03/10/2025
❤️
بعد عشر سنين كاملة… عشر سنين من العمل، من استقبال الناس والوجوه اللي صارت مثل أهل ، اجى اليوم اللي رح نودّع فيه (ألينا سنتر وقبله ماسوتي) ونسكر أبوابه بشكل نهائي.
هالمحل ما كان مجرد محل ألبسة… كان بيت جمعنا فيه قصص وذكريات، كان شاهد على بداية طريقنا، وعلى كل خطوة من خطواتنا. وعشنا لحظات نجاح، ومرقنا بلحظات صعبة، اخرها كان قصف المحل .
ما في كلام يوصف قدّيه نحن ممتنين لكل شخص مر من هون، سواء اشترى ، او سأل عن شي، أنتو كنتو السبب الحقيقي اللي خلّى هالسنين تمشي، واللي عطى لكل يوم معنى.
اليوم منسكر باب المحل… بس باب الذكريات رح يضل مفتوح جوّاتنا. شكراً من القلب لكل حدا كان جزء من هالقصة.❤️
