Umlina Hair Secrets

17/05/2026

ہمارے معاشرے میں گستاخی کے فتوے بہت آسانی سے لگا دیے جاتے ہیں، مگر اکثر جن پر یہ الزام لگتا ہے وہ یا تو غیر مسلم ہوتے ہیں یا دین سے لاعلم لوگ۔ میں سمجھتی ہوں اصل سوال ان لوگوں پر ہونا چاہیے جو دیندار ہونے کے دعوے دار بھی ہو ، دین کا حلیہ بھی اپناتے ہیں، مگر اپنے رویّوں اور کردار سے اسی دین کو بدنام کرتے ہیں۔
مذہبی حلیہ اپنانے کا مطلب ہوتا ہے کہ اپ پہ دوہری ذمہ داری اگئی ہے آپ دین کی نمائدگی کر رہے ہیں ۔

کل ہی ایک ایسے شخص سے لوگوں کی گالیوں کے ذریعے تعارف ہوا مکمل دینی حلیے کا انسان جس کو سوچ کے یہی خیال ہے کہ اس طرح کے لوگوں کو دیکھ کے دین بیزار لوگ مزید دین سے اکتا جاتے ہیں
ایسے لوگوں کی وجہ سے ہی دوسروں کو اسلام پر انگلی اٹھانے کا موقع ملتا ہے۔
یا تو اپنے اندر کی گندگی کو کنٹرول رکھیں اور اگر دین کی حدور کا خیال نہیں رکھنا جو کرنا ہے کریں لیکن پھر اپنا ظاہر بھی اپنے کردار کے مطابق رکھیں کہ لوگ اپ کی ہر عمل کو دین سے نہ جوڑ دیں ۔
#مـــــــاریــــᷧـــᷜـــᷧـــᷦــــہ

16/05/2026

بچوں کو چھٹیاں ہونے والی ہیں
اور چھٹیوں کی سب سے بڑی خوشی ماؤں اور بچوں کے لیے ہوتی ہے نانی کے گھر جانے کی ایسے میں سب نندوں سے گزارش ہے اس شدید گرمی میں اپنی بھابیوں کو انسان سمجھتے ہوئے میکے جا کے ان کا ہاتھ بٹائیں نہ کہ ان کے اوپر بوجھ بنیں ۔
اپنے سسرال میں آپ سارا سال جو بھی کام کرتی ہیں اس کا کوئی بھی احسان آپ کی بھابی کے سر پہ نہیں ہے کہ اپنے سسرال کی ساری تھکاوٹ لے جا کے اس کے کندھوں پہ ڈال دیں ۔
کاہلوں کی طرح سارا دن چارپائی اور روٹیاں توڑنے سے بہتر ہے مل بانٹ کے سب کام کریں
بلکہ یہ ایک اچھا موقع ہوتا ہے بیٹیوں کے لیے کہ وہ اپنے ماں باپ کی خدمت کر سکیں
اور جیسے سسرال میں آپ کی روٹین ہوتی ہے اپنے بچوں کے لیے کام کرنا ویسے ہی میکے جا کے بھی اپنے بچوں کا ہر کام اپنے ہاتھ سے کریں
مہمان صرف تین دن کا ہوتا ہے اس لیے اگر ایک دو دن جا کے رہنا ہو تو الگ بات ہے لیکن اگر ہفتوں رہنے کا پروگرام ہو تو خیال رکھیں کہ آپ اور اپ کے بچے سسرال میں بھی اور میکے میں بھی اپ کی ہی ذمہ داری ہے
اور بھابھی کے ہر کام میں نقص نکالنے کو اپنا فرض مت سمجھیں وہ اس کا گھر ہے اور اس کو پتہ ہے کہ اس نے کون سا کام کس وقت اور کیسے کرنا ہے ۔
بھائیوں کے گھر کے سکون کا بھی اس طرح سے خیال رکھیں جس طرح اپ کو اپنے گھر کے سکون کا خیال ہوتا ہے

آپ بتائیں اپ کی چھٹیوں میں میکے جا کے کیا روٹین ہوتی ہے
#مـــــــاریــــᷧـــᷜـــᷧـــᷦــــہ

