16/08/2026
يسعد أوقاتكم متابعينا الغوالي
والحمدلله دائماً وأبداً
بعتذر من كل الأوادم على هالمنشور
شقد في ناس مابيهمها تعب الناس وأرزاقهم
شقد في ناس ماعندها خوف من رب العالمين
شقد في ناس عندها الكذب شغلة سهلة وعادية
أنا أكتر حدا بقدر ظروف الناس وبساير لأقصى حد
بس للأسف هالمسايرة واللطف سببولي مشاكل بكل حياتي حتى بشغلي هاد
سهل كتير توصي عالغرض وتخليني اشتغله واشحنه واتكلف بأجرة شحنه وترجيعه وبالنهاية ماتستلموه بحجة المرض؟؟؟
على فكرة صارت معي مرتين الاسبوع الماضي والحالتين دخول مشفى وهالشي مو ذنبهم أكيد
بس الفرق أول توصاية اعتذرو عن التأخر بالاستلام وبعتو الهوية مع شخص يستلم عنهم وانحلت بكل بساطة
أما الحالة التانية مماطلة وعدم رد وبدك ببعت ع شام كاش وبعتت الكود وطنشو وماعاد ردو
لهيك اعذروني من هلق ورايح تثبيت الطلبية بيكون بدفع رعبون بالطريقة اللي بتناسبكم ممكن شام كاش أو حوالة أو حتى رصيد وحدات
لأن هالقطع هيي نتيجة تعب عافية وتعب عيون ووجع رقبة وضهر وثمن هالقطع هو رزق عيلة والتزامات
يلي عم تتسلو بأرزاق الناس خافو الله بس
حسبي الله ونعم الوكيل فيكم
