WAO Collection

26/09/2026

حج کو شاید اسی لئے پانچواں رکن بنایا گیا ہے کہ یہ مالی، جسمانی، ذہنی و نفسیاتی عبادتوں کا مجموعہ ہے یعنی سب کچھ لٹا کے دیوانہ وار چل پڑو اور ہر راہ اپنے جیسے لاکھوں دیوانوں کے ساتھ خوش دلی سے بانٹو، جو جتنا ایزی گوئنگ یا آسان ہے اس کے لئے اتنی ہی آسانی، جتنے بڑے آپ کے نخرے اتنا ہی بڑا چلینج کیونکہ یہ شیئرنگ کی راہ ہے ، آپ کتنا ہی مہنگا پیکیج کیوں نہ لے لیں آپ کو اپنے سونے کی جگہ سے لے کر کھانے پینے اور نماز کی جگہ تک اور سواری اور استعمال کی چیزوں سے لے کر باتھروم تک مختلف موقعوں پہ ہر چیز شیئر کرنی ہے اور وہ بھی اجنبی لوگوں کے ساتھ، آپ آسان نہ ہوں اور شیئرنگ نہ کر سکتے ہوں تو بڑی مشکل ہے۔

تیس چالیس لاکھ مختلف رنگ، نسل اور عمر کے لوگوں کے ساتھ ایک سی مشقت ایک سی عبادت ، شدید گرمی اور جھلسانے والی دھوپ, یہ عبادت صبر ، ہمت اور برداشت مانگتی ہے ۔ آپ چلتے ہیں ، تھکتے ہیں پھر ہمت کر کے چل پڑتے ہیں کہ یہی حکم ہے لیکن یہ ہمت کہاں سے آتی ہے یہ اللّه کا معجزہ ہے۔

کہیں دھکے ملتے ہیں، ٹھوکریں لگتی ہیں، مزدلفہ میں پتھریلی زمین پہ کھلے آسمان کے نیچے رات کرنا ہے، جمرات میں کنکریوں کا شوراور وحشت ہے تو کبھی فجر کے وقت اتنے رش کے باوجود کعبے کے سامنے ٹھنڈے صحن کی بیٹھک میسر آجاتی ہے ، کبھی سخت گرمی میں مسجد نبوی صلی اللہ علیہ وسلم کے صحن میں بچھے سبز قالین پہ چھتریوں کے تلے بیٹھ کر اندر تک آسودگی اتر جاتی ہے ، آپ اس کے مہمان ہوتے ہیں تو آپ کی خاطر داری بھی خوب ہوتی ہے اور محنتوں کا اجر بھی دیا جاتا ہے ۔
ذمہ داریوں اور دنیا کے کاموں کے جھمیلوں سے پرے اس دنیا کا فسوں جہاں سب ایک جیسے درویش کسے برا لگتا ہے ۔

واپس آ کے الجھن رہتی ہے کہ واپسی ہو گئی ہے یا وہیں رہ گئے ہیں، پیمانہ بھر گیا یا خالی ہو گیا؟ دوبارہ دل لگانے میں تھوڑا وقت لگتا ہے پھر وہی دنیا اور دنیا کے کام۔

یہ سفر مختلف ہے، یہ تجربہ منفرد ہے۔

Ufffffff missing my haj safar 😞🥺😢

26/09/2026

*کون کس کے نصیب کا کھا رہا ہے اور کس کے ذریعے کس کو رزق مل رہا ہے، یہ ہم اپنی محدود سوچ سے نہیں سمجھ سکتے۔*

