أم النعمان لمستلزمات الحجاب

أم النعمان لمستلزمات الحجاب Contact information, map and directions, contact form, opening hours, services, ratings, photos, videos and announcements from أم النعمان لمستلزمات الحجاب, Design & Fashion, السودان, Omdurman.
(1)

في كل تصميم… في تفصيلة صغيرة هي البتديهو الكمال 🤎تفصيلة بتشد تركيزك من أول مرة وبتأكد ليك انه التصميم ده مختلف!🤎في التصم...
28/08/2026

في كل تصميم… في تفصيلة صغيرة هي البتديهو الكمال 🤎

تفصيلة بتشد تركيزك من أول مرة وبتأكد ليك انه التصميم ده مختلف!🤎

في التصميم رؤى شنو التفصيلة أو اللمسة ال حسيتي إنها خلتو Perfect؟

ورونا ملاحظاتكم…
عايزين نعرف إنتوا بتشوفوا الجمال في التفاصيل كيف 🤎✨

التزين للصلاة فيه أجر❣️ أرقامنا المعتمدة للطلب داخل السودان ودوليا ف اول كومنت 🌸
28/08/2026

التزين للصلاة فيه أجر❣️

أرقامنا المعتمدة للطلب داخل السودان ودوليا ف اول كومنت 🌸

صباح الخير اللهم في يوم الجمعة 🤍اجعلنا أسعد خلقك وأقرب عبادك إليك اللهم اغفر لنا ما مضى وأصلح لنا ما بقي واكتب لنا رضاك ...
28/08/2026

صباح الخير اللهم في يوم الجمعة 🤍
اجعلنا أسعد خلقك وأقرب عبادك إليك اللهم اغفر لنا ما مضى وأصلح لنا ما بقي واكتب لنا رضاك وعفوك والجنة اللهم إنا نعوذ بك من تقلبات القلوب والأيام ونسألك العافية من جميع الأمراض والأسقام وتقبل دعاءنا يا رب العالمين 🤍

بسم الله والحمد لله 🤎
نعلن عودتنا للعمل بعد فترة التوقف والترتيب والحمد لله جميع مندوباتنا جاهزات لاستقبال طلباتكم من اليوم🌸

نسأل الله أن يجعلها عودة مباركة ويرزقنا وإياكم خيرا كثيرا ويطرح البركة 🤍

📍 أرقام المندوبات داخل السودان وخارج السودان موجودة في التعليقات

تكملة رحلتنا من بعد الحرب هنا بدأت مرحلة جديدة… 🤎 خلال الفترة دي كنا نازحين في كسلا وقبل ما نطلع من أم درمان وأنا لسه ف...
27/08/2026

تكملة رحلتنا من بعد الحرب هنا بدأت مرحلة جديدة… 🤎
خلال الفترة دي كنا نازحين في كسلا وقبل ما نطلع من أم درمان وأنا لسه في بيتنا كنت بفكر
أول ما نوصل نستقر إن شاء الله حأبدأ أفكر بصورة جدية في رجعة المتجر
فعليا بدينا نفكر في الرجوع وكانت الخطة وقتها إني حعمل المشغل في كسلا ونشتغل هناك ومنها نوزع للولايات
ولما طلعنا من الخرطوم كنت شايلة معاي حاجات كتيرة جد مرتبطة بالشغل جزء من الأقمشة والإكسسوارات والستت السحابة والأزرار بأنواعها كل ال كنا مجهزنه لموسم العيد وكل الحاجات الممكن تساعدني أبدأ من جديد
لكن بعد ما وصلنا وبدينا ندرس الموضوع على أرض الواقع اكتشفت إن فكرة المشغل في كسلا ما كانت سهلة زي ما كنت متخيلة🥺
كان صعب جدا ألقى تيم كفاءات بالمواصفات البحتاجها التيم البقدر أبني معاه المشغل بالشكل البطمح ليه ....
وبعد مشاورة واستخارة قررنا نلغي فكرة المشغل في كسلا ونواصل من القاهرة لحد ما ربنا يرتب الأمور
ومن هنا بدأت مرحلة جديدة تماما

