25/04/2026
Ek doen hierdie nie eintlik nie, want ek voel mense weet nie altyd hoeveel werk in gaan in iets soos byvoorbeeld ‘n doodgewone strik nie! 🎀 Ook nie hoeveel bestellings ontvang word op ‘n dag nie!
Jy kan dalk net 10 strikke bestel, maar wat jy nie weet nie is dat ek op dieselfde dag nog 13 ander bestellings ontvang het. Dalk elkeen 10 strikke elk of soms is dit 150 strikke per bestelling!
As mens nou begin somme maak sal mens begin verstaan waarom dit so lank vat. Jou 10 strikke is byvoorbeeld 2 verskillende kleure so dan is die stertjies van die strik al klaar 20, dan kom die boonste gedeelte van die strik by. Weereens 2 verskillende kleure so dan is dit nog 20 stukke lint wat gesny moet word, vasgewerk moet word met naald en garing en dan weer n keer vasgewerk moet word aan die stertjies van die strik. En die punte moet mooi afgewerk word sodat jou lint nie uitrafel nie!
Dan kom die rekenaar werk ook nog by. Elke naam of wapen moet gemaak pas word sodat dit opgeprint kan word op die lint. Ek het die afgelope ruk sommige dae 5 ure per dag spandeer net op die rekenaar alleen.
Ek wens ek het AI gehad om my te help met elke liewe detail sodat ek vinniger bestellings kan afhandel, maar tog is dit baie vervullend om op die sportveld my hande werk in die wind te sien rondwapper soos jou kind die hokkie bal jaag of daai doel in doel op die netbal baan!
So eintlik wat ek wil sê is wees asseblief geduldig. Daar gaan soveel liefde en tyd in hierdie. As ek nie jou whatsapp antwoord nie is dit omdat ek my vingers stompies werk🎀
