26/08/2024
MEKE SA CIN KASA GA MASU JUNA BIYU
🍸🍸🍸🍸🍸🍸🍸
Wata baiwar Allah ce ta roki nai bayani Akan hakan.
To Amma zan hada harma da yaran dake cin kasa domin dalilin nasu iri guda ne.
Idan mai juna biyu da kuma yaro akaga suna cin kasa alamace ta karancin iron ajika. Shi IRON sinadari ne dake samar da jini ajika, domin jini na samuwa ne daga iron, domin duk wani magani da zakaji ance na karin jini ne anfadama haka ne don ka gane kai tsaye Amma a yadda ainishin abun yake maganin sinadarin iron zai samar ajikinka inda ga nan ne sai asami jini Amma ba maganin ne direct zai baka jini ajika ba.
Ita me juna biyu Nasha fada ba abunda ke zuqe mata jini sama da jaririn dake jikinta, shyasa koda ayaushe ake so su kasance suna cin nau'in abinci me kara jini, k**a daga alayyahu, lemon bawo, kankana, ds. Haka kuma kwana agidan sauro domin gujewa malaria, da duk nau'in abunda ka iya sa ta rasa jini. Bugu da Kari wannan yasa ake basu sinadarin fersolate jajaye a asibiti wajen awo har na tsawon wata guda kullum ace suke shan 1 duk domin karesu ne, domin inba jini in ciki bai girma ba zai iya zubewa inkuma ya girma zaki iya fuskantar karancin numfashi, koma ki rasa ranki walau wajen haihuwa ko yayin goyon ciki.
Saboda da Kinga kina cin kasa Tohfa ki Sani jini ne yai kasa ajikin ki don haka ko lokacin komawa awo baiba lalle ki koma kiga likita.
GAME DA YARA
Nan ma a matsayinka na jami'in lafiya da anzo ma da irin Wannan yaron mai cin kasa maganin da zaka bashi ya zamto Blood tonic ko nau'in magani de dazai samar masa da sinadarin (iron), shi kuma iron din shi zai Samar mai da jini ajika, alamace ta raguwar mizanin jini ajikinsa shima lokuta da dama, sannan karka manta ka hada mai da maganin kawar da dattin ciki wato nau'in anti prozoal irinsu (Albendazole, ko ivermectin) saboda dattin ciki, tsutsar ciki ko macijin ciki, domin acikin kasar da ya rika ci tabbas anan ake samun wadannan kwayoyin tsutsar cikin ko micijin cikin da suke jawo masa karancin iron din.
Dr Ibrahim Y. Yusuf