القاهرة… وبداية جديدة 🤎
الحمد لله في القاهرة اتوفرت لينا حاجات كتيرة كنتت محتاجاها عشان نرجع بصورة أقوى
كان وما زال عندنا مسؤولة عن خط الإنتاج تبارك الله أحمد الله عليها 🤍
وبدأنا نتعامل مع مصانع وموردين كبار خصوصا في الأقمشة المستوردة وقدرنا نصل لمصانع وموردين ما كان سهل أصلًا نصل ليهم قبل كده سبحان الله 🤍

حتى في بعض الأحيان لو لقينا خامة معينة خلصت من المصنع وكنا محتاجين نفس الخامة كانوا بيجهزوها لينا ويصبغوها مخصوص حسب طلبنا🤍🤍

ودي تفاصيل صغيرة يمكن ما بتظهر للعميل لكن بتوريكم حجم الشغل البكون وراء القطعة قبل ما تصل ليكم

والحمد لله رجعت منتجات أم النعمان بنفس الجودة وأفضل بكتير
التخطيط للرجعة كان سريع… والتنفيذ كان أسرع بفضل الله 🤍

أول شحنة بعد الرجعة وصلت تقريبًا في شهر يناير وأنا وقتها كنت لسه في السودان

كانت الشحنات بتوصل لينا في كسلا وأنا كنت بفرزها وأرتبها🥹

جهزت ركن في البيت وفرت فيه الحاجات البحتاجها للتصوير والترتيب وكنت بصور المنتجات كلها وأرتبها بطريقتي البحبهل وأجهز الطلبات وأغلفها وأطلعها

كنت بجهز طلبات كسلا وطلبات الولايات البتصلنا
يعني حرفيا في كسلا كنت موجودة في كل خطوة تقريبا ودي أجمل حاجه في كل بزنيس تكون حاضر وقائم علي كل صغيرة وكبيرة 🤍

من أول ما الشحنة تصل…
لحدي ما أفتحها وأفرز المنتجات…
ل التصوير والترتيب…
ل تجهيز الطلب وتسليمه
كانت مرحلة كنت معتمدة فيها على نفسي بصورة كبيرة جدا

وفيها مجهود كبير لكن سبحان الله كانت جميلة بصورة ما بنساها
وأذكر إننا في الفترة دي كنا بنشحن ل بورتسودان، عطبرة، دنقلا، شندي، وكسلا نفسها و

وكسلا كانت محطة جميلة جدًا
كسلا كانت تجربة في يوم من أيام رحلة لمتجرنا وتركت أثر كبير في قلبي

رغم الظروف الصعبة ربنا أكرمنا فيها بمحبة الناس ودعمهم بصورة جميلة في المواسم خصوصا رمضان كان العملاء بيجونا البيت لدرجة إن البيت كان ما بيهدأ سبحان الله ♥️

ومن الذكريات العزيزة على علاقتي بمعسكر الوح والريحان وأهله فرع كسلا ووجود شيخة الاء آلاء العوض رحمة وشيخة سلمي والريحانات 🥹
كل ما تكون متفرغة كنت بمشي أقضي معاهم وقتي وأرجع وزيارات شيخة الاء لي ف البيت والونسة والمشورات الكتيرة البينا سبحان الله ♥️

ومن ضمن العميلات ال كانوا معانا من 2024 بقت اليوم مندوبتنا بعد طلعت منها سبحان الله
كانت بتصلنا البيت وآخد مقاساتها ونتعامل معاها كأي عميلة تانية
سبحان الله ربنا سخّرها لينا هي نفسها تكون مندوبتنا

ومن كسلا… الطريق اتفتح أكتر 🤎

في الوقت البقينا فيه في كسلا كان شغلنا مستمر كمان من مصر
وبعدها في 2024 انتقلنا لمرحلة جديدة وبدأت رحلة جديدة خارج السودان
والتوسع بقى أكبر

قبل الحرب ما كنت متخيلة إنه حتي نصل للولايات
لكن سبحان الله ربنا كتب لينا طريق مختلف تماما

