11/02/2026
ππππππππ πππ ππππππ ππ πππππππππ ππ πππππππ, πππππππππππ ππ 'ππππππ ππππ'
Nagnegatibo sa 'alcohol' ang driver sa Toyota Innova nga giingong naka-hit-and-run-'patay' sa usa ka batan-ong negosyante nga si Kingston Ralph Cheng sa Paseo Saturnino Road, Barangay Banilad sa dakbayan sa Sugbo alas 12:53 sa kaadlawon niadtong Dominggo, Pebrero 8, 2026.
Matod ni Police Lieutenant Colonel Jose Los BaΓ±os , ang information officer sa Cebu City Police Office kun CCPO nga base sa findings sa tambalanan diin nalandig ang nagmaneho sa SUV nga gi-alyasan og 'Drew', 21-anyos, wala kini naka-inom og ilimnon nga makahubog.
Human sa insidente, ang kapulisan sa siyudad sa Sugbo mi-request sa tambalanan nga mapaubos sa liquor test ang suspetsado.
Dugang ni Los BaΓ±os nga lakip sa ilang sutaon sa imbestigasyon ang migawas nga pasangil sa social media nga naka-hit-and-run usab kini sa laing lugar sa wala pa mahitabo didto sa Paseo Saturnino Road sa Banilad.
Sa kasamtangan anaa pa sa sulod sa tambalanan ang suspetsado nga si Pajarillo ug dunay personnel sa Traffic Enforcement Unit sa CCPO nga nakabantay sanglit naka-hospital arrest man kini.
Ala-1:00 sa hapon niadtong Pebrero 10, 2026 napasaka na ang kasong Reckless Imprudence Resulting in Homicide and Damage to Property sa mga sakop sa TEU ngadto sa piskalya sa dakbayan sa Sugbo.
Kahinumdoman nga nakalas sa maong insidente ang usa ka batan-on nga magpapatigayon nga si Cheng human sa kakusog sa pagka punggit kaniya sa sakyanan ni Pajarillo.
Dakong kadaot sa ulo ug lawas ang naangkon sa biktima nga maoy hinungdan sa iyang hinanali nga kamatayon.
