BJOO

BJOO Contact information, map and directions, contact form, opening hours, services, ratings, photos, videos and announcements from BJOO, Women's clothes shop, Riyadh.

23/04/2026

ل
بعدها آخذ هذي المات وأحط عليها الباترون عشان يوضح لي أكثر، لأن لون الورق أبيض فمرات ما يبان التفاصيل زين

مره مهم جدًا قبل أي شيء إن التصوير يكون أفقي تمامًا بدون أي ميلان
أي ميلان بسيط راح يأثر عليك بعدين في المقاس

الحين أبدأ أرتب الباترون على الأرض
وأحرص يكون مره فلات، ما فيه أي تعرج أو انحناء
لأن أي انحناء بسيط راح يطلع معك في الصورة ويخرب الدقة

فعشان أضمن إنه ثابت وفلات
أستخدم التايب وأثبت فيه الأطراف

بس عندي هاك صغير مره فرق معي 👀
هذا التايب أحيانًا يكون قوي ويقطع الورق أو يخربه
وأنا أكيد ما أبغى أضر الباترون

فإيش أسوي؟
قبل لا ألصقه على الورق
ألصقه على يدي وأشيله
عشان يخفف من قوة الصمغ
وبعدها أثبته على الباترون

بهذي الطريقة
يثبت معي تمام
وما عاد يقطع الورق أو يخربه أبدًا

الحين نجي لخطوة مهمة مره
عشان نضبط المقاس الحقيقي للصورة

أخذت مربع من الباترون وقسته
وطلع عندي 13 سم
فكتبت الرقم في ورقة
عشان أرجع له بعد شوي

وبرجع أأكد مرة ثانية
لازم الصورة تكون أفقية 100%
بدون أي ميلان
لأن هذا الشيء بيفرق مره في النتيجة

الحين ننتقل للديجيتال ✨
أفتح برنامج Adobe Illustrator وأدخل الصورة اللي صورتها

أول ما أفتحها راح ألاحظ إن المقاس مو حقيقي
يعني الصورة مو على نفس المقاس اللي عندي في الواقع

هنا يجي دور الأدوات المهمة
عندي أداة الـ pen
وعندي المسطرة اللي تساعدني في القياس

الحين إيش أسوي؟
أستخدم أداة المربع
وأرسم مربع جديد بمقاس 13 سم
نفس القياس اللي أخذته من الباترون

بعدها أحط المربع هذا فوق المربع اللي في الصورة
وأبدأ أكبر الصورة شوي شوي

لين يتطابق المربع اللي رسمته
مع المربع اللي في الصورة بالضبط

وهنا أعرف إن الصورة صارت بالحجم الحقيقي ✔️

بعدها أبدأ خطوة التريسنق
باستخدام أداة الـ pen
وأمشي على الخطوط وحدة وحدة

أكيد اللي تشوفونه الآن سريع
بس أنا عادة آخذ وقتي
وأعدل على المنحنيات لين تطلع نظيفة واحترافية

وبعد ما أخلص التريسنق بالكامل
أحفظ الملف

وبعدها أرسله للطباعة
وأطبعه بمقاس A0

#فستان #فساتين

وهذي طريقتي اللي أعتمدها دايم 🤍
مريحة، نظيفة، وما فيها حوسة أوراق أو غبار
وتعطيني دقة عالية في الباترون بدون تعب

19/04/2026

تصميم، قماش، تفاصيل… كل شيء مختلف

بس لما أركز أكثر…
أكتشف إن كلهم يبغون نفس النتيجة

خصر واضح
صدر مرتب
جسم متوازن بطريقة أنثوية راقية

مو بس فستان…
إحساس كامل

وقتها وقفت…
وقلت ليش ما أصمم الشيء اللي فعلاً يجمع هالذوق كله في قطعة وحدة؟

ومن هنا بدأ هذا التصميم ✨

بوستير…
لكن مو أي بوستير

قصّات مدروسة بعناية
تعطي شكل منحوت بدون مبالغة
ترفع، تبرز، وتحدد الجسم بطريقة نظيفة جدًا

