08/07/2026
"HINDI PA TAPOS SI LORD SA'YO"
1. Scripture: 1 Corinto 11:23-29
2. Ano ba ‘tong Communion o Banal na Hapunan?
Mga utol, hindi ‘to ordinary na pagkain. Sabi ni Pablo, tinanggap niya mismo kay Lord ‘to. Ibig sabihin, importante.
Noong gabing i-traydor si Jesus, imbes na magalit Siya, ano ginawa Niya? Nagpasalamat. Kumuha ng tinapay, pinaghati-hati: “Ito katawan Ko, binigay para sa inyo.” Tapos yung saro: “Ito dugo Ko, para sa bagong tipan.”
Bakit? Kasi kahit pinagtaksilan Siya, pinili Niya pa rin tayong mahalin. Kahit may mga pagkakamali tayo, kahit nandito tayo ngayon dahil sa maling desisyon, mahal pa rin tayo ni Lord.
3. “Gawin ninyo ito bilang pag-alaala sa Akin”
Tanong: Bakit kailangan alalahanin? Kasi minsan nakakalimot tayo. Nakakalimot na mahal tayo. Nakakalimot na may pag-asa pa. Nakakalimot na pinatawad na tayo.
Tayo, minsan pag gising sa umaga dito sa loob, ang unang naiisip natin yung kaso, yung pamilya sa labas, yung tagal ng sentensya. Pero si Lord sinasabi: “Alalahanin mo Ako. Alalahanin mo ginawa Ko para sa’yo.”
Kasi pag naalala mo na si Jesus namatay para sa’yo, mag-iiba tingin mo sa sarili mo. Hindi ka lang “bilanggo.” Anak ka ng Diyos. Hindi pa tapos si Lord sa buhay mo.
4. Pero may babala din: “Suriin ang sarili” v.27-29
Sabi dito, bago ka lumapit kay Lord, mag-check ka muna. Hindi ibig sabihin perfect ka dapat. Ang ibig sabihin: totoo ka ba sa Kanya?
Inaamin mo ba na nagkamali ka? Humble ka ba na lumalapit? O kunwari lang?
Kasi pag lumapit ka kay Lord nang walang respeto, walang pagsisisi, parang binabalewala mo yung ginawa Niya sa krus. Pero pag lumapit ka na basag, na nagsisisi, na gutom sa pagbabago — naku, sasalubungin ka Niya.
Dito sa kulungan, wala tayong pwedeng itago. Si Lord alam Niya lahat. Pero kahit alam Niya lahat, tinatanggap ka pa rin Niya.
5. Kaya ano takeaway natin?
1. May paalala: Mahal ka ni Jesus. Yung katawan at dugo Niya, binigay para sa’yo.
2. May pag-asa: Hindi kulungan ang dulo ng kwento mo. Si Hesus ang dulo. At buhay Siya.
3. May paanyaya: Suriin mo puso mo ngayon. Lapit ka. Hingi ka ng tawad. Simula ka ulit.
Kahit saan ka pa galing, kahit ano pa nagawa mo, pag tinanggap mo si Jesus, bago ka na.
2 Corinto 5:17 — “Ang sinumang na kay Cristo ay isa nang bagong nilalang."
Kung gusto mo tanggapin si Jesus ngayon, o mag-surrender ulit, yumuko lang tayo. Kausapin natin si Lord.
Panginoong Hesus, salamat po sa katawan Mong nabugbog at dugo Mong dumanak para sa akin. Inaamin ko po, nagkasala ako. Nagkamali ako. Pero ngayon, pinipili ko pong maniwala na pinapatawad Mo ako. Linisin Mo po ako. Baguhin Mo po ang puso ko. Tinatanggap kita bilang Panginoon at Tagapagligtas ng buhay ko. Hindi na ako lalakad mag-isa. Mula ngayon, Ikaw na ang Hari ng buhay ko. Salamat Lord. Amen.
Sa Diyos ang lahat ng papuri magpakaylan man.
Salamat sa PNP Marilao.