گاؤں کے موڑ پر واقع بابا دین محمد کی چھوٹی سی دھابی (ڈھابے) میں شام کے وقت معمولی چہل پہل تھی۔ بابا دین محمد کی چائے اور پراٹھے پورے علاقے میں مشہور تھے، لیکن گزشتہ کچھ عرصے سے بائی پاس روڈ بن جانے کی وجہ سے گاؤں کا پرانا راستہ ویران ہو چکا تھا اور بابا کی آمدنی نہ ہونے کے برابر رہ گئی تھی۔ حالات اتنے تنگ ہو گئے تھے کہ روزانہ کی چائے پتی اور میدے کا خرچ نکالنا بھی دشوار تھا۔
ایک سرد اور دھندلی شام کو، ایک خستہ حال بوڑھا اور اس کا چھوٹا پوتا دھابی پر آ کر بیٹھ گئے۔ دونوں کے کپڑے پیوند لگے تھے اور وہ بھوک و تھکن سے نڈھال لگ رہے تھے۔ ان کے پاس اتنے پیسے نہیں تھے کہ پورا کھانا خرید سکیں۔ بابا دین محمد نے جب بچے کی حسرت بھری نگاہیں دیکھیں، تو ان کا دل بھر آیا۔ انہوں نے اپنے گاہکوں کے لیے بچا ہوا آخری پراٹھا، تازہ گرم چائے اور تھوڑا سا سالن ان دونوں کے سامنے رکھ دیا۔
بابا نے دل ہی دل میں سوچا، "آج کا دن تو ویسے بھی مندے میں گزرا ہے، اگر یہ اخری پراٹھا انہیں کھلا دیا تو میرا کیا نقصان ہوگا؟ چلو کم از کم ان کی بھوک تو مٹے گی۔"
ابھی وہ دونوں کھانا ختم ہی کر رہے تھے کہ اچانک دھابی کے باہر ایک بڑی گاڑی آ کر رکی۔ اس میں سے کچھ مسافر اترے جو بائی پاس کا راستہ بھول کر اس پرانی سڑک پر نکل آئے تھے۔ وہ شدید تھکے ہوئے اور بھوکے تھے۔ انہوں نے بابا سے پوچھا، "بابا جی! کیا کھانا مل سکتا ہے؟"
بابا نے معذرت کرنا چاہی کہ سامان ختم ہو چکا ہے، لیکن تبھی مسافروں میں سے ایک نے چولہے کی طرف دیکھا اور کہا، "بابا جی! اگر کھانا ختم ہو گیا ہے تو کوئی بات نہیں، ہمیں بس گرم چائے اور جو بھی سوکھی روٹی یا پراٹھا بن سکتا ہے، بنا دیں۔ ہم بہت دور سے آ رہے ہیں اور کافی بھوکے ہیں۔"
بابا دین محمد نے فوراً اندر جا کر بچا ہوا تھوڑا سا آٹا نکالا، اور ان کے پاس چائے کی جو آخری پتی بچی تھی، اس سے چائے چڑھائی۔ دیکھتے ہی دیکھتے ان مسافروں کے پیچھے دو مزید گاڑیاں بھی وہاں آ کر رک گئیں، جو اسی قافلے کا حصہ تھیں۔ کچھ ہی دیر میں وہ ویران دھابی رونق سے بھر گئی۔ بابا نے احسان اور جلدی میں ان کے لیے جو کچھ تیار ہو سکتا تھا بنایا۔
جب وہ لوگ جانے لگے، تو انہوں نے بابا کو نہ صرف ان کے کھانے کا توقع سے دگنا معاوضہ دیا، بلکہ ان کی مہمان نوازی اور گرم جوشی سے خوش ہو کر ایک بڑا نقد انعام بھی چھوڑ گئے۔
رات کو جب تمام گاہک چلے گئے اور بابا نے غریب بچے اور بوڑھے کو بھی خوش دلی سے رخصت کیا، تو انہوں نے دن بھر کی کمائی کا حساب لگایا۔ ان کی گٹھڑی میں اتنے پیسے تھے جو انہوں نے پچھلے تین مہینوں میں مل کر بھی نہیں کمائے تھے۔
بابا دین محمد چولہے کی مدہم ہوتی ہوئی آگ کو دیکھتے ہوئے مسکرا دیے اور ان کی آنکھوں میں آنسو آ گئے۔ وہ سمجھ گئے تھے کہ وہ غریب بوڑھا اور بچہ ان کے پاس مانگنے نہیں آئے تھے، بلکہ اپنے حصے کا رزق ساتھ لائے تھے جس نے بابا کی ویران دکان میں برکت کے دروازے کھول دیے۔
ان کے دل سے وہی بات نکلی کہ کون کس کے نصیب کا کھا رہا ہے اور کس کے ذریعے کس کو رزق مل رہا ہے، یہ ہم اپنی محدود سوچ سے نہیں سمجھ سکتے۔ کبھی کبھی دوسروں کے حصے کی روٹی ہمارے اپنے رزق میں برکت کا ذریعہ بن جاتی ہے۔

