Papoks

20/04/2026

Sa pagitan ng kahapon at bukas, unti-unting nagiging ako.

SA GITNA

Hindi ako simula,
hindi rin wakas.

Nasa pagitan ng kung sino ako noon
at kung sino ang inaasam kong maging.
Parang alon ng hindi tiyak,
parang hakbang sa lupaing hindi ko pa ganap na naaninag.

Ang mundo sa paligid,
malinaw sa kanilang landas,
habang ako…
nasa gitna ng sariling agos,
hinuhubog ng tahimik at walang ingay na panahon.

Hindi ito pagkawala.
Hindi ito pagka-huli.

Sa gitna ako,
at dito ko natutuklasan
ang kahulugan ng bawat pagkadapa,
ang liwanag sa bawat dahan-dahang hakbang.

“Magtiwala ka nang buong puso,
at huwag manalig sa sariling unawa”—
mga salitang tahimik na sumasabay
sa bawat hakbang na hindi ko lubos maipaliwanag.

At sa mga landas na hindi ko pa nakikita,
pinipili kong magpatuloy,
sapagkat may direksyong itinutuwid
kahit hindi ko pa ganap na nauunawaan.

At sa bawat sandali, natutuklasan ko:
ang gitna
ay hindi pangkaraniwan—
dito lumalalim ang sarili,
dito bumubuo ng sariling anyo.

:11 :56

27/03/2026

Habang abala sila sa pagiging 'magaling',
sa mundong abala sa titulo —
pinili kong matutong maging tao at sapat.

27/03/2026

"Sa Sukat ng Walang Sukat”

Ang oras ay hindi lamang agos ng sandali,
kundi isang di-maipaliwanag na pag-iral—
hindi nasasalat, ngunit nadarama,
hindi nakikita, ngunit bumabakat sa bawat hibla ng ating pagkatao.

Sa pagitan ng “noon” at “ngayon,”
tayo’y hinuhubog ng mga pangyayaring di na mababawi,
at ng mga posibilidad na hindi pa isinisilang,
isang siklong walang katiyakan kung saan tayo’y parehong simula at wakas.

At sa patuloy nitong pagdaloy,
ang oras ay hindi kailanman sa atin—
tayo ang pag-aari ng bawat segundo na lumilipas.
Hindi ito nasusukat sa tik-tak o sa galaw ng araw,
kundi sa lawak ng pagbabagong iniukit nito sa ating kamalayan.

Sapagkat sa huli, hindi natin hawak ang oras—
tayo ang hinahawakan nito,
dahan-dahang dinadala sa kung saan man nararapat ang ating pag-iral.

26/03/2026

Light of the World

kapag hindi malinaw ang daan, He gives guidance.
Kapag magulo ang mundo, He speaks truth.

At sa mga panahong madilim, He leads us to Holiness
and remind us — may pag asa pa, palagi.

15/02/2026

Kung ang langit ay malayo, ang repleksyon ang paalala na may liwanag pa rin sa ilalim.

11/01/2026

Not chasing moments, just trusting Him.

God is bringing better days.
Hindi palaging maingay ang biyaya—
minsan dumarating ito sa katahimikan,
habang bumabalik ka sa puso ng pagsamba.

08/01/2026

Bilog ang mundo, pero may paraan para mag-chill.

Hindi lahat ng ikot, kailangan mong habulin.
Minsan, sapat na ang huminto
at alalahaning buhay ka pa.

Saan si Papoks?
Nasa sandaling hindi nagmamadali.

04/01/2026

Saan si Papoks ngayong 2026?

19/12/2025