بدأت من الأساس…
الباترون

لأن أي غلط هنا… يخرب كل شيء بعده
اشتغلت عليه بدقة، ضبطت كل خط، كل إنحناءة

بعدها القص
وتركيب صدر الإسفنج…
بس هالمرة بأسلوب مختلف عن شغلي القديم
يعطي شكل طبيعي أكثر ودعم أعلى بنفس الوقت

وثبت البونينق
عشان ما يكون الشكل بس حلو… يكون ثابت فعلي
والبطانة؟ نظيفة لدرجة إنها تعكس فخامة الشغل من الداخل قبل الخارج

وبعد ما خلص البوستير…
جاء الجزء اللي يعطي الحياة للتصميم

الدرايبنق ✨

جهة فيها درايبنق ناعم ينساب مع الحركة
والجهة الثانية فيها حركة أقوى… كأنها منديل طاير

كنت أبي الفستان ما يكون ساكن
كنت أبيه يتحرك مع عميلتي
كل خطوة تمشيها… يكون فيه إحساس مختلف

وهنا كانت البداية
“التورته” قبل ما يتركب الكورسيه

والشكل؟
خصر محدد
جسم متوازن
وأنوثة واضحة بدون أي تكلف

والتفاصيل ما وقفت هنا…

أضفت شال + بروش صغير
عشان كل وحدة تقدر تصمم ستايلها بنفسها

مرة تلبسه بشكل ناعم وهادئ
مرة ترفعه ويصير درامي وجريء
ومرة تخليه كلاسيك راقي

يعني نفس الفستان…
لكن بإحساس مختلف كل مرة

وهذا أكثر شيء أحبه في التصميم
إنه يعيش معك… مو مجرد قطعة تنلبس وخلاص

والأجمل؟
هذا التصميم نزل في متجر BJOO ✨

بس مو لأي أحد
وليس بعدد مفتوح

عدد محدود جدًا
للبنات اللي يحبون يلبسون شيء ما يتكرر…
شيء يحكي عنهم بدون ما يتكلمون

#فساتين

10/04/2026

كيف تنقلين رسم من جهة لجهة بطريقة احترافية بدون ما يخترب المقاس؟ 👀✂️

إذا تشتغلين على الباترون أو أي تصميم متماثل، أهم شيء عندك هو الدقة في النقل… لأن أي فرق بسيط بيأثر على النتيجة النهائية.

الطريقة اللي أعتمدها بسيطة وسريعة وتعطيك نفس الخط بالضبط:

أول خطوة: ارسمِي خط المنتصف (Center line) بشكل مستقيم وواضح.
بعدها: اطوي القماش أو ورق الباترون (فولد) بحيث تتطابق الجهتين تمام.

الخطوة المهمة: استخدمي عجلة التتبع (Tracing wheel) ومرريها فوق الخط اللي رسمتيه، بحيث ينطبع على الجهة الثانية.

وأخيراً: افتحي الفولد وحددي على أثر العجلة بالقلم…
وبكذا يكون عندك نفس الرسم على الجهتين بنفس الطول والشكل والدقة 100% 👌🏻✨

طريقة احترافية، سهلة، وتختصر عليك وقت وأخطاء كثير
#فساتين

05/04/2026

جتني زبونة وقالت لي: “كل الفساتين اللي أفصلها ما تضبط علي… يا تضيق من هنا أو تفتح من هنا” 😳

هنا عرفت إن المشكلة مو في الخياطة ولا التنفيذ… المشكلة تبدأ من مرحلة ما أحد يعطيها حقها: الباترون

قلت لها: خلينا نبدأ صح… من الصفر

اليوم بأخذكم خلف الكواليس لمرحلة رسم باترون فستان من الصفر لتفصيل فستان حسب الطلب، لأن هذي الخطوة هي أساس أي تفصيل فساتين احترافي – تصميم أزياء – فساتين كورسيه – بوستير – فساتين مناسبات فاخرة

أول خطوة؟ أخذ المقاسات بدقة عالية
أرسلت لها ملف كامل فيه كل القياسات المطلوبة، من الصدر، الخصر، الطول، عرض الكتف، وكل التفاصيل الدقيقة
لأن في عالم الخياطة الراقية و الـ haute couture أي غلطة في المقاسات؟ راح تتكرر في كل تفصيلة في الفستان

بعدها بدأت في أهم مرحلة: الباترون الأساس (Basic Pattern)
وهنا يجي الفرق بين الشغل العادي والشغل الاحترافي

