06/10/2025
๐๐๐ฃ๐๐ฆ๐ง๐๐๐๐ก ๐ก๐ ๐ฆ๐๐ก๐ง๐๐ฆ๐๐ ๐ข ๐ฅ๐ข๐ฆ๐๐ฅ๐ฌ๐ข
๐๐ป๐๐ฟ๐ผ๐ถ๐๐ผ
Magalak tayong lahat sa Panginoon sa pagdiriwang natin ng kapistahan sa karangalan ng Mahal na Birheng Maria: na ang karingalan niya ay ikinatutuwa ng mga anghel, at pinupuri nila ang Anak ng Diyos. (๐ฆ๐ฎ๐น๐บ๐ผ ๐ฐ๐ฐ:๐ฎ) Sa aking puso'y bumubukal ang isang salitang mainam: aking sinasalita ang mga bagay na aking ginawa tungkol sa Hari. ๐ฉ. Luwalhati sa Ama, at sa Anak, at sa Espiritu Santo. Kaparis noong una, ngayo't magpakailanman, at magpasawalang-hanggan. Siya nawa. โ Magalak tayong lahat ...
๐๐ผ๐น๐ฒ๐ธ๐๐ฎ
O Diyos, na ang Bugtong Mong Anak ay nagkamit para sa amin ng gantimpala ng walang hanggang kaligtasan sa pamamagitan ng Kaniyang buhay, pagkamatay at pagkabuhay na mag-uli: ipagkaloob Mo, hinihiling namin sa Iyo, na sa pagninilay-nilay namin nitong mga misteryo ng Santo Rosaryo ni Santa Mariang Birhen, may matularan namin ang nalalarawan sa kanila at makamtan ang kanilang ipinangako. Sa pamamagitan ni Jesucristong Panginoon namin, na nabubuhay at naghaharing kasama Mo at ng Diyos Espiritu Santo sa lahat ng panahon ng mga panahon. Siya nawa.
๐๐ฝ๐ถ๐๐๐ผ๐น๐ฎ (๐๐ฎ๐๐ถ๐ธ๐ฎ๐ฎ๐ป ๐ด:๐ฎ๐ฎ-๐ฎ๐ฐ, ๐ฏ๐ฎ-๐ฏ๐ฑ)
Ako'y nilikha ng Panginoon, bilang kauna-unahan sa Kaniyang mga gawain, simula ng Kaniyang mga ginawa noong una pa. Mula pa sa walang pasimula'y itinatag na ako, sa mula't mula pa, bago pa simulan ang daigdig. Wala pa ang mga kalaliman ay sumilang na ako. Kaya ngayo'y makinig sana kayo, mga anak ko; mapapalad yaong mga sumusunod sa daan ko. Makinig sa pangaral upang dumunong, at huwag tanggihan ito. Mapalad ang taong nakikinig sa akin, nagbabantay araw-araw sa aking mga pintuan, nagtatanod sa mga hamba ng aking pasukan. Ang makatagpo sa aki'y nakatatagpo ng buhay at nagkakamit ng biyaya ng Panginoon.
๐๐ฟ๐ฎ๐ฑ๐๐ฎ๐น (๐ฆ๐ฎ๐น๐บ๐ผ ๐ฐ๐ฐ:๐ฑ, ๐ญ๐ญ-๐ญ๐ฎ)
Dahil sa katotohanan at sa kaamuan at sa katuwiran ay ihahatid ka ng kahima-himala ng iyong kanang kamay. ๐ฉ. Iyong dinggin, O anak na babae, at pagmalasin, at ikiling mo ang iyong pandinig: sapagka't ang Hari ay nabihag ng iyong kagandahan.
๐๐น๐ฒ๐น๐๐๐ฎ
Aleluya, aleluya. Ito ang kapistahan ng kabanal-banalang Birheng Maria, na mula sa lahi ni Abraham, na ipinanganak sa angkan ni Juda, sa mahal na lipi ni David. Aleluya.