بدأنا نوصل لعملاء في ولايات ومدن سودانية مختلفة وبعدها توسعنا خارج السودان كمان

واليوم الحمد لله منتجات أم النعمان وصلت إلى دول كثيرة منها
مصر، السعودية، الإمارات، قطر، الكويت، الولايات المتحدة الأمريكية، تنزانيا، أوغندا، رواندا، وغيرهم

لما أرجع أتذكر إن البداية كانت قطعة بفصلها لنفسي وقماش بشتريه من سوق أم درمان وبنات بيصلوني البيت عشان ياخدوا مقاساتهم…

وأقارن ده بالمرحلة البقينا فيها اليوم…
بحمد الله انه نحنا بنخطط لطريق معين ونفتكر إن ده هو الطريق الوحيد للوصول
لكن ربنا ممكن يغير الطريق كله ويكتب ليك طريق ما كان في حساباتك أصلًا لكنه في النهاية يكون أجمل وأوسع وألطف من كل الخطط الكانت في بالك

وأنا اليوم بفضل الله شاكرة للرحلة
ما لأنها كانت سهلة…
لكن لأنها علمتني كتير
خمس سنوات مرت من عمر المتجر بكل ما فيها من بدايات صغيرة، وتعب، ونجاحات، وتحديات، وتوقف، وبدايات جديدة
وكل سنة كانت بتعلمني حاجة جديدة
وأعتقد دي من الحاجات المهمة البحب أوضحها لأي بنوته بتشوف مشروع قائم وناجح وبتفتكر إن الموضوع كله ساهل

وراء أي مشروع تعب كبير
في ضغط، وقرارات صعبة، ومسؤوليات، وإنفاق، وتعب جسدي ومالي، ومواقف كتيرة جدًا ما بتظهر للناس

لكن الحمد لله لما يكون عندك هدف بتحبيه، وتتعبي عشانه، وتشوفي أثر تعبك قدامك…
كل التعب ده بيهون♥️

ومتجر أم النعمان بالنسبة لي ما مجرد متجر هو رحلة كبرت خطوة خطوة…
ومررنا بالحرب والتوقف والنزوح…
وبدأنا من جديد من خارج السودان…
ووصلنا لمرحلة يمكن ما كنت متخيلة إني أوصل ليها
والحمد لله على كل خطوة وعلى كل باب اتقفل وعلى كل باب ربنا فتحه بعده🤍

ولسه الحكاية ما انتهت…
لسه عندنا أحلام أكبر ولسه في حاجات أجمل بنخطط ليها ولسه بإذن الله حتشوفوا من متجرنا حاجات أجمل وأفضل🤍

لو في نصيحة أقدر أقولها لأي بنوتة عندها فكرة أو حلم وعايزة تبدأ :
ابدئي
ابدئي بالأفكار الموجودة عندك واشتغلي بالإمكانيات المتاحة واتعلمي في الطريق واصبري على البدايات الصغيرة
ما تستني يكون عندك كل شيء عشان تبدأي
ما ضروري مشروعك يكون في نفس مجالك أو في الحاجة القريتيها
سبحان الله ممكن يكون عندك شغف وحب لمجال مختلف تمامًا عن تخصصك ودراستك
أنا مثلا الأزياء والتفصيل ما درستهم ولا كانوا مجالي الأكاديمي لكن كانت عندي رغبة شديدة وحب للمجال فبدأت بالإمكانيات البسيطة ال عندي ومع الوقت بديت أتعلم وأكتسب خبرة وأفهم المجال أكتر وأكتر
فما تخلي عدم دراستك للمجال يمنعك من البداية
ابدئي ولو من صفر…
لأن الصفر من صفر بيختلف
ما محتاجة تعرفي من البداية حتصلي وين ولا لازم تكون كل الخريطة واضحة قدامك
يكفي تعرفي الخطوة الجاية… والباقي على ربنا🤎