أنا أعتمد دارت الصدر تكون على الجنب، مو على الكتف
ليش؟
لأنها تعطيني تحكم أدق في تشكيل الجسم، خاصة في تصاميم الكورسيه، البوستير، الفساتين المفصلة، الدريبينق (Draping)
وتساعدني أطلع fit نظيف – قصة أنثوية – شكل فاخر – تفصيل يبرز الجسم بشكل متوازن

ولو تلاحظون… حجم الدارت صغير
وهذا مو عشوائي أبداً
هذا يعكس إن جسم زبونتي نحيف وصدرها صغير
وهنا يجي دور تفصيل حسب الجسم – custom made dress – pattern making احترافي
كل خط في الباترون قاعد ينرسم بناءً على جسمها الحقيقي

وفي نقطة كثير ناس يستغربون منها…
يقولون لي: “ليش الطول مو متناسق؟”

الجواب بسيط 👀
لأن عندي دارت على الجنب، أول ما تقفل… كل الخطوط ترجع موزونة ومتساوية
وهذا من أساسيات الباترون الاحترافي و الـ pattern correction

وهنا السر اللي كثير ما يعرفه…
إذا الباترون صح؟
مرحلة التنفيذ في الخياطة تصير أسهل بكثير
ويطلع الفستان كأنه مصمم على الجسم بالضبط بدون تعديلات كثيرة

لكن إذا الباترون غلط؟
حتى لو الخياطة نظيفة… النتيجة ما راح تكون مرضية

وهذا الفرق بين تفصيل عادي و تفصيل فساتين راقية – تصميم أزياء احترافي – couture finishing

الحين بعد ما خلصنا الباترون…
نبدأ المرحلة اللي الكل ينتظرها: تنفيذ الفستان 🔥✨
#فساتين

30/03/2026

وقفت لحظة… واستغربت فعلًا
لأن شغلي كله قائم على تفاصيل أنثوية
كورسيه، درابينغ، خامات ناعمة، ولمسات دقيقة جدًا

فجأة يجيني طلب:
“نبي تيشيرتات لشركتنا… بس بجودة براندات فخمة”

هنا حسّيت إن الموضوع مو بسيط
لأن الفرق بين الملابس النسائية والرجالية كبير جدًا
النسائي فيه مساحة تلعبين بالتصميم
لكن الرجالي؟
البساطة فيه هي أصعب اختبار

وافقت… لأن التحدي كان مغري
وبدأنا من الصفر
ناقشنا التصاميم، الألوان، التفاصيل
لين ما اعتمدوا كل شيء

وأول ما بدأنا التنفيذ…
اشتغلت على الباترون بدقة
لأن المقاس في الرجالي لازم يكون محسوب حرفيًا

بعدها رسمت التصميم مباشرة على القماش
لأني أبي كل خط يكون في مكانه الصح
ما فيه مجال للغلط

واستخدمت تقنية خياطة تعطي نظافة من الداخل
بدون استخدام الأوفرلوك
خياطة نظيفة لدرجة إن القطعة تنلبس على الوجهين
وما أحد يلاحظ الفرق!

حتى الأكمام…
ما خليتها عادية
نظفتها بشريط أسود
تفصيلة بسيطة، لكن في الملابس الرجالية
هي اللي تصنع الفخامة

لأن الرجل ما عنده تفاصيل كثيرة
فكل شيء يعتمد على الجودة… والدقة

وهذا أول تيشيرت من الطلبية
باقي ٣ تصاميم مختلفة
وحمّاسة أشوف كيف راح تطلع الكولكشن كاملة

يمكن كانت أغرب طلبية…
بس ممكن تكون بداية شيء جديد 🔥
#خياطة #باترون #تيشرت

26/03/2026

اليوم كان مليان تفاصيل وقرارات مهمة
تواصلت مع الشركة وفهمت بالضبط إيش يبون
إيش الإحساس؟ إيش اللمسات؟ إيش المستوى اللي متوقعينه

اشتغلت على كل نقطة وكأنها قطعة كوتور
ورسمت لهم 4 تصاميم مختلفة
كل واحد له شخصية… وله ستايله الخاص

