09/03/2021
💥💥Welkom by KoninGin vroue‼️
WAARVOOR STAAN ONS PLATFORM ❓❓❓
Wanneer ons na onsself kyk, sien ons menslike onvolmaaktheid . Ons is geneig om oor ons voorkoms te kla en onsself met sosiale standaarde te vergelyk. Voel jy ooit werklik goed genoeg?
Die KoninGin span wil vandag vir jou sê: “Jy is genoeg! Meer as genoeg!”🤍❤️
Ons glo dat God elke vrou pragtig en uniek geskape het en dat jou uniekheid gevier behoort te word. Die wêreld stel vir ons onrealistiese standaarde, maar ons kan kies om nie ons waarde daaraan te meet nie. Ja, ‘n vrou van God mag haar skoonheid waardeer en koester, maar sy moet onthou dat haar ware skoonheid in haar hart openbaar word.
Die KoninGin is geskep om vroue die platform te gee om mekaar te ondersteun en te motiveer. Hier kan jy net jouself wees en weet dat jou uniekheid waardeer sal word.
Ons wil vrouwees saam met jou vier. ‘n Koningin is immers die vrou van die Koning 👑
Jesaja 62:3🙏🏻
“Die Here sal jou soos ‘n sierlike kroon in sy hand hou, jou God sal jou soos ‘n koninklike tulbandvashou.”