وخمس سنوات مضت من عمر أم النعمان بكل ما فيها وإن شاء الله السنة السادسة تكون أجمل وأحسن، وأوسع، ومليانة خير وتوفيق أكثر مما نتمنى
والحمد لله على الماضي، والحمد لله على الحاضر وما زلنا متفائلين جدًا بالقادم

أُشهد الله بإني ممتمنة وشاكرة وبحبكم جدآ جدآ جدآ
😍😍
تصويري في كسلا كنتا مجتهدة شديد والله رغم ضعف الامكانيات😍😍
جزء من تصاميمنا من 2024 ♥️

تحديث بخصوص التقديم للمندوبات 🤎الحمد لله خلال الـ21 ساعة الماضية وصلتنا طلبات كثيرة من المتقدمات وبعد الفرز تم بحمد الله...
27/08/2026

تحديث بخصوص التقديم للمندوبات 🤎
الحمد لله خلال الـ21 ساعة الماضية وصلتنا طلبات كثيرة من المتقدمات وبعد الفرز تم بحمد الله اختيار وتأهيل المندوبة المناسبة لمتجر أم النعمان في المملكة العربية السعودية 🇸🇦🤎

شكرًا جداً لكل من تقدمت واهتمت بالانضمام لفريقنا ونسأل الله أن يبارك في اختيارنا ويوفق المندوبة الجديدة معنا 🤍

أما بالنسبة لـ مندوبة مصر 🇪🇬 فما زال التقديم مفتوح والخيارات كثيرة ولله الحمد وإن شاء الله قريب نصل للمندوبة المناسبة ونعلن عنها🤎

التقديم لمندوبة مصر ما زال مستمر والباب مفتوح للمتقدمات المستوفيات للشروط المذكورة أدناه 👇
الشروط الأساسية:
• العمر من 22 إلى 28 عامًا.
• الإقامة في الدولة المتقدمة منها إقامة نظامية.
• توفر مستند رسمي ساري يثبت الهوية والإقامة مثل جواز السفر أو وثيقة/إقامة رسمية معتمدة
• التفرغ والقدرة على متابعة الطلبات والرد على العميلات باستمرار.
• الأمانة، الصبر، الالتزام، وحسن التعامل.
• القدرة على تحمل المسؤولية والعمل ضمن فريق.
• الإلمام بمنتجات متجر أم النعمان لمستلزمات الحجاب والاستعداد لمعرفة تفاصيل المنتجات وآلية العمل
• يُفضّل وجود خبرة سابقة في المبيعات أو العمل كمندوبة

📩طريقة التقديم:
أرسلي لنا رسالة ويُرجى أن تتضمن الرسالة:
1. الاسم والعمر.
2. الدولة والمدينة محل الإقامة
3. الخبرة السابقة في مجال المبيعات أو العمل كمندوبة، إن وُجدت
4. هل تعملين حاليا كمندوبة لأي براند آخر؟ مع توضيح اسم المجال أو طبيعة العمل.
5. ما الذي يمكنكِ تقديمه وإضافته إلى متجر أم النعمان لمستلزمات الحجاب في حال انضمامكِ للفريق؟
6. وأي معلومات أخرى ترين أنها مهمة للتعريف بكِ
عبر الرقم 👇
https://wsend.co/250735306048

تنبيه: سيتم طلب المستندات الرسمية المطلوبة قبل اعتماد الانضمام للفريق✅✅

جزاكم الله خير على ثقتكم واهتمامكم ونسأل الله أن يكتب لنا ولكم التوفيق والبركة 🤎

بما إننا متوقفين عن العمل امس واليوم كمان وصلتني رسائل كتيرة جدا من بنات حابين يعرفوا أكتر عن متجر أم النعمان♥️كيف بدأ؟ ...
27/08/2026

بما إننا متوقفين عن العمل امس واليوم كمان وصلتني رسائل كتيرة جدا من بنات حابين يعرفوا أكتر عن متجر أم النعمان♥️
كيف بدأ؟ كيف كبر ؟ شنو المشاكل والتحديات الواجهتنا؟ ومنو صاحبة البراند؟