16/05/2026

خود کو عقلِ کُل سمجھنے والے حضرت نے پوری عورت ذات کو سبزی منڈی کا مال بنا کر رکھ دیا، اور اوپر سے نصیحتیں بھی ایسے دے رہے ہیں جیسے اخلاقیات کے آخری ٹھیکیدار یہی ہوں۔
عورت کی عمر پر مذاق، چہرے پر تبصرہ، جسم پر جملے، دکھوں کا مذاق پھر آخر میں قرآن کا حوالہ بھی ڈال دیا تاکہ بدتمیزی کو “دانشوری” کا لبادہ پہنایا جا سکے۔
اصل مسئلہ حدیقہ نہیں، اصل مسئلہ وہ سوچ ہے جو عورت کو انسان نہیں “پیکنگ” سمجھتی ہے۔
اور مزے کی بات یہ ہے کہ جن لوگوں نے کبھی کسی عورت کی عزت سے بات نہیں کی، وہی آج رومانس اور جوانی کے لیکچر دے رہے ہیں۔
بھائی، عورت کوئی لائف بوائے کی ٹکی نہیں کہ “ابھی استعمال کی عمر ہے” والے جملے مارے جائیں۔
اور نہ ہی ہر عورت کی قیمت اس کی جلد کی ٹائٹنس اور چہرے کی چمک سے لگتی ہے۔
ویسے ایک بات ہے…
جو مرد ہر وقت عورت کے چہرے، جسم اور عمر کے گرد ہی گھومتا رہے، وہ اکثر اپنی سوچ کی بڑھاپے سے بے خبر ہوتا ہے۔

اور یہ “چائے خانہ” اور “گیسٹ ہاؤس” والی مثالیں دے کر آپ نے عورت کی نہیں، اپنی ذہنی اوقات کی تشہیر کی ہے۔

عورت اگر جوان ہو تو مسئلہ، عمر رسیدہ ہو تو مذاق…

16/05/2026

سڑے ہوئے تیل سے تلے ہوئے سموسے، پکوڑے، پٹھورے اور کلچے کھانے والے
خارش والے ہاتھوں سے بنے ہوئے گول گپے کھانے والے
ڈٹرجنٹ پاؤڈر اور کھاد سے تیار کردہ دودھ پینے والے
دھول سے اٹی سڑک پر تیار ہونے والی فروٹ چاٹ مزے لے کر کھانے والے
نالے کے گندے پانی سے دھلی ہوئی سبزیاں بخوشی خریدنے والے
میلے ہاتھوں سے تندور پر لگی روٹیاں لینے والے
مچھروں کی لاشوں والی چاشنی میں ڈوبی جلیبیاں کھانے والے
سکمڈ ملک سے تیار کردہ مٹھائیاں کھانے والے
پون کلو چینی ڈال کر بنے کولڈ ڈرنک اور ملک شیک لینے والے
نسوار کی ٹافیاں اور سگریٹوں کے مرغولے کھانے والے
مربوں کے بچ جانے والے شیرے سے بنی میٹھی چٹنیاں کھانے والے
مکھن نکلی لسی کو مزید پتلا کر کے بنا رائتہ لینے والے
بغل تک بازو سے گھوٹ کر بنے بیکری آئٹمز اور،،،
میدے سے بنے موموز کھانے والے
مردہ چکن سے بنے برگر اور بڑا شوارما شوق سے کھانے والے

یہ سب کچھ ڈکار جانے والے جب پوچھتے ہیں کہ
*ڈاکٹر صاحب! آپ کی دواء کا کوئی سائیڈ ایفیکٹ تو نہیں ہو گا ؟؟؟؟*

