10/03/2021
جزء من كتابة هاد البوست هو اعتذار لشريكي وللزباين ، وجزء كتفريغ نفسي ، وجزء عشان تتعلموا من تجربتي ، وجزء كترويج للمشروع الجاي.
لما بديت المشروع ، كنت اشتغل بالبيت ، بعدها اتفقت مع شريكي محمد انه نفتح المحل تبعه ، ونستورد بضاعة وماكينات من الصين ، الموضوع تاخر سنة كاملة بخلالها تاخر الشغل وصرفت الفلوس اللي حوشتها ، ولما بدينا شغل بالمحل كان الموضوع متاخر وزهقت الشغل قبل ما نبدا وصار تاخيرات مع الزباين بعتذر عنها ، الموضوع أدى لتقصير من طرفي كان مبرر بانه شريكي قصر معي بسبب التاخير.
لكن لما رجعت افكر بالموضوع ، انا اللي كنت حابب افتح محل عشان احس اني فخور بحالي قدام اهلي واصحابي ، مع اني عارف التكاليف والارباح راح تكون اقل ، لو ضليت اشتغل بالبيت كان الوضع راح يكون احسن ، لكن بالاخر انا بتحمل مسؤولية الوضع الحالي لانه غروري ما سمحلي ارجع اشتغل من البيت بعد ما اعلنت انه راح نفتح محل ، مش شريكي لانه تاخر بالاستيراد. الشغل من البيت اقل تكاليف وكل العالم بتجهه للاونلاين بدون تكاليف اضافية ، فش داعي اصلا كان لمحل ، هاي غلطتنا.
استنوا المشروع القادم اللي ما راح يلزم لا ماكينات ولا محل فيه 🥱
كل عام وانت بخير 🥰
