31/07/2026
Hindi naman kami naghahangad ng ayuda dahil lang sa inggit. Ang hinihiling lang namin ay patas na pagtingin.
Marami sa amin ang nagsikap ma-promote, tumanggap ng dagdag na responsibilidad, madalas kulang sa tulog at oras sa pamilya, para lang maitaas ang sweldo. Kapalit nito, mas mataas ang taxes at contributions na ibinabayad namin.
Pero kapag may ayuda, parang hindi na kami nakikita.
Hindi namin sinasabing alisin sa iba ang tulong. Ang gusto lang namin ay magkaroon din ng konsiderasyon sa lahat ng manggagawang tapat na nag-aambag sa ekonomiya.
Ang pagiging masipag at nagsusumikap umangat sa buhay ay hindi dapat maging dahilan para mawalan ng karapatang makatanggap ng suporta kapag kailangan.