وأغلب الرسائل كانت من متابعات جدد فاليوم فرصة جميلة اعرفكم عننا اكتر وعن الرحلة البقت وراء المتجر البقي الوجهة الأولي للكثير♥️
أنا مناسك جمعة مالك ومؤسس متجر أم النعمان لمستلزمات الحجاب عمري 28 سنة متزوجة وأم لطفلين
النعمان صاحب الاسم 🙈 عمره 6 سنوات
وإلفة عمرها سنة ونصف♥️

خريجة جامعة السودان للعلوم والتكنولوجيا تخصص مختبرات كيميائية batch23 ..اتخرجت 2020
اشتغلت في مجالي في مصنع وفرا فارما في السلاح الطبي في مجال صناعة الأدوية في أغلب الأقسام كانت تجربة غنية جدا وممتعة بكل تفاصيلها
كمان اشتغلت متعاونة في نفس جامعتي في كلية التربية قسم الكيمياء والفيزياء وكنا ماسكين المعامل العلمية المتعلقة بتخصصاتنا
ووقفتنا الحرب سبحان الله ♥️
وظيفتي الحالية غير المتجر مشرفة في مقرأة غراس آمنة للعلوم القرآنية مع شيختي الحبيبة الشيخة آمنة عبدالله آدم
الإشراف على جميع حلقات المقرأة وأقسامها لله الحمد 🤍
أجمل وظيفة في حياتي ونعمة كبيرة جدا أحمد الله عليها🤍
قد منَّ الله على بحفظ كتابة قبل سنتين ولكن الحفظ الأول لم يكن بالمتانة التي أرجوها ولذلك اخترت قبل 6 شهور أن أعيد الطريق ان
أعود طالبة من جديد في رحلة الحفظ علي يد شيختي حفظا أمتن وأثبت، وأتقن ان شاء الله وقد دنونا ان شاء الله ♥️

نجي للمتجر … 🤎
اتأسس المتجر في 2021 .. البداية كانت بسيطة وأقرب لتجربة شخصية بحتة لنفسي واخواتي وامي سبحان الله ♥️
كنت بصمم وأفصل لنفسي وبستعين بـPinterest عشان أشوف الأفكار والتصاميم الساترة الجميلة وأنزل السوق في أم درمان أشتري الأقمشة بأخد قياساتي لنفسي براي وبتعامل مع عمو ترزي كان ف عمارة ف سوق أمدرمان بتذكر
بعدها الطلبات بدأت تطلع تدريجيا من إطار البيت الجيران علي زميلات الجامعة والمصنع والجيران ..
كل مرة كانت تجي عميلة جديدة واحدة باخد مقاساتها بجهز ليها التصميم وأتابع التفاصيل بنفسي لحدي ما تستلم

بعدها قررت أعمل القروب دا كان شهر 6 في 2020 بديت أنزل في القروب وأفتح طلبيات علي تصميم معين تقريبا شهر فقط والطلبات بقت أكتر من المتوقع ...مرات بقفل الطلب على التصميم بسرعة قبل الوقت المحدد علشان ننجز في التسليم ♥️
وكانت فترة جميلة جدًا
جزء كبير من المتابعين هنا كانوا بيجوني البيت عشان آخد مقاساتهم واشتغلت ل موظفات وطالبات جامعيات واليوم هم الحمد لله بيشهدوا علي كيف كانت البداية وكيف وصلنا هنا الحمد لله ♥️
ومع 2022 الشغل بدأ يكبر بصورة واضحة....الأوردرات زادت والطلبات بقت أكبر فبدأت أتعامل مع مورد من سوق أم درمان كان بيستورد من دبي بدأنا نشتري بكميات أكبر وكنت بستورد اكسسوارات العبايات (السست _الزارئر _الكلف ..وغيرهم ) من الامارات وسعنا الحمد لله وفي نفس الفترة وفرنا منتجاتنا بكميات استلام فوري في نقطة بيع كان محلات والدتي في أم درمان – المهندسين محلات أم موفق ومنن ♥️♥️
وكان قريب من مكان شغلي (مصنع وفرا فارما _السلاح الطبي)
لما يكون عندي موعد مع عميلات كنت بطلع من الشغل وقت البريك كان ساعة بتذكر بمشي للمحل بقابل العميلات وآخد مقاساتهم وبعدها برجع تاني لشغلي (الكانوا معانا في المصنع كانوا عارفين شغلي من عباياتي ال كنت بلبسها بقوا لينا اخوات وعملاء اليوم )♥️♥️
كانت أيام مليانة مسؤولية وضغط… وفي نفس الوقت متعة ما كبيرة ♥️
وبعدها
بدأنا نكبر أكتر واتعرفنا قبل رمضان بدينا نخطط لأجمل حاجة بدأنا نجهز لمحلات أم النُعمان و مشغل أم النُعمان كل واحد مستقل لوحدة وكنا ح نفتح توظيف ل واسع لكل المبدعين في مجال الخياطة والتصميم
2023 كنا فعلا قريبين جدا من الخطوة دي فتشنا المحل ولقينا وكان مفترض بعد رمضان مباشرة نوقع عقد إيجار المحل الجديد في شارع النيل جمب الحوش (محلات تمايا للنظرات او مايا تقريبا ) كلهم بتكونوا بتعرفوه اكيد سبحان الله كان حيكون محلنا الاول كنا بنجهز لمرحلة جديدة تماما
لكن سبحان الله… إرادة ربنا ف قامت الحرب

