26/12/2024
في حدا عم يلعب بعدادات اعمارنا كلنا دون استثناء
ما بدو هالبلاد تتنفس
نحنا طالعين من تحت مظلة نظام زرع كل شي بشع بالنفوس
فكك المجتمع بمنهجية ع***ة
نشر المخدرات و التشرد و الدعارة
خلى الاخ يكره اخوه
وبدل ما يكون الدم رابط صار اداة تفريق و حقد
نحنا لازم نطلع من هالمتاهة يلي حبسونا فيها من سنين طويلة
و بعرف الطريق وعرة كتير
و مرهقة كتير
مو بالضرورة يكون الحل هو نموذج اجتماعي جاهز او مجرب بغير دولة
يمكن يكون شي جديد تماما مرن و قابل للتغيير
ملينا من القوالب الجامدة و الشعارات المفرغة
لازم المرحلة الجاي تكون
متحررة الفكر بعيدة عن الانحلال و التعصب
الحكي كتير سهل
الانتصار انو نقدر نأسقط هالافكار عأرض الواقع
املي كبير باخوتي
نحنا كنا و ما زلنا و رح نضل عيلة كبيرة
و جمالنا بألواننا و تنوعنا
و ما حدا لازم يقدر يكسر هالرابط المقدس
المحبة لازم تكون عقيدتنا و قوميتنا و اساس وجودنا
و من القلب بتمنى الخير يعم عالجميع
Tamer H Kabboul
