07/05/2024
Waat zeen veer trots, dankbaar en in extase van aafgelaupe zaoterdig! Nao ein interview op L1 radio (danke Henk Hover!) drek door nao òs vrunj biej Hotel en Grand Café De Pauw om òs op te make veur de release van ozze eerste, langverwachte EP 'Net Ech'!
Ondanks det 't zo werm woor det de mösse van 't daak vele, woor 't door uch n***e prengele volle bak! De luuj hinge mit de bein boete: auch Luuk Hendriks haaj det gesjaote en sjreef d'r ein sjtuk euver veur daagblaad De Limburger. B'Elanna sjting garant veur get prachtige plaetjes en Maurice haet òs nog op bandj weite vas te ligge. Geer geluif 't neet, mer ver blieve op zowaal foto es video geweun plekke, ondanks 't zjweit.
Gaer wille veer nog get luuj bedanke veur 't meugelik make van onger angere deze geweldige aovendj én de realisatie van ozze EP:
Eddie van De Muziekloodz veur ozze repetitieruumte, ofwaal ozze 'home away from home'
Daniel Heynen, veur de geweldige logo's, 't artwork van de EP en hoessjtiel
Stijn van HAAS Recording Studio, veur 't producere van ozze EP
Volver Studio, veur de master van ozze EP
Ozze eige Bram, veur de mix van ozze EP (ech waor, det haet d'r good gedaon!)
Jody van JJAYCE, veur ozze geweldige op-maot-gemaakde pakken
Léon van De Pauw, veur 't besjikbaar sjtille van zien prachtige kroeg veur ozze muzikale escapades (en natuurlik de pilskes mer det hoof neemes te weite)
B'Elanna van B'Elanna Photografy, veur de foto's
Maurice van Digital.Settings, veur de videobeelde
DJ Mark Janssen, veur de muzikale ongersjteuning gedurende de aovendj
René en Corné van Ready2Rock, veur de techniek op de EP-release
Henk van L1/Plateweg, veur 't dreije van ozze eerste single 'Buurman'
En natuurlik, last but not least: GEER! Ozze vrunj, femilie, kenisse, al mooge ver uch missjien nao zaoteridg auch waal ozze fans numme. N***e prengele, merci veur de sjteun!
Ozze EP 'Net Ech' aevenals ozze t-shirts zeen nog verkriegbaar biej de bandleden, hit us up!
Hoije!
Dees, Goof, Bram en Tinus
Prengel