ما كان هدفي بس يعجبهم الشكل
كان هدفي يوصل لهم إحساس التصميم من أول نظرة

والحمدلله… كل التصاميم تم اعتمادها 🤍
وهذا الشي بالنسبة لي مو مجرد موافقة
هذا بداية مرحلة أقوى… مرحلة التنفيذ الحقيقي

الحين يبدأ الشغل اللي أحبّه
التفاصيل الدقيقة، الفينيش النظيف، والجودة العالية

خلونا نبدأ هالرحلة مع بعض…
ونشوف كيف الفكرة تتحول لقطعة على أرض الواقع 🔥✨

#خياطة #فساتين

20/03/2026

اهلاً وسهلاً 🤍
الحمدلله خلص رمضان على خير
وعشنا العيد بكل فرح وراحة الحمدلله

حاليًا أنا رسميًا في إجازة العيد…
بس الواقع؟
ما فيه شيء اسمه إجازة فعلية لمصممة أزياء 😭

لقيت نفسي تلقائيًا أرجع للاستديو
وأبدأ أرتب كل شيء من جديد
أشيك على الطلبات
أراجع اللي عندي واللي ناقصني
وأجهز نفسي للمرحلة الجاية

لأن بعد العيد…
نرجع للشغل بشكل أقوى إن شاء الله 🔥

واللي صراحة مرة متحمسة له
إنه تواصلت معنا شركة كبيرة 😭✨

وعندهم طلبية خاصة
مو بس كميات… لا
تبغى تيشيرتات بتفصيل high-end

يعني نتكلم عن:
finishing نظيف جدًا
خياطة احترافية
تفاصيل دقيقة
وشغل يطلع بمستوى عالي جدًا 👌🏻

وهذا التحدي اللي أنا أحبه

غير كذا عندي طلبات خاصة شغالة عليها حاليًا:
فستان بوستير بتفصيل احترافي
والقصة اللي تمسك الجسم وتعطي shape مرتب

وعندي بعد فستان ستايل الترند الحالي
كورسيه فوق فستان
ستايل مرة رائج الحين ويطلع فخم بطريقة بسيطة 👗

وكمان عندي طلبات بأقمشة
كريب + دانتيل
وهذي من الخامات اللي أعشقها
لأنها تعطي فخامة ناعمة بدون مبالغة 🤍

وبصراحة…
الاستديو نفسه قاعد يتغير

قعدت أعيد ترتيب كل شيء من الصفر
ونظمت المكان بطريقة تخدم شغلي أكثر
وأضفت أجهزة جديدة مرة متحمسة أشتغل عليها 😭🔥

حاسّة إني داخلة مرحلة جديدة
أكثر تنظيم
أكثر احتراف
وأكبر من قبل

إن شاء الله بعد العيد نرجع لكم
بشغل أقوى
وتفاصيل أحلى
وأشارككم كل شيء من وراء الكواليس 🤍
#فساتين #خياطة

16/03/2026

فصل جديد من رحلتي في تصميم الأزياء 🤍
اليوم نغيّر شكل الاستديو ونطوره عشان أقدّم الأفضل لعميلاتي.
كل خطوة في هذا المكان فيها شغف، تعب، وحلم يكبر يوم بعد يوم.
شكراً لثقتكم ودعمكم المستمر… واللي جاي أجمل بإذن الله.
فيه مفاجآت وأشياء جديدة قادمة قريب 👀
#فستان #خياطةنسائية

12/03/2026

وبس هذا باختصار أكثر أنواع المانيكان اللي أعرفها وتجربتي معها. طبعًا عالم المانيكان وأنواعها مره واسع، وفي تفاصيل أكثر بكثير ممكن نتكلم عنها مثل الفرق في المقاسات، وأنواع القماش اللي عليها، وأيهم الأفضل للدريبينق أو للبترون. فإذا عندك أي سؤال عن المانيكان أو أدوات تصميم الأزياء أو حتى الدريبينق، اكتبي لي في التعليقات وأنا بحاول أجاوبك عليها أو أسوي لها فيديو مستقل وأشرحها لكم بالتفصيل.”
#فساتين #خياطة

09/03/2026

بالنسبة لي الموضوع مو مجرد تغليف فستان وبس، أنا أحب يكون تغليف الفستان قريب من روح تصميم الفستان نفسه.