30/07/2026

Share it

15/07/2026

Sale starts from 2360/- pkr only

14/07/2026

Bismillah...join n share

04/07/2026

میں اپنے لیے ایک ایسا گھر چاہتی ہوں جہاں ایک کمرہ میری بیٹی کا ہو جو ہمیشہ میری بیٹی کا رہے اس کی شادی ہو جائے وہ جب چاہے آئے جتنا چاہے رہے اس کے پاس اس کا کمرہ ہو بالکل ویسا ہی جیسا شادی سے پہلے تھا۔ اس کی تمام چیزیں ویسے ہی موجود ہوں جیسے شادی سے پہلے تھیں۔
میں اپنی بیٹی کو کبھی نہیں کہتی کہ بیٹی پرائی ہوتی ہے میری بیٹی میری ہے اور ہمیشہ رہے گی۔ بیٹی کبھی بھی پرائی نہیں ہوتی بیٹی جہاں بھی رہتی ہے اس کا دل اس کے ماں باپ کے پاس ان کے گھر میں ہوتا ہے وہ اس کو اپنی جائے پناہ سمجھتی ہے جب تھک جاتی ہے سستانے کو، ری فریش ہونے کو، کبھی خود کو پھر سے جوڑنے کو، کبھی بس صرف بے فکری سے سونے کو اسے اپنے ماں باپ کے پاس وہ جگہ درکار ہوتی ہے۔

ماں باپ اپنی بیٹیوں کو پرایا کر دیں ، اگلے گھر جائیں تو وہ اوٹ سائڈر سمجھیں
پیچھے مڑ کے دیکھیں تو "پرائی" کا بورڈ لگا ہوا ہو آگے دیکھیں تو آؤٹ سائڈر۔
کم از کم ماں باپ کی زندگی میں بیٹیوں کے کمرے انہیں کے رہیں یہ میں اپنی بیٹی کے لیے سوچتی ہوں۔

ہو سکے تو بیٹیوں کو مہنگے جہیز مت دیں عالی شان شادیاں مت کریں انکو ایسی تعلیم دلوائیں کہ وہ زرا زرا سے خواہش کے لیے کسی دوسرے شخص کا منہ نا دیکھیں کسی دوسرے کے ماتھے کے بل نا گنیں چاہے وہ کوئی بھی ہو۔ اس لیے نہیں کہ دوسرا ان کی خواہش پوری نہیں کرئے گا بلکہ صرف اس لیے کہ ان کی ذات کا غرور قائم رہے وہ اپنے لیے کسی سے پیسہ نا مانگیں۔

دوسرا انہیں ایک کمرے کی چھت ضرور دیں جو ان کی اپنی ہو۔
اور اپنی بیٹیوں کا ساتھ کبھی نا چھوڑیں۔

ہم جب اپنی بچوں کو سکول چھوڑنے جاتے ہیں تو بیٹے فورا سکول کے اندر چلے جاتے ہیں بیٹی گاڑی سے سکول کے گیٹ تک مڑ مڑ کے دیکھتی ہے ہاتھ ہلاتی ہے جب تک ہم اس کی نظروں سے اوجھل نا ہو جائیں۔
میں روز اپنے آنسو پونچھتی اپنے میاں کو کہتی ہوں کہ ایک دن آئے گا کہ ان بیٹیوں کی زندگی میں ایک شخص آ کے کہے گا تمہارا یہ باپ اور تمہاری یہ ماں آؤٹ سائڈر ہیں ان سے ملنے کے لیے ہم سے اجازت لو۔
تو سوچیں کہ ان بیٹیوں کے دل پر کیا گزرے گی اور وہ کیسے کیسے جتن کر کے اپنے آپ کو بہلاؤں میں لگائیں گی۔

03/07/2026

Huge clearance saleeeeeeeee

29/06/2026

Bismillah...join n share
Gulljee wholesale boxes sale

26/06/2026

26/06/2026

Live again