๐๐ฏ๐ฎ๐ป๐ด๐ต๐ฒ๐น๐๐ผ (๐๐๐ฐ๐ฎ๐ ๐ญ:๐ฎ๐ฒ-๐ฏ๐ด)
Noong araw na yaon, ang anghel na si Gabriel ay inutusan ng Diyos sa isang lungsod ng Galilea na tinatawag na Nazaret, sa isang birhen na ipinagkasundo na sa isang lalaking nagngangalang Jose mula sa lahi ni David, at ang pangalan ng birhen ay Maria. Pagpasok niya sa kinaroroonan ng babae ay sinabi niya, "Magalak ka, puspos-ng-biyaya, ang Panginoon ay sumasaiyo." Sa mga pangungusap na ito ay nagitla siya at pinag-isip-isipan niya ang maaaring kahulugan ng gayong pagbati. Darapuwa't sinabi sa kaniya ng anghel, "Huwag kang matakot, Maria, sapagka't naging kalugod-lugod ka sa mata ng Diyos. Maglilihi ka at manganganak ng isang lalaki at tatawagin mong Jesus. Siya ay magiging dakila at tatawaging Anak ng Kataas-taasan. Ibibigay sa Kaniya ng Panginoong Diyos ang luklukan ni David na Kaniyang ama, at maghahari Siya sa sambahayan ni Jacob magpakailan man, at walang katapusan ang Kaniyang paghahari." Winika ni Maria sa anghel, "Paano ito mangyayari, gayong wala akong nakikilalang lalaki?" Sumagot sa kaniya ang anghel, "Bababa sa iyo ang Espiritu Santo, at lililiman ka ng kapangyarihan ng Kataas-taasan; kaya ang ipanganganak mo ay magiging banal at tatawaging Anak ng Diyos. At tandaan mo, ang kamag-anak mong si Isabel ay naglihi rin ng isang lalaki sa kaniyang katandaan, at yaong tinatawag na baog at nasa ika-anim na buwan niya, sapagka't sa Diyos ay walang bagay na hindi mangyayari." Kaya winika ni Maria, "Narito ang lingkod ng Panginoon. Maganap nawa sa akin ang iyong sinabi."
๐ข๐ฝ๐ฒ๐ฟ๐๐ผ๐ฟ๐๐ผ (๐๐ฐ๐ฐ๐น๐ฒ๐๐ถ๐ฎ๐๐๐ถ๐ฐ๐ผ ๐ฎ๐ฐ:๐ฎ๐ฑ; ๐ฏ๐ต:๐ญ๐ณ)
Nasa akin ang buong biyaya ng daan at ng katotohanan, nasa akin ang buong pananalig sa grasya at sa kabanalan: ako'y nagbungang kaparis ng isang bulaklak sa kaparangan.
๐ฆ๐ฒ๐ธ๐ฟ๐ฒ๐๐ฎ
Ipagkaloob Mo sa amin, O Panginoon, ang biyayang kami'y maging karapat-dapat sa pag-aalay nitong mga handog: at sa pagdidili-dili namin ng buhay, pagpapakasakit at kaluwalhatian ng Bugtong Mong Anak na nalalarawan sa mga misteryo ng Santo Rosaryo, ay makamtan namin ang Kaniyang mga pangako. Sa pamamagitan ni Jesucristong Panginoon namin, na nabubuhay at naghaharing kasama Mo at ng Diyos Espiritu Santo sa lahat ng panahon ng mga panahon. Siya nawa.
๐ฃ๐ฟ๐ฒ๐ฝ๐ฎ๐๐๐ผ ๐๐ฎ ๐ ๐ฎ๐ต๐ฎ๐น ๐ป๐ฎ ๐๐ถ๐ฟ๐ต๐ฒ๐ป
Tunay ngang marapat at matuwid, ukol at nakagagaling ang lagi at saanman ay pasalamatan Ka, O Panginoong banal, Amang makapangyarihan, walang hanggang Diyos: at ang purihin, pagpalain at paluwalhatiin Ka sa kapistahan ng laging Birheng si Santa Maria, na ipinaglihi niya ang Iyong Bugtong na Anak lalang ng Espiritu Santo: at bagama't iningatan niya ang kaluwalhatian ng pagkabirhen, ibinigay sa mundo ang walang hanggang Ilaw. Sa pamamagitan Niya'y pinupuri ng mga Anghel ang Iyong kamahalan, sinasamba ng mga Dominasyon, nanginginig ang mga Potestad. Ang langit at ang mga Birtud sa sangkalangitan, at ang mga banal na Serapin ay sama-samang nagdiriwang. Kasama nila'y hinihiling naming tanggapin Mo ang aming mga tinig na buong pagpapakumbabang nagsasabi:
๐๐ผ๐บ๐๐ป๐๐ผ๐ป (๐๐ฐ๐ฐ๐น๐ฒ๐๐ถ๐ฎ๐๐๐ถ๐ฐ๐ผ ๐ฏ๐ต:๐ญ๐ต)
Mamulaklak kayo na gaya ng liryo at isabog ninyo ang bango, at sumagana kayo sa grasya, awitin ninyo ang dalit at purihin ang Panginoon sa Kaniyang mga gawa.
๐ฃ๐ผ๐๐ธ๐ผ๐บ๐๐ป๐๐ผ๐ป
Kami'y sakluluhan, hinihiling namin sa Iyo, O Panginoon, sa pamamagitan ng Ina ng Diyos, na ang Rosaryo ay aming ipinagdiriwang: upang makamtan namin ang bisa ng mga misteryong aming dinidili-dili, at gayundin naman ang bunga ng mga sakramentong aming tinanggap. Ikaw na nabubuhay at naghaharing kasama ang Diyos Espiritu Santo sa lahat ng panahon ng mga panahon. Siya nawa.
