28/09/2025
**Liewe kliënte, vriende en ondersteuners**
Met 'n hart vol dankbaarheid wil ek vandag vir elkeen van julle wat die afgelope 11 jaar deel was van my besigheid, ‘n diepe en opregte dankie sê.
Dankie vir julle lojale ondersteuning, vir elke aankoop, elke gesprek, elke glimlag en elke stukkie vertroue wat julle in my en my besigheid gestel het. Julle het dit vir my moontlik gemaak om nie net ‘n bestaan te maak nie, maar ook om met liefde en passie te doen wat ek liefhet.
Ongelukkig het my gesondheid die afgelope tyd agteruit gegaan, en ek moes die moeilike besluit neem om my besigheid te verkoop. Dit was nie maklik nie, maar ek glo dit is die regte stap vir my gesondheid en toekoms.
Ek gaan julle vreeslik mis – elke gesig, elke geselsie, elke verhouding wat oor die jare opgebou is. Julle het meer as net kliënte geword – julle het vriende geword, en ek dra julle met groot liefde en dankbaarheid in my hart.
Mag daar net mooi dinge vir elkeen van julle voorlê. Ek groet nie met trane nie, maar met diep waardering en liefde.
Baie dankie dat ek vir 11 jaar deel van julle lewens kon wees.
Met liefde en waardering,
Charmaine 🌹🌹🌹