بندہ لا لتر لوے

مارے سو اور گنے ایک 😂😂😂😂😂😂😂😂😂

16/05/2026

شوہر نے مسکراتے ہوئے اپنی بیوی سے کہا:
"ہمارے زمانے میں موبائل نہیں ہوتے تھے…"
بیوی ہلکے سے مسکرائی اور بولی:
"لیکن ٹھیک 5 بج کر 55 منٹ پر میں پانی کا گلاس لے کر دروازے پر آجاتی… اور آپ بھی اسی وقت آ پہنچتے تھے۔"
شوہر نے ہنستے ہوئے کہا:
"ہاں… میں نے
30 سال نوکری کی، مگر آج تک یہ نہیں سمجھ سکا کہ میں اس لیے وقت پر آتا تھا کہ تم پانی لے کر کھڑی ہوتی تھی… یا تم اس لیے آتی تھی کہ میں آنے والا ہوتا تھا!"
بیوی نے یادوں میں کھو کر کہا:
"اور یاد ہے… ریٹائرمنٹ سے پہلے، جب آپ کو شوگر بھی نہیں تھی، میں آپ کی پسندیدہ کھیر بناتی… اورآپ کہتے کہ آج دوپہر میں ہی دل کیا تھا کہ کاش کھیر مل جائے…"
شوہر نے سر ہلاتے ہوئے کہا:
"بالکل… دفتر سے نکلتے وقت جو سوچتا تھا، گھر آ کر دیکھتا وہی بنا ہوتا…"
بیوی نے شرماتے ہوئے کہا:
"اور جب آپ میری آنکھوں میں دیکھ کر کوئی شعر پڑھتے…"
شوہر مسکرایا:
"اور تم پلکیں جھکالیتی… میں سمجھ جاتا کہ میرے شعر کو داد مل گئی…"
بیوی نے ایک اور یاد تازہ کی:
"ایک بار چائے بناتے ہوئے میرا ہاتھ جل گیا تھا… اور اسی شام آپ برنول لے آئے تھے…"
شوہر نے نرمی سے کہا:
"ہاں… ایک دن پہلے ہی دیکھا تھا کہ ختم ہو گئی ہے… سوچا، نہ جانے کب ضرورت پڑ جائے…"
یہ کہتے ہوئے شوہر نے دھیرے سے کہا:
"ہاں… ہمارے زمانے میں موبائل
نہیں تھے… لیکن ہم دونوں تھے…"

بیوی نے گہری سانس لی اور کہا:

"آج بیٹا اور بہو ساتھ ہوتے ہیں… مگر باتیں نہیں، صرف واٹس ایپ ہوتا ہے…

لگاؤ نہیں، صرف ٹیگ ہوتا ہے…
کیمسٹری نہیں، صرف کمنٹ ہوتا ہے…
پیار نہیں، صرف لائک ہوتا ہے…
میٹھی نوک جھونک نہیں، بس اَن فرینڈ ہوتا ہے…
نہ وہ
احساس، نہ وہ اپنائیت…"
"انہیں بچے نہیں چاہیے… انہیں پب جی، کینڈی کرش ساگا، ٹیمپل رن اور سب وے سرفرز چاہیے…"
شوہر نے ہلکے سے مسکرا کر کہا:
"چھوڑو ان باتوں کو… اب تو ہم وائبریٹ موڈ پر ہیں… اور ہماری بیٹری کی بھی ایک ہی ڈنڈی باقی ہے…"
پھر اچانک چونک کر بولا:
"ارے… کہاں چلی‏گئیں؟"
بیوی کی آواز آئی:
"چائے بنانے…"
شوہر مسکرایا:
"میں کہنے ہی والا تھا کہ چائے بنا لو…"
بیوی نے ہنستے ہوئے جواب دیا:
"مجھے پتا ہے… میں آج بھی کوریج میں ہوں… اور آپ کے میسجز اب بھی آ جاتے ہیں…"
دونوں ہنس دیے
شوہر نے آہستہ سے پھر کہا:
"ہاں… ہمارے زمانے میں موبائل نہیں تھے۔

16/05/2026

ایسی عورتوں کا اچار ڈال لیں؟

حدیقہ کیانی جس کے جسم پر 53 سالوں کی جھریاں ہیں
جس کے لیے حجاب کا حکم بھی نہیں کیونکہ اس کا جسم جنسی کشش سے محروم ہے
اسے دیکھ کر کسی مرد کے وحشی جذبات ہیجان زدہ نہیں ہوتے اور نہ کسی کے اندر کا بوکھلاہٹ زدہ درندہ باہر آتا ہے
یہی ضمانت ہے کہ وہ کسی داڑھی والے با حیا مرد سے کبھی ریپ نہیں ہو گی
کیوںکہ اس کے پاس معشوقوں جیسی کوئی ادا نہیں ہے
جو لائف بوائے یوز کرتے جوانوں کے جذبات بھڑکا سکے اور آدھی سفید داڑھی والے بوڑھے فارقیوں کے دل مچلا سکے۔

