийвтар ханцуйтай дээл өмсөнө. Гадуураа энгэр задгай, дэргэвэр мөртэй цэгдэг өмсөх бөгөөд бусад ястны ууж, цэгдгийг бодвол цээж хормойн залгаа нь бэлхүүснээс нэлээн доогуур солонгорсон эмжээр бүхий онцлогтой.

👑 Тоорцог малгайн бэлгэдэл: Торгуудын тоорцог малгай нь шүр, сувдаар хийсэн үлэмж гоё хээ чимэгтэй бөгөөд их утга учиртай. Тоорцогны урд талд зэндмэнэ хэмээгч өглөг буяныг хураагч, хүссэн бүхнийг бүтээгч норво эрдэнийг мөнгөөр үйлдэн хадаж, түүний дотор саран нэрт зоосон хээг гоёмсоглон урладаг.

21/07/2026

МОНГОЛ ХУВЦАСНЫ ӨВ СОЁЛ | №7: УРИАНХАЙ 🇲🇳✨
Монгол гоо зүй, уламжлалт гүн ухааны хамгийн эртний, сүр жавхлантай илэрхийллүүдийн нэг бол Урианхай угсаатны хувцас, гоёл чимэглэлийн соёл билээ. Өв соёлыг танин мэдэхүйн түүхтэй хослуулсан цувралынхаа долоо дугаар хэсгийг баатарлаг Урианхай түмний соёлд зориулж байна. 👑🌾

📜 Түүх сөхвөл:
Урианхай угсаатныг Хүннү гүрний сүүл үе, Сяньби гүрний эхэн үеэс үүсэлтэй гэж үздэг бөгөөд 13-р зуунд Их Монгол улсын үед Монголын зонхилох томоохон аймгуудын нэг байв. Урианхайн нэг хэсэг нь Хэнтийн ууланд Монгол хаадын “Их хариг” (хориг) газрыг хамгаалдаг хариуцлагатай бөгөөд хүндтэй үүргийг гүйцэтгэж байсан түүхтэй. 🏔️🛡️

✨ Тэнгэрлэг гоо зүй ба Хэв шинж:
Урианхай ястны хувцас нь байгаль дэлхий, нүүдэлчин ахуйн хэв шинжийг хадгалсан уран нарийн хийцээрээ онцгойрон ялгардаг.

👗 Эмэгтэйчүүдийн гоёл: Урианхай эмэгтэйчүүд цагаан зах бүхий өргөн ханцуйтай дээл өмсөх бөгөөд гадуураа өргөн мөртэй, цээжний ухаадас гүн цэгдэг өмсөж, уран тансаг ээмэг, гоёлоор чимдэг.

🏹 Эрчүүдийн гоёл: Эрчүүд нь эргэсэн захтай, нударгагүй, ташаа хүрсэн өндөр оноо бүхий цагаан дээл голчлон өмсөнө. Мөн дуулга хэлбэрийн шовх оройтой малгай элбэг хэрэглэдэг нь тэдний дайчин, баатарлаг өв уламжлалыг илтгэдэг.