كنا فاتحين طلبيات قبل رمضان واشتغلنا الدفعة الأولى وكان عندنا أكثر من 120 اوردجاهز للتسليم
جزء كبير من الطلبات كان موجود عندي في البيت جاهز للتغليف والتسليم،وجزء تاني كان في المشغل
وفجأة… كل شيء اتغير
اتفقدتت طلبات وكان عندنا طلبات اكتر من 7 عروسات 🥺
في عميلات طلباتهم عندنا و احنا عندنا معاهم مبالغ مالية

ولحد اليوم سبحان الله في عملاء ما قدرنا نتواصل معاهم تاني وما رجعوا لينا من جانبنا فقد عفونا 🌸
وكل دا من 2021_2023 متجرنا داخل ولاية الخرطوم فقط أمدرمان _بحري _الخرطوم

نقيف لهنا ونكمل ليكم الجزء التاني الساعه 8 ان شاء الله اليوم لانه من بكرة حنرجع للشغل 😂♥️

نكمل ليكم بداية رحلتنا من الصفر تاني بعد الحرب الي يومنا هذا ان شاء الله

ورينا في التعيقات انتي متابعة جديدة للمتجر ولا من زمان ♥️♥️

صباح الخير والبشريات 🤎🥹الحمد لله على التمام بعد الانتظار 🤍 استلمت امس مندوبتنا شحناتنا ومنتجاتنا ال كانت محجوزة بفضل الل...
27/08/2026

صباح الخير والبشريات 🤎🥹
الحمد لله على التمام بعد الانتظار 🤍
استلمت امس مندوبتنا شحناتنا ومنتجاتنا ال كانت محجوزة بفضل الله 🤍
ما شاء الله الشحنة كبيرة فحنحتاج يومين للفرز والترتيب والتجهيز وبإذن الله خططنا ليوم السبت نكون خلصنا الفرز والأحد كحد أقصى تبدأ شحنات المندوبات بإذن الله

كل المنتجات الكانت مخلصة عند مندوباتكم وصلت🤎
عملاءنا المتضجرين بسبب قرار وقف البيع من امس 🥹
كمية الرسائل والأسئلة: بتين نرجع نطلب؟ ونقدر نحجز ونستلم ف اي وقت ما مشكلة ؟ ح تطولوا ولا أيام بس ....احنا منتظرنكم فعلوا البيع عند المندوبات ...و..و 🥹♥️
ما كان عندنا خيار تاني كان لازم نوقف مؤقتً عشان نراجع الأسعار ونحاول نطلع بتسعيرة مناسبة ومستقرة قدر الإمكان
وبإذن الله خلال اليوم ساعيين لوضع التسعيرة الجديدة 🖤

