04/06/2026
ایک دوست کی طرف دو سوٹ بھیجے۔ ورائٹی پسند آئی تو انہوں نے کہا: “ اسی ورائٹی میں اور کلر بھیج دیں۔”
قسمت دیکھیے… غلطی سے وہی سیم کلر دوبارہ پیک ہو کر روانہ ہوگیا جو پہلے ان کے پاس جا چکا تھا۔ 😄
وہ ہمارے نوٹس میں لائے اور کہا: “یہ تو وہی کلر دوبارہ آگیا ہے، تبدیل کر دیں۔” ہم نے بھی نیا سوٹ بھیج دیا اور پہلا والا واپس منگوا لیا۔
اب اصل کہانی یہاں سے شروع ہوتی ہے۔۔۔پارسل آیا، بڑے اطمینان سے کھولا… اور اندر سے نکلی “روٹی والی کندوری”۔ 😂 چار ہزار والا سوٹ غائب اور واپسی میں 150 روپے کی کندوری برآمد!
پہلے عوام شکوہ کرتی تھی کہ: “آن لائن والے لنڈے کا کپڑا بھیج دیتے ہیں۔” اب حالت یہ ہے کہ ہم خود متاثرین کی لسٹ میں شامل ہو چکے ہیں۔😅 اب عوام ہمارے ساتھ ایسا “ہاتھ” کر جاتی ہے کہ بندہ کاروبار چھوڑ کر پہاڑوں پر جا بسے۔
اگرچہ اس معاملے میں ہمارے کسٹمر کا کوئی قصور نہیں، وہ ہمارے جاننے والے معزز دوست ہیں۔ اصل گڑبڑ غالباً رائڈر یا کوریئر کے عملے کی طرف سے ہوئی۔۔
لیکن اہم بات یہ ہے کہ دھوکہ بازی کے لیے یہ طریقہ کار استعمال ہوسکتا ہے۔ آج کل کچھ لوگ سوٹ منگواتے ہیں، پھر کہتے ہیں: “کلر پسند نہیں آیا، کلر چینج کر دیں۔۔”
آپ نیا سوٹ بھیج دیتے ہیں اور واپسی میں کوئی پرانا، پھٹا ہوا، استعمال شدہ کپڑا پکڑا دیا جاتا ہے۔۔😶 اسی لیے اب آن لائن کاروبار میں درج ذیل چند احتیاطیں لازم ہوگئی ہیں۔۔
* اگر کسٹمر جان پہچان والا ہو تو نیا سوٹ بھیج کر پہلا سوٹ منگوا لیں کوئی ڈر نہیں۔۔
* اگر نیا کسٹمر ہو تو پہلے سوٹ منگوائیں پھر نیا سوٹ روانہ کریں۔۔
* ہاں اگر آپ چاہتے ہیں کسٹمر کا خرچہ نہ ہو تو اپنے پورٹل سے بکنگ کرکے کسٹمر کو دے دیں اور اس پہ پارسل واپس منگوا لیں۔۔ اس طرح کسٹمر کو فیور بھی مل جائے گی اور پارسل ریٹرن بھی آجائے گا۔۔ لیکن پہلے پارسل منگوائیں، چیک کریں، پھر دوسرا پارسل روانہ کریں۔۔
اگرچہ اس طریقہ کار میں خرچہ زیادہ ہے لیکن محفوظ طریقہ یہی ہے۔۔ کیونکہ اس میں تقریبا تین بار ڈلیوری ہوگی ۔۔ پہلی بار پارسل جائے گا پھر وہ ریٹرن آئے ائے گا اور اس کے بدلے میں نیا پارسل جائے گا۔۔ تین بار ڈیلیوری میں 900 سے 1000 روپے تک کا خرچہ متوقع ہے ۔۔ ایک سے دو پارسل میں آپ کو جو پرافٹ ہونا ہے وہ اس ایکسچینج کے اندر اڑ جائے گا۔۔ لیکن خیر ہے کوئی بات نہیں۔۔کسٹمر کا نقصان نہیں ہونا چاہیے اسے مطمئن ہونا چاہئے۔۔
سچ کہیں تو ان روز روز کے “رولوں” نے آن لائن بزنس سے دل سا اٹھا دیا ہے۔ 😅 اب تو بس ایک ہی دعا ہے:
“یا اللہ! ایک بڑی سی دکان عطا فرما…
جہاں کسٹمر خود آئے، خود پسند کرے، اور خود اٹھا کر لے جائے!” 🤲😂
