21/09/2023
Daga Shafin Shareef Haji Bahador
Ba fa zabe ne muke da matsala da shi ba. Tsarin ne gaba ɗayanshi. Ko an baka abinda kake so, a kan wani tsari abinda kake so ɗin yake aiki? Sannan a ƙarƙashin tsarin da muke hankoron kafawar ma akwai zaben ai. In abin a cimma kafa tsarin ne a yau, sai ya zama da irin wannan salon mai k**a da izgili muka fahimtar da mutane tsarin, toh in aka yi zaɓe a cikin tsarin, wasu za su iya zuwa su yi izgili da tsarin su ce gashi an ce Musulunci amma an yi maguɗin zaɓe.
Misali a zaben shekarar 2009 a Iran, bayan Ahmadi Najad ya samu nasara a kan ɗan takarar waɗanda basu da ra'ayin juyin Musulunci wato Mir Husaini Musawi, sai ƴan dimokuraɗiyya (Yammacin duniya) s**a ingizo mutane cewar ai maguɗin zaɓe aka yi musu, har aka kusa ƙona Iran. Ka ga in dai izgili muka dinga yi, har mutane s**a saduda cewar a gwada tsarin da muke ta damunsu a kai, wato ba s**a fahimci haƙiƙanin yadda tsarin yake ba a asalinsa, toh muna da sauran matsala kenan a ƙasa.
Ko da Sayyid (H) yake cewa ba kuri'a bace za ta sauya ƙasa, ya na yin ƙarin bayanin tsari sosai, da yadda tsarin zai yi maganin abinda ya sa ake ganin kuri'a ce za ta kawo canji a halin da muke a ciki a ƙasar nan, musamman da yake kullum dagulewa lamarin yake ƙara yi, ko da kuwa ka yi zaɓe, an baka abinda ka zaɓa ɗin. Abinda ya k**ata, mu kam mu tsaya tsaf mu fahimci tsarin da ake mana magana a kanshi, sannan mu yi aiki da hanya mafi kyau wajen isar da sakonmu ga al'ummar da muke cikinta.
Gashua
