15/03/2023
Det er ei tid for alt, og akkurat no kjenner eg på at tida for å halde sykurs ikkje lenger er her.
Det å nå ut til folk er blitt meir og meir krevjande, og når dette er noko eg driv med på hobbybasis så har eg ikkje overskot til å vera så aktiv på sosiale medier som dagens algoritmar krev for å vera synleg.
Saum kjem alltid til å vera ein veldig viktig hobby for meg, og eg syr framleis mykje. Det håpar eg at du også kjem til å halde fram med! Kanskje eg også kjem til å ta opp att sykursa etter kvart - kven veit? Men om du har lyst til å vera litt sosial medan du syr, bli gjerne med på sykveldar på Sogndal Bibliotek annakvar onsdag kl. 18-22 framover, så sjåast me der.
No kjem eg til å satse meir på landskapsarkitektur og hageplanlegging, samstundes som eg også jobbar deltid med å vera kreativ med blomar hjå Mester Grønn 🌸
Om det ikkje vert for vanskeleg, vil denne Facebooksida bli gjort om til ei side for firmaet mitt LAGA, og då hovudsakleg med innhald frå hagedesign og landskap. Du står sjølvsagt fritt til å slutte å følgja denne sida om det ikkje interesserer deg 🌿
Ynskjer alle ein fin vår, både i hagen og framfor symaskina 🙂