والأهممممم…
من بكرة بحول الله بنعاود استقبال طلبياتكم رسميا 🤎🔥

يعني تقدروا من بكرة تطلبوا من مندوباتكم كل المنتجات استلام فوري معاهم ♥️

وبالنسبة للأسعار حنحاول قدر الإمكان تكون مستقرة لكن ما بنقدر نضمن مدة ثباتها لأن الوضع الاقتصادي وسعر الدولار والعملات متغير بصورة مستمرة الفترة دي ومتى ما استدعى الأمر تعديلها حنضطر نراجعها حسب الوضع

جهزوا طلباتكم… ومن بكرة نبدأ من جديد بإذن الله 🌸
اشملونا في دعواتكم الطيبة ♥️

فرصة انضمام لفريق متجر أم النعمان 🤎نبحث عن مندوبتين للانضمام إلى فريقمتجر أم النعمان لمستلزمات الحجاب:✨ مندوبة في المملك...
26/08/2026

فرصة انضمام لفريق متجر أم النعمان 🤎
نبحث عن مندوبتين للانضمام إلى فريق
متجر أم النعمان لمستلزمات الحجاب:

✨ مندوبة في المملكة العربية السعودية 🇸🇦
✨ مندوبة في جمهورية مصر العربية 🇪🇬

الشروط الأساسية:

• العمر من 22 إلى 28 عامًا.
• الإقامة في الدولة المتقدمة منها إقامة نظامية.
• توفر مستند رسمي ساري يثبت الهوية والإقامة مثل جواز السفر أو وثيقة/إقامة رسمية معتمدة
• التفرغ والقدرة على متابعة الطلبات والرد على العميلات باستمرار.
• الأمانة، الصبر، الالتزام، وحسن التعامل.
• القدرة على تحمل المسؤولية والعمل ضمن فريق.
• الإلمام بمنتجات متجر أم النعمان لمستلزمات الحجاب والاستعداد لمعرفة تفاصيل المنتجات وآلية العمل
• يُفضّل وجود خبرة سابقة في المبيعات أو العمل كمندوبة.

للمتقدمة في السعودية 🇸🇦:
يفضّل أن تكون في إحدى المدن الرئيسية مثل الرياض، جدة، مكة أو المدينة المنورة، أو في مدينة يسهل منها استلام الطلبات وشحنها للعميلات في مختلف المناطق

للمتقدمة في مصر 🇪🇬:
يفضّل أن تكون في محافظة أو مدينة يسهل منها استلام الطلبات وشحنها إلى مختلف المحافظات المصرية.

📩طريقة التقديم:
أرسلي لنا رسالة ويُرجى أن تتضمن الرسالة:
1. الاسم والعمر.
2. الدولة والمدينة محل الإقامة.
3. الخبرة السابقة في مجال المبيعات أو العمل كمندوبة، إن وُجدت.
4. هل تعملين حاليا كمندوبة لأي براند آخر؟ مع توضيح اسم المجال أو طبيعة العمل.
5. ما الذي يمكنكِ تقديمه وإضافته إلى متجر أم النعمان لمستلزمات الحجاب في حال انضمامكِ للفريق؟
6. وأي معلومات أخرى ترين أنها مهمة للتعريف بكِ
عبر الرقم 👇

https://wsend.co/250735306048

تنبيه: سيتم طلب المستندات الرسمية المطلوبة قبل اعتماد الانضمام للفريق
🤎 نبحث عن مندوبة أمينة، ملتزمة، صبورة، مسؤولة، وقادرة على أن تكون إضافة حقيقية لفريق أم النعمان

نسأل الله أن يكتب لنا ولكم التوفيق والبركة

‏من أصبح مِنكم آمنًا في سِربه؛ مُعافًا في بدنه؛عِنده قوت يومه؛ فكأنّما حيزت له الدُنيا‏ ‏استشعار النعم العظيمة كل صباح ...
26/08/2026

