02/15/2021
ညက အင်တာနက်ဖြတ်တုန်း
ဘာထူးခြားဖြစ်စဥ်မှ မဖြစ်ကြဘူးမလား။‼️
ဘယ်ဖြစ်မလဲ
အမှန်က မအလက တစ်ကွက်ပြလိုက်တာ။
ပထမနှစ်ညမှာ လူတွေကိုအကြောက်တရားတွေနဲ့ ဖြတ်သန်းခိုင်းလိုက်တယ်။
အကြောက်တရားနဲ့ ဖြတ်သန်းလိုက်ရတော့ လူတွေကလုံခြုံစိတ်ချရမှုကို နေလိုလလိုတောင့်တလာတယ်။
အဲ့မှာငါတို့က လုံခြုံစိတ်ချမှုပေးနိုင်တယ်ဆိုပြီး
စစ်ကားတွေနဲ့လှည့်ပြတယ် ကြော်ငြာတယ်။
အစပိုင်းတော့ သူတို့ကာကွယ်မှုပေးမယ်ဆိုတာကို လူတွေဘယ်ယုံကြမလဲ။
တဖြည်းဖြည်းနဲ့ အဲ့အကွက်ကို
လူတွေကနည်းနည်းလက်ခံလာလိမ့်မယ်။
ကြာလာရင် သူတို့ကြောင့်ပဲလုံခြုံသလိုလို
ဟုတ်သလိုလိုနဲ့ တွေဝေလာလိမ့်မယ်။
နောက်တော့ သူတို့အုပ်ချုပ်ပေး
ကာကွယ်ပေးတာလည်းမဆိုးပါဘူးလေ။
ငါတို့လည်းဒီမိုကရေစီတွေ လွတ်လပ်မှုတွေ
အခွင့်အရေးတွေနဲ့ မထိုက်တန်သေးဘူးထင်တယ်။
ငါတို့လုံလုံခြုံခြုံနေကြရဖို့
အာဏာသုံးတာလေးတွေ ပိတ်ပင်ဖမ်းဆီးတာလေးတွေ နည်းနည်းတော့လိုတာပေါ့တွေပါ ဖြစ်ကုန်ရော။
၈၈တုန်းကလည်း အဲ့အတိုင်းပဲ။
တဖြည်းဖြည်းနဲ့ သူတို့က လုံခြုံမှုတွေ
ကာကွယ်စောင့်ရှောက်မှုတွေပေးရင်း
ကိုယ့်အခွင့်အရေးတွေ ရပိုင်ခွင့်တွေ လွတ်လပ်ခွင့်တွေအားလုံးကို လုံခြုံမှုဆိုတဲ့ ခေါင်းစဥ်နဲ့
ဖြည်းဖြည်းချင်းသိမ်းယူလာလိမ့်မယ်။
ဒီလိုနဲ့ နောက်ဆုံးမှာ သူ့တို့က နိုင်ငံရဲ့အာဏာကို
အင်အားအပြည့်နဲ့ ချုပ်ကိုင်နိုင်လာလိမ့်မယ်။
အဲ့လိုဖြစ်လာဖို့လည်း လူတွေကိုကြောက်အောင် အကြောက်တရားကို စနစ်တကျဖြန့်ဝေလာခဲ့တာပါပဲ။
လူတွေကြောက်လာမှ
သူတို့ကလုံခြုံမှုကာကွယ်မှုပေးလို့ရမှာလေ။
ရွာထဲမှာလူဆိုးလူမိုက်များလွန်းလို့
အပျိုလေးတစ်ယောက်ထဲမလုံခြုံလို့
မုဒိန်းကျင့်တဲ့အိမ်ကပထွေးကိုပဲ
ဘဝလုံခြုံမှုအတွက်ယူလိုက်ရသလိုမျိုး။
အမှန်က လူဆိုးလူမိုက်တွေဆိုတာလည်း
ပထွေးရဲ့တပည့်အများစုပဲ။
နောက်တစ်ကွက်လည်းရှိသေးတယ် အင်တာနက်လည်းဖြတ်လိုက်ရော အခြေအနေအကုန်တည်ငြိမ်သွားရောတွေ့လား ဘာညာ Psywar တွေလည်းလာဦးမယ်။
အဲ့တော့ မင်းတို့လုံခြုံချင်ရင် အင်တာနက်ပေါ်ကလွတ်လပ်ခွင့်တွေကို ငါတို့ပိတ်တာဗွေမယူနဲ့ဆိုပြီးဖြစ်လာလိမ့်မယ်။
သိပ်မကြာခင် Cyber Lawတွေ နိုင်လွတ်လုံပြင်တာတွေ
Great Fire Wall တွေဆိုတာ ပြည်သူတွေလုံခြုံဖို့အတွက် မလုပ်ချင်ပဲလုပ်ရတာပါ
နည်းနည်းတော့လိုတယ်ဘာညာဆိုပြီး
ဟိုဘက်က Psywar post တွေတက်လာတော့မှာ။
အကြောက်တရားကိုအသုံးချပြီးတော့ ပြည်သူတွေကို
အာဏာရှင်ကပေးမယ့် ကာကွယ်လုံခြုံမှုတချို့အတွက်
ပြည်သူတွေရထားတဲ့ လူအခွင့်အရေးတွေ
