31/12/2025
آج ڈاکٹر نبیلہ صاحبہ کی وڈیو سننے کا اتفاق ہوا ۔
جسکا ٹاپک تھا اچھی عورت ۔
کہ اگر اچھی عورت دیکھنی ہے تو اسکا سلیقہ دیکھ لیں۔ اسکا باتھ روم اسکا کچن دیکھ لیں ۔
اچھی عورت کے گھر کے پردوں میں بھی آپکو سلیقہ نظر آئے گا ۔
جو بری عورت ہے وہ لیٹی رہے گی ۔
اسکا کچن گندہ ، باتھ روم گندہ ، گھر گندہ ملے گا ۔
ذہن کو ہلچل سی ہوئی ۔
کمرے سے باہر کے منظر آنکھوں میں گھومنے لگے ۔🤣
کارپٹ پہ بکھری پالک میرا انتظار کر رہی تھی ۔
کچن میں برتن دھلنے کے منتظر تھے،
باتھ میں بھی مٹی تھی کہ ایک دن پہلے پلمبر کام کر کے گیا تھا تو صفائی نہیں ہو سکی تھی ۔
لیٹی ہوئے حسینی کو فیڈ کروا رہی تھی وہ سو گیا تھا ۔
جلدی سے اٹھی اسے جھولے میں ڈالا ۔☺️
ارادہ تھا پہلے کچن صاف کر لوں مگر تبھی
والیحہ رو کر ٹانگوں سے لپٹ گئی کہ مجھے اٹھاؤ۔
سوچا اچھی عورت بنوں صفائی کروں یا اسے اٹھاؤں؟🤣
بہتر لگا کہ اسے اٹھالوں ورنہ زیادہ روئے گی۔
اسے بہلایا ۔ پھر سے کھیلنے بٹھایا ۔
زینب چھٹی پہ تھی کیونکہ اسکی طبیعت خراب تھی۔ اسے دوائی پلائی۔
تبھی حسینی دوبارہ جاگ گیا۔
عجیب جھنجھلاہٹ کا شکار ہوئی میں ۔
مگر تبھی وہ لائنز یاد آ گئیں ۔
ایک ہمسائی آنٹی نے کہا تھا
تمھارے کونسا مہمان آ رہے ہیں ۔ کام تو ساری زندگی ہوتے رہیں گے۔ ابھی اپنا خیال رکھو اور اپنے بچوں کا ۔
چھوٹے چھوٹے بچوں کو ماں کی زیادہ ضرورت ہوتی ہے ۔
میری فکر نہیں کیا کرو ۔ مجھے تمھارا بکھرا گھر بلکل بھی برا نہیں لگتا ۔
میں اس دن انکی بہت مشکور ہوئی تھی ۔
اچھی عورت بننے کے لئے بھی ساری عمر پڑی ہے ۔
مگر اس وقت اچھی ماں بننا ضروری ہے ۔
آپ کس کو اہمیت دیتے ہیں کام یا بچے ؟