‏من أصبح مِنكم آمنًا في سِربه؛ مُعافًا في بدنه؛عِنده قوت يومه؛ فكأنّما حيزت له الدُنيا
‏
‏استشعار النعم العظيمة كل صباح من أعظم أسباب السعادة والرضا
‏صباح الخير و الرضا لكل متابعين متجر أم النُعمان ♥️

تنويه مهم من إدارة متجر أم النُعمان لمستلزمات الحجاب 🤎عملائنا الاعزاء نحب نوضح لكم عن توقف البيع خلال اليومين القادمين و...
25/08/2026

تنويه مهم من إدارة متجر أم النُعمان لمستلزمات الحجاب 🤎
عملائنا الاعزاء نحب نوضح لكم عن توقف البيع خلال اليومين القادمين ونشارككم السبب وراء هذا القرار حتى تكونوا على اطلاع كامل

في الفترة الماضية كان هناك قرار متعلق بدخول الملابس الجاهزة ومع عدم وضوح الموقف بشكل كامل تمكنا في شحنات سابقة من إدخال منتجاتنا بصورة طبيعية ولله الحمد ولذلك استمرينا في استقبال الحجوزات ونحن على ثقة بأن الشحنة الحالية ستصل بإذن الله

لكن في الشحنة الأخيرة كانت كمية منتجاتنا جزء من شحنة أكبر تضم عدد من البراندات المعروفة لينا جميعاً

وعند وصول الشحنة للمعبر السوداني فوجئنا بإبلاغنا من الشركة التي تم الشحن عن طريقها بأن البضائع قد تم احتجازها بالكامل وأن القرار قد تم تطبيقه وأصبح دخول البضائع مرتبط بدفع غرامات مالية كبيرة

وبفضل الله ثم بجهود الشركة وتوسطها لدى هيئة الجمارك السودانية تم التوصل إلى حل يسمح بإدخال البضائع مقابل دفع الغرامات،بحيث يتحمل كل صاحب براند الغرامة الخاصة ببضاعته وفقًا لكميتها

وبالفعل، اضطررنا كلنا لدفع غرامات كبيرة ومضاعفة وغير بسيطة، وكان الخيار دا أهون بكثير من خسارة البضائع بالكامل ومصادرتها للاسف

والحمد لله بعد الإجراءات تمكنا من إدخال الشحنان وإن كانت بتكاليف إضافية ضخمة لم تكن محسوبة عند تسعير المنتجات

ولعل الكثير منكم تابع خلال الأيام الماضية ما حدث، خصوصًا مع الضجة التي كانت موجودة على مواقع التواصل الاجتماعي من أصحاب البراندات والتجار الذين كانت بضائعهم محتجزة في نفس الفترة.

وبناءً على هذه المستجدات نضطر بكل أسف إلى لمدة يومين حتى نعيد دراسة الوضع والتكاليف بصورة دقيقة، وقد يترتب على ذلك تغيير أسعار بعض المنتجات بما يتناسب مع التكلفة الجديدة ويحافظ على استمرارية العمل

نطمئن كل من حجز معنا مسبقًا خلال الايام دي 🤎
جميع الحجوزات التي تمت قبل هذا التغيير ستُسلم بنفس الأسعار التي تم الحجز بها دون أي زيادة عليها🤎

حتى وإن كانت بعض المنتجات قد أصبحت تكلفتها علينا أعلى من سعر البيع، فهذا التزام منا تجاه كل من وثقت بنا وحجزت مسبقًا.

الحمد لله على كل حال والله المستعان ونسأل الله أن يبارك لنا في أرزاقنا، وأن يعوضنا عن كل ما دفعناه، وأن ييسر لنا القادم ويجعله خيرًا مما مضى 🤍

شكرا لتفهمكم وثقتكم الدائمة في متجركم متجر أم النعمان لمستلزمات الحجاب وإن شاء الله نعود إليكم خلال اليومين القادمين بعد الانتهاء من دراسة الأسعار والتكاليف💜

Address

السودان
Omdurman

Website

Alerts

Be the first to know and let us send you an email when أم النعمان لمستلزمات الحجاب posts news and promotions. Your email address will not be used for any other purpose, and you can unsubscribe at any time.

Shortcuts

Share

Category