في الطلبات الخاصة خصوصاً، لما أخلص تفصيل الفستان حسب الطلب وأتأكد أن كل شيء تمام من الكورسيه الداخلي، الخياطة النظيفة، البطانة، والدعم في منطقة الصدر، تجي آخر خطوة وهي تجهيز القطعة للزبونة.

أنا أحب أتعامل مع الفستان كأنه قطعة فنية، مو مجرد قطعة ملابس.
عشان كذا في مرحلة تجهيز فساتين الزباين أحرص يكون كل شيء مرتب وناعم.

عادة أستخدم رول إزالة الوبر عشان أنظف القماش تماماً قبل التغليف، خصوصاً إذا كان القماش مثل:

قماش مطرز
قماش تول
أورغنزا
أقمشة فساتين مناسبات
أقمشة فساتين سهرة

هذي الأقمشة لازم تتعامل معها بحذر لأنها حساسة وتحتاج عناية.

وبرضو أحب أن طريقة التغليف تكون ستايل قريب من تصميم الفستان.
إذا كان الفستان ناعم أحاول يكون التغليف ناعم ومرتب،
وإذا كان التصميم فيه لمسة ريفية أو رومانسية أحب أعكس هذا الشيء حتى في طريقة تجهيز الفستان.

بالنسبة لي تجربة العميلة ما تبدأ يوم تلبس الفستان،
تبدأ من لحظة ما تستلم فستانها المفصل حسب الطلب.

لأن تفصيل فساتين حسب المقاس مو بس رسم باترون وخياطة،
هو تجربة كاملة:

تصميم فستان
اختيار القماش
تجهيز الباترون
الخياطة الاحترافية
تركيب الكورسيه
تنظيف الخياطة من الداخل
وأخيراً تجهيز الفستان للعميلة بطريقة مرتبة وراقية.

أنا دائماً أقول إن الخياطة الاحترافية تظهر في التفاصيل الصغيرة.
سواء كانت داخل الفستان أو حتى في طريقة تقديمه.

وهذا جزء من شغلي كمصممة أزياء أحب أقدمه لعميلاتي 🤍

إذا تحبون تشوفون أكثر عن خلف الكواليس في تصميم وتفصيل الفساتين،
وتفاصيل خياطة الكورسيه، الباترونات، الدريبينق، وتنفيذ فساتين المناسبات
تابعوني لأن دائماً أشارك خطوات العمل كاملة.
#فساتين #خياطة

07/03/2026

خلوني أشرح لكم الموضوع ببساطة ومن واقع خبرتي في تفصيل فساتين الكورسيه والبوستير وفساتين السهرة.

أول شيء لازم نعرفه إن إسفنج الصدر وظيفته يعطي شكل الصدر ويحدد المنطقة، لكن ما يعطي تثبيت كامل للفستان، خصوصًا إذا كان التصميم كورسيه، بوستير، أو فستان أوف شولدر بدون أكمام.
هنا يجي دور الواير تحت الصدر، لأنه يشتغل كهيكل داعم للفستان ويعطيه ثبات أكثر.

في شغل الأتيليهات الاحترافية وفساتين الكوتور، كثير يعتمدون على أكثر من عنصر دعم مع بعض:
مثل إسفنج الصدر + الواير + البونينغ داخل الكورسيه.
هذي الأشياء مع بعض تعطي الفستان هيكل مرتب وثبات على الجسم بدل ما يكون الفستان فلات أو يتحرك مع الحركة.

السبب الثاني اللي خلاني أضيف الواير في فستان زبونتي هو الراحة والدعم.
أنا دائمًا أفكر كيف أخلي العميلة تلبس الفستان وهي مرتاحة وما تحتاج تضيف قطع تحت الفستان مثل حمالات صدر خاصة أو إكسسوارات دعم للصدر.
لأن لما يكون الفستان مصمم صح من الداخل، المفروض يكون الفستان نفسه هو الداعم للجسم.

وكمان إذا تلاحظون الفرق في التنفيذ:
الجهة اللي فيها الواير تحت الصدر تعطي بروز وترتيب أجمل لمنطقة الصدر،
بينما الجهة اللي بدون الواير يكون شكلها شوي فلات وماسك أقل.

