23/06/2021
πBALAS A DI KHAILANGπ
π Phoonen ka so gawiingka ko Sambyangka a Sobo a go sii ko mga tadn-tadem ko ALLAH ka anka maparoli so kapaguntong na go so kapaka apas.
π Tatarosen kaden so kiyapitai rka ko kapag-istegfar (kapangni sa rila ko ALLAH) taman sa kapakawatan angka o Shaytan.
π Obangka dii ndarainonen so kanduwaa ka kagiya so Duβa na gakot anan ko kapaka slang sa maliwanag.
π Obangka lilipati so dowa a Malaikat a pzorat ko mga katharo oka a go so mga galebek ka ko gagawii / dawndao.
π Aya mataid a mga Kmr na so lalayon ko kiptasbeh non ko tadn-tadem ko ALLAH. βοΈ
π Igera miya baak ka so mga rata a ginawa a go so mga awid a akal na diingka tharoa so:
π (Laa ilaaha illa anta subhanaka innie kunto minadhalimeen/ tasbih anan o nabi Yonus) a go so (Laa hawla walaa quwwata illa billah).
π Pagilisen ka so sak a maitooka a sadka ka ko duwaa o mga Fuqara a go so mga Masaakin, maana phangalinggagao
n ka siran sa apiya maito ka angka iran miphamangeni ko ALLAH sa Mapiya.
π Tangked angka sa ginawangka a so Sojud ka a matas a misasartaon so Kalek ko ALLAH na mapiya rka a di so mga Torogan a gilang gomilang sa donya.
π Pphamiker angka daan so P'tharoon ka na gongkabo tharoa ka kagiya adena katharo a lagid o Gunting a Mardas a kaphakatana iyan ko Salakao rka, ogaid na dingka khainungka o baotu marata.
π Pananggila ingka obaka mizinta o kasasalimbotan ka kagiya so Sinta o miya lalim na da a let iyan ko ALLAH sa kaptharimaa niyanon.
π Sii ko dangkapen kalka sa face book na batiya ka a daan sa Qurβan sa apiya isa bo ka Pandang.
π Baloyangka a ginawangka a rawaten o Pamilyangka ko kapag Agama, sa knaoba rawaten ko mga galbek a da a rarantk iyan, daaMoayan iyan.
πJehad angka a ginawangka ko onot paratiyaya ko ALLAH ka kagiya so Ginawa na aya ipzogo iyan ko khiginawaon na so mga rarata go piakasisingai a galbk.
π Panagontaman ingka a kasoatangka ko mbala a Loks ka na go pananggila ingka oba dii kharata a ginawa iran rka ka kagiya so kabarakat a go so Limu Taufiq, ko kawyag-oyag na marororan ko kasosoat o mbala a Loks na go so kapiya kiran i parangay go adat a mapya
π So mga nditaren ka a rdak na bago ko mga pagaringka a mga miskin a makalaladaw.
π Di ka diinggani, pagutg ka mataan! A so kawyag-oyag ko Donya na makempt a di so kapipiker angkaon.
π Shasabar ka ka-an ka mithampil so mabager ko mga babagr na go so kawasa ko mga kawasa a dato o mga dato a skanyan so ALLAH Azja Wajzal βοΈ
π Enoto??
πNa kagiya so mga sasabar na inaloy o ALLAH sa Paraman ma'na, sa Qurβan a mga tampila iyan siran..
π Dingka pelekbi so Pinto o kaptharimaa ko mga duwaa sanggolalan sa bayaa ginawa go kambaradosa.
π So Sambayang a phipiya-piyaan na khilidas ka niyan ko mga tiyoba na go sii ko mga kadiyahilan na go aya mala na khabaloyingka a Abogado ko sold o Kobor ka.
π Pananggila ingka so ka-antap angka ko salakao rka sa marata, ka an makaddekha a pamikiran ka nago adn kaloloagi a rareb ka ko kasisimpiti ron.
π Owana khaneg ka a phamaganta rka na tharo angkaon: A kaleken iyan so ALLAH, na go panalamat ka ka miyaka kowa ka sa Mapiya a dakaon dokawi unggalbek..
π Layamen ka sa ginawangka so kapmbatiya angka ko Surah Al-Mulk ko oman gagawii, ka khilidas ka oto ko siksa ko Kobor.
π So kapaka goraok sa kalk ko ALLAH na kha-Haram iyan so Mata ko Apoy, sabap san kalken ka so ALLAH ko diingka kasambayang na go so katatadem ingkaon ka an phakagoraok so matangka sa kalk ko ALLAH. βοΈ
π Baloyangka so lebi a kababaya aka a para bo ko ALLAH a go sii ko Rasulollah salallaho βalaihe wasallam, ka angka mbaloy a tarotop a miyamaratiyaya ko ALLAH.
π Rila ingka so mga tao a dii rka makazala ka-an ka maparoli so balas a diden phamagitongen sa kala iyan a phoon ko ALLAH.
π So Sambayang ka, go so Kapembatiya aka sa Qurβan, a go so pananadem ka ko ALLAH na iphaka lowag oto a rareb ka nago ipthikna o Puso oka.
π Sa tao a pipikeren iyan so kayao o Naraka! na phakarenon oto ko kanggalebk sa marata.
π O khagagangka na phowasa ka sa tlo gawii ko oman sawlan ka lagid ka bo o dii phowasaan so Saragon, na go dika phelepas sambayang sa Sobo a bara Jama ka kagiya aya timbang iyan na lagid ka bo pisambayangan so kagagawii langon.
π Kababaya ingka so pagaringka sa lagid o ipkhababaya aka sa ginawangka, .
na go zaka-sakao angka so bisitangka, na go phiya-piya ingka so Siringan ka, o ska na paparatiyayaan ka so ALLAH a go so Alongan a Mawri.
Repost by: HadjiNaif