ایسی باوقار عورتیں فاروقی جیسے مشرقی اقدار کے پاسدار مردوں کی دھرتی پہ اضافی بوجھ ہیں
جو کسی کی حبس کے تسکین کے لیے ناکافی ہیں
بند پیکنگ میں جن کے جسم بھی ان کی بیویوں کی طرح مرجھائے ہوے، بے کشش اور کوفتناک ہیں

یہ کیسی بے کار عورتیں ہین جو عورت نہیں رہیں انسان بن گئی ہیں
اور انسان بھی کیسی، حدیقہ کیانی بن گئی ہیں۔

یہ تشویش ہے آدھ سفید داڑھی والے بوڑھے فاروقیوں کی
اگر سب عورتیں حدیقہ کیانی بن گئیں تو
پھر ریپ کس کا ہو گا؟
کس کو رانڈ ہونے کا طعنہ دیا جائے گا
کس کو ناقص عقل کہہ کر اس کے گلے میں اپنی مردانگی کا قلاوہ پہنایا جائے گا
اور کون تلوے چاٹی گی؟

اگر عورتیں حدیقہ کیانی بن گئیں تو فاروقی نما مردوں کا کیا بنے گا؟

: عامر شہزاد

15/05/2026

*حضرت ابراہیم علیہ السلام کی زندگی ہمیں کیا سکھاتی ہے؟*

*1. توحید پر چلنا سکھاتی ہے.*
(پوری زندگی توحید سے عبارت ہے. باپ، قوم اور بادشاہ کے سامنے توحید کا اعلان اور باطل معبودوں سے براءت کا اظہار)

*2. اللہ کی مرضی کے مطابق زندگی گزارنا سکھاتی ہے.*
(ابراہیم علیہ السلام پوری زندگی رب کی رضا میں راضی رہے اور کبھی کوئی کام رب کی رضا کے خلاف نہیں کیا)

*3. مشکل حالات میں بھی رب پر بھروسہ کرنے کا طریقہ سکھاتی ہے.*
(آگ میں ڈالے جانے کا معاملہ ہو یا باپ کی دھمکی کے بعد ہجرت کا، بادشاہ کے سامنے توحید کے اعلان کی بات ہو یا پھر بیوی اور بیٹے کو مکہ کی غیر آباد زمین میں چھوڑ کر آنے کی)

*4. آزمائشوں پر استقامت اختیار کرنا سکھاتی ہے.*
(ابراہیم علیہ السلام کی پوری زندگی آزمائشوں سے بھری ہوئی ہے: اکیلے توحید والے، توحید کے اعلان کے جرم میں قوم کا سامنا، آگ میں ڈالے جانے کی آزمائش، اولاد سے محرومی کی آزمائش، بیٹے اور بیوی کو مکہ میں چھوڑ کر آنے کی آزمائش، بیٹے کو ذبح کرنے کی آزمائش، کئی ہجرتوں کی آزمائش وغیرہ)

*5. اولاد کی بہترین تربیت کرنا سکھاتی ہے.*
(اولاد اللہ سے مانگنا، اولاد کے لیے نیک بیوی کا انتخاب کرنا، نیک اولاد کی دعا کرنا، بیٹے سے اس کے معاملے میں بات چیت کرنا وغیرہ)

*6. بیوی، بچوں اور نسل کی فکر کرنا سکھاتی ہے.*
(مکہ میں چھوڑا تو فیملی کی خیر خیریت کے لیے دعا کیا، خود کی اور نسلوں کی بتوں کی عبادت سے حفاظت کی دعا مانگا، نمازوں کے قیام کی دعا، مغفرت کی دعا)

