20/01/2024
“Napakasarap Sumamba”.
“Darating kang may mabigat sa damdamin, uuwi kang Panatag ang puso”.
Totoong kapag Sumasamba tayo, naisusuko natin ang lahat sa Ama. Kapag Sumasamba tayo, Hindi na tayo nagtitira. Kasi gusto natin, umuwing Payapa, Panatag at hindi na nag-aalala.
Ganun kasi lumingap ang ating Ama.
Nasa bahay ka palang at gumagayak,batid Niya na ang maya-maya'y ipakikiusap. Kaya sa iyong pagkakaupo sa Templo,sinasalubong ka Niyang agad upang 'di na masiphayo. Hinahayaan Niyang isambit mo, dahil Siya'y makikinig.
Mararamdaman mo ang pagyakap Niya't Pag-ibig.
At sa mga pag-aawitan ay alam mong hinahagkan ka Niya. Kasabay ng pagsambitla ng bawat letra ay nauunawaan ka. Kaya ayos lang kung mahina kana, kung naigugupo kana. Sisiguraduhin naman Niyang may lunas, sa lahat ng iyong tinitiis at problema.
Kaya nauunawaan mong lagi kang dapat Sumamba.
Sapagkat naroon ang lakas natin at pahinga.
Payapang palagi ang isip natin, at tinuturuan ng mga aral upang maging gabay sa tuwina. “Napakasarap mag-mahal ang Ama”. Kaya huwag mong kaliligtaan ang Pagsamba,
Kailangan natin ng lakas at tibay ng loob,
At sa mga Pagsamba ito'y ipinagkakaloob.
“Buti na lang, may Pagsamba”.
Isinulat ni: Rocille Julia Santos
—Mga Akda ko