وهنا يجي الفرق بين الخياطة العادية والخياطة الاحترافية في تفصيل الفساتين.
التفاصيل الداخلية مثل الواير، البونينغ، وإسفنج الصدر يمكن ما تنشاف من برا، لكنها هي اللي تصنع النتيجة النهائية للفستان.

عشان كذا في تفصيل فساتين المناسبات والكورسيه حسب الطلب، أنا دائمًا أركز على البنية الداخلية للفستان بنفس قد ما أركز على الشكل الخارجي.
#خياطة

04/03/2026

الناس استغربوا مني… ليه أسوي تعديل فستان مجاني لعميلة.

جتني عميلة اشترت فستان من تصاميمي في متجري، وكانت من البداية مره عاجبتها قصة البوستير والكورسيه في الفستان، وكانت تقول إنها تحب شكل التصميم مثل ما هو وما تبغى نخفي تفاصيله. لكن كان عندها طلب بسيط جدًا: قالت لي لو نقدر نضيف أكمام تعطي الفستان لمسة مختلفة، بدون ما نغير روح التصميم أو نخفي جمال الكورسيه.

كثير من اللي حولي استغربوا وقالوا لي: ليه تقدمين تعديل فستان مجاني؟ وليه حتى الشحن مجاني؟ وقالوا ممكن كذا تخسرين في البزنس.
لكن بالنسبة لي، تفصيل الفساتين حسب الطلب ما يعني بس إني أبيع قطعة ملابس وخلاص… أنا أحب العميلة تعيش تجربة كاملة، من الفكرة إلى التنفيذ، وتلبس الفستان وهي حاسة أنه طالع مثل ما كانت تتخيله بالضبط.

بدأت أشتغل على فكرة الأكمام بناءً على الصور اللي أرسلتها لي. حاولت أوصل لشيء قريب من اللي في بالها، وفي نفس الوقت يكون مناسب لتصميم الفستان نفسه. أكثر شيء شفته مناسب كان Flared Sleeve لأنه يعطي حركة ناعمة للفستان وما يضغط على منطقة الكورسيه أو يخفيها.

لكن واجهتني نقطة صغيرة… القماش نفسه كتان مطرز وطبيعته شوي طايحة، فلو سويت الكم بشكل عادي ممكن ما يوقف بالشكل اللي يطلع حلو في اللبس. فهنا عدلت الفكرة شوي، وسويت حركة في طرف الكم عشان تعطيه ثبات أكثر ويكون واقف بشكل أنيق.

صورت لها خيارين مختلفين للأكمام عشان تشوف الفرق بينهم بنفسها وتختار اللي يناسبها. والحمدلله بعد ما شافتهم اختارت الكم الواقف، وكان فعلًا نفس الخيار اللي متخيلته يطلع أجمل مع الفستان.

بعد ما وافقت على التعديل كملت التنفيذ، ركبت السحاب المخفي بطريقة نظيفة ومرتبة عشان يكون شكله احترافي وما يبان لونه في الفستان. بعد كذا ركبت جوانب التنورة وكملت آخر تفاصيل الخياطة خطوة خطوة.

وفي النهاية هذا هو الفستان بعد التعديل…
تعديل بسيط، لكن فرق كثير في الشكل النهائي للفستان وأعطاه لمسة مختلفة.

والشيء اللي أحب أقوله دائمًا لعميلاتي: التعديلات البسيطة مثل إضافة أكمام، تقصير الفستان، أو تعديل خفيف في التصميم أحيانًا أحب أخليها خدمة مجانية. لأن أهم شيء عندي إن العميلة تطلع من عندي وهي مبسوطة وتشوف الفستان مثل ما كانت تتخيله.

التعديلات الجميلة هذي كانت مثل ذوق صاحبة الفستان… بسيطة ولطيفة.
وأبدًا ما ندمت إني قررت أخلي مثل هذي التعديلات هدية بسيطة لعميلاتي.

لبس العافية عليها، ويارب تتهنى فيه.
#خياطة #فساتين

Address

Riyadh

Website

Alerts

Be the first to know and let us send you an email when BJOO posts news and promotions. Your email address will not be used for any other purpose, and you can unsubscribe at any time.

Shortcuts

Share

Category