*7. علاقے، شہر اور ملک سے محبت اور وفاداری سکھاتی ہے.*
(علاقے کی امن و سلامتی کے لیے اللہ سے دعا، پھلوں کی روزی کی دعا، علاقے کے افراد کی اصلاح کی دعا، نمازوں کے قائم کرنے کی دعا)

*8. کسی بھی صورت حال میں مایوس نہ ہونا سکھاتی ہے.*
(ابراہیم علیہ السلام کی زندگی میں بد سے بدترین حالات آئے لیکن وہ کبھی مایوس نہیں ہوئے بطور خاص اولاد سے محرومی کے وقت)

*9. ماں باپ کے ساتھ ہر صورت میں وفاداری سکھاتی ہے.*
(باپ کو نہایت محبت اور احترام سے ابو جان کہہ کر توحید کی دعوت دی، باپ کے سخت جملوں کے باوجود الٹا نہیں بولا، دعا کا وعدہ کیا اور کرتے بھی رہے جب تک اللہ نے منع نہیں کر دیا)

*10. نیکیوں پر گھمنڈ نہ کرنا بلکہ اس کی قبولیت کی دعا کرنا سکھاتی ہے.*
(اولوا العزم انبیاء میں سے ایک، خلیل اللہ، ابو الانبیاء، امام الناس اور خانہء کعبہ کا معمار ہونے کے باوجود کبھی کسی نیکی یا مقام پر گھمنڈ نہیں کیا بلکہ اللہ سے اپنی نیکیوں کی قبولیت کی دعا مانگتے رہے)

15/05/2026

*استاد کی مار...!* 🥹

(ایک بار تحریر ضرور پڑھیں)

ہمارے ایک اُستادِ محترم ہوا کرتے تھے۔ بچوں پہ تشدد کرنا اُن کا پسندیدہ مشغلہ تھا اور اِس تشدد کی وجہ سے بہت سے بچے اسکول سے بھاگ چکے تھے۔

آپ ایک بار اپنی زمین میں گندم بوائی کے دوران جب ٹریکٹر والے کو پیسے دینے لگے تو اُس نے یہ کہہ کر لینے سے انکار کر دیا کہ "ماسٹر جی کیوں شرمندہ کر رہے ہیں، آج میں جس مقام پر ہوں صرف آپ کی وجہ سے ہوں، اگر آپ اُس دن میری پٹائی نہ کرتے تو نہ میں اسکول سے بھاگتا اور نہ ٹریکٹر ڈرائیور بنتا"

آپ ایک بار بس میں سفر کر رہے تھے، کرایہ دیتے ہوئے کنڈیکٹر نے یہ کہتے ہوئے لینے سے انکار کر دیا کہ "سر کیوں شرمندہ کرتے ہیں، آج میں جو کچھ بھی ہوں آپ کی وجہ سے ہوں" ماسٹر جی نے ادھر اُدھر دیکھا لیکن کسی نے نہیں سنا، کنڈیکٹر طوطے کی طرح بولے جا رہا تھا "سر یاد ہے میرا کلاس فیلو فرید ؟؟ آج کل وہ فریدا استاد کے نام سے مشہور ہے اور وہ جو شاہ زیب ہوتا تھا ناں آج کل شاکا بدمعاش مشہور ہے، ہم سب آپ ہی کی وجہ سے اِس مقام پر ہیں"

اُستادِ محترم نے ایک بار پھر دائیں بائیں دیکھا، اپنا سامان اٹھایا اور یہ سوچتے ہوئے چلتی بس سے چھلانگ لگا دی کہ کہیں ایسا نہ ہو راستے میں کوئی ڈاکو سوار ہو اور لوٹ مار کے دوران جب میرے پاس پہنچے تو بولے کہ "ماسٹر جی آپ کیوں اپنا بٹوہ نکال کر شرمندہ کر رہے ہیں، آج میں جس مقام پر بھی ہوں صرف آپ کی وجہ سے ہوں"

Just for fun 🤭

نوٹ 🙏🏻
تمام اساتذہ سے مودبانہ ، احتراماً گزارش ہے تھوڑا سا ہاتھ ہلکا رکھا کریں 🫣

13/05/2026

13/05/2026

baby frock design 🥰