လွတ်လပ်ခွင့်တွေ ဥပဒေအရကာကွယ်ပိုင်ခွင့်တွေကို
လဲကြပါဆိုပြီး လုပ်နေတာ။
တချို့လူတွေလည်း လုံခြုံမှုရဖို့ လဲချင်လာလိမ့်မယ်။
လုံခြုံမှုရဖို့ဆိုတဲ့ သူတို့ရဲ့အကြောင်းပြချက်နဲ့ ပိတ်ပင်လိုက်တဲ့ ကျနော်တို့ရဲ့ လွတ်လပ်ခွင့်တချို့ကိုလည်း ရဲရဲတောက်တချို့ကလွဲပြီးတော့ ကျန်လူတွေက
သိပ်ဆန့်ကျင်ကန့်ကွပ်ကြတော့မှာမဟုတ်ဘူး။
အားလုံးကလည်း အကြောက်တရားတွေနဲ့
နေထိုင်နေကြ ကြောက်နေကြတာကို။
တဖြည်းဖြည်းလူတွေက အကြောက်တရားကြောင့်
အာဏာရှင်ပုံပြင်ထဲ အမွှေးနှုတ်ခံရတဲ့ငှက်လို အာဏာရှင်ကို ထိထိရောက်ရောက်
မဆန့်ကျင်နိုင်တော့ပဲအရှုံးပေးရလိမ့်မယ်။
အဲ့ဒီလိုဖြစ်ဖို့အတွက် နေ့နေ့ညည
သတင်းအမှားတွေနဲ့ကော အမှန်တွေနဲ့ကော
ကြော်ငြာချက်တွေနဲ့ကော Psywarတွေနဲ့ကော
အကြောက်တရားတွေဖြန့်နေတာပေါ့။
လူတွေမမေ့ဖို့က ဒီဇာတ်လမ်းက ဇာတ်ညွန်းအဟောင်းကို မင်းသားကော ဗီလိန်ကော ဇာတ်ပို့ကော သူတို့လူတွေနဲ့ ပြန်ရိုက်လိုက်တဲ့ ဇာတ်လမ်းအသစ်ပဲ။
အကြောက်တရားကို
နိုင်ငံရေးမှာ လက်နက်လို အသုံးချနေတာပါ။
ထင်ရှားတဲ့နိုင်ငံရေးစာသားတစ်ခုရှိတယ်
"အကြောက်တရားဆိုတာ ကြောက်နေတဲ့ပြည်သူတွေကို
သူတို့ရဲ့အခြေခံလွတ်လပ်ခွင့်တွေ ရပိုင်ခွင့်တွေ
ဥပဒေအရကာကွယ်နိုင်ခွင့်တွေကို
စွန့်လွှတ်စတေးလိုက်ကြပြီးတော့
အားကောင်းတဲ့ အာဏာရှင်အစိုးရက ကတိပေးလိုက်တဲ့
လုံခြုံစိတ်ချကာကွယ်မှုတွေနဲ့
လဲလှယ်ကြဖို့အတွက် ရည်ရွယ်ပြီး
နိုင်ငံတော်အစိုးရ(သို့)အာဏာရှင်တွေက
ရွေးချယ်အသုံးပြုကြတဲ့ စိတ်ပိုင်းဆိုင်ရာလက်နက် (Psychological Weapon) တစ်ခုပါ။" တဲ့
ကျနော်တို့အနေနဲ့ သူတို့ရဲ့အကွက်ထဲ
မဝင်သွားဖို့လိုအပ်ပါတယ်။
သူတို့အကွက်ကျကျ ဖန်တီးထားတဲ့
ကျနော်တို့ရဲ့အကြောက်တရားတွေကို
သူတို့ပဲ ဖယ်ရှားပေးမယ်ဆိုပြီး
သူတို့ပေးလာတဲ့လုံခြုံမှုတချို့ကို
ကျနော်တို့ရဲ့လွတ်လပ်မှုတွေ အခွင့်အရေးတွေနဲ့
လုံးဝလုံးဝအလဲမခံဖို့ပါပဲ။
လုံခြုံရေးအကြောင်းပြချက်နဲ့ တားဆီးလာတဲ့
လွတ်လပ်ခွင့်တွေ လူ့အခွင့်အရေးတွေကိုလည်း
အကြောက်တရားကင်းကင်းနဲ့ ဆက်ပြီးတက်ညီလက်ညီ ဆန့်ကျင်ကန့်ကွပ်နေဖို့လိုအပ်ပါတယ်။
ဒီအခြေအနေကို နားလည်မှ တောင့်ခံထားနိုင်မှ
ကျနော်တို့နိုင်မှာပါ။
သူတို့ပေးတဲ့ လုံခြုံမှုအတွက် ကျနော်တို့လွတ်လပ်ခွင့်တွေကိုထိုးပေးမိရင် ကျနော်တို့ရှုံးပါပြီ။
ကျနော်တို့လုံးဝရှုံးလို့မရပါဘူး။
အခုpost လေးတော့ share ပေးကြပါ
ဒါမှမဟုတ် copy ပြီး ပြန်တင်ပေးကြပါ
လူတွေသိဖို့မဖြစ်မနေလိုအပ်လို့ပါ
ကျနော်တို့လုံးဝရှုံးလို့မဖြစ်လို့ပါ)
