14/10/2022
DIGITAL COPY SA NATIONAL ID, PWEDENG MA-DOWNLOAD SAMTANG WALA PA ANG CARD
Usa ba ka sa mga dugay na kaayung nagpaabot sa inyong National ID? 🤔
Gianunsyo sa Philippine Statistics Authority (PSA) nga pwedeng ma-download ug temporaryong magamit ang digital version sa inyong national ID samtang nagahulat sa physical ID card sa PhilSys.
“This is to inform the public and all relying parties of the Philippine Identification System (PhilSys) on the use and acceptance of the various formats of the PhilSys digital ID, including the printed ePhilID (electronic Philippine ID), as a valid and sufficient proof of identity and age, subject to authentication,” subay sa pahayag sa PSA sa public advisory niini.
Ang PhilSys digital ID kay pwede matud pa na magamit sa mga transaksyon sa nagkadaiyang ahensiya sa gobyerno, financial institutions ug private sectors base sa Section 7 sa Republic Act (RA) 11055, o ang Philippine Identification System Act of 2018.
Giklaro sa PSA na ang mga naka-rehistro ug aduna nay PhilSys Number (PSN) ang pwede ng maka-download sa ilang ePhilID.
“They can claim their ePhilID subject to its availability, by setting an online appointment, and presenting their transaction slip to their selected PhilSys Registration Centers on the reserved date,” sumala pa sa PSA.
Alang sa online appointment ug pagproseso para sa ePhilID, mamahimong i-click lamang ang link na https://trn-verifier.philsys.gov.ph/
Samtang gibutyag pud sa PSA na sa kapin 21.6 million ka mga printed national ID cards, 16.7 million na matud pa niini ang natunol ngadto sa mga nanag-iya.
