Lap

01/10/2024

01/10/2024

Na maande en maande van stilte is die meeste bokse in die nuwe huis uitgepak en is die drie sakke met Lappe uit die stoorkamer gehaal! En môre sien 'n nuwe kookboek dit lig by die Woordfees.

So . Om die mooi van Oktobermaand te vier verkoop ek al die Lap-rokke teen 25% afslag...so effe meer as 25%.
Dit is 'n nuwe seisoen in my lewe in 'n nuwe dorp en so ook vir Lap wat binnekort 'n nuwe kleur of twee bykry en ook 'n ander styl!
Daar is groottes in meeste van die kleure...hier en daar dalk net enkeles. As jy wil bestel skryf vir my [email protected].
Hier onder fotos van die meeste kleure...daar is ook 'n paar bloed rooies en een of twee bont nommers!

30/10/2022

Môre oggend ry ek Kaap toe om nog lap te koop...as jy 'n bestelling wil plaas vir een van die 'animal' motiewe of die skelpienk...maak vanaand so.
Skryf vir my by [email protected].....daar is beperkte hoeveelhede materiaal beskikbaar!

28/10/2022

Ek het skelpienk gekry!!

28/10/2022

Uiteindelik ! 'n Rol skelpienk in die regte materiaal!
Vir iemand wat regtig nie eers 'n soom kan insit nie, het ek 'n ding oor lap en lapwinkels..so ook oor wol en wolwinkels! (Ek kan darem eenvoudige blokkies hekel ). Hulle fassineer my. Ek kan vir ure ronddwaal...en 'n klomp geld uitgee op stukke lap wat ek nie weet wat ek daarmee gaan maak nie.
So. In my soektog na die perfekte pienk in 'n viskose/lycra vind ek toe ook 'n stuk chatreuse groen wat letterlik skree...ek wil saam!! En neffens dit...animal print. Die rolle en rolle blomme het nie met my gepraat nie..maar dié klompie het.
Dan moet ek ook net verduidelik. Die wat my ken weet ek dra net swart...het een donkerblou top...en een grys rok..verder swart vir meer as 30 jaar. So vir my om uit 'n winkel te loop met 'n rol skelpienk...chatreuse groen..en 'animal' wil gedoen word!!
Die lap is reeds by Ronya en Michelle in die Paarl en ons maak 'n paar pienk rokke in large/medium en small. Vir die groen met die woord: FIX...doen ons net een in elke grootte....en dan wil ek hoor: swart en wit 'animal' of die bruin skakering?
Die bont was 'n enkele rol....en die skel pienk is beperkte hoeveelheid! Daar is reeds 'n paar bestellings ..maar laat weet sommer gou of jy ook een wil hê.
Epos: [email protected].
Ons Engelse kookboek is by die drukkers so nou het ek uiteindelik tyd om baie aandag aan LAP te gee!
Loer ook elke nou en dan op die blad...daar is 'n klompie kleure en groottes wat ek op 'n spesiale aanbod gaan aanbied.
Lekker naweek...!

02/10/2022

Dit was C Louis Leipoldt wat Oktobermaand so mooi besing het.
Dit is die maand Oktober
die mooiste mooiste maand
Dan is die dag so helder,
so groen is elke aand
So blou en sonder wolke
die hemel heerlik bo.

Hoewel die lente haar verskyning maak in September voel Oktober altyd vir my of dit nou behoorlik somer is! Daar is sommer 'n ander intesiteit in die lug. Die kleure van die weld en die plate kry 'n ander skakering! En ek :'n huppel in my stap vir die laaste drie maande van die jaar!
LAP is aanvanklik begin as 'n swart rok. En het in die jaar wat dit bestaan gegroei tot 'n wonderlike versameling van die mooiste mooi kleure.
Met die koop van die laaste rol swart materiaal het ek tyd gehad om bietjie rond te dwaal en het Ayesha by Patbro in Woodstock met 'n ondeunde glimlag vir my die nuwe reekse helder patrone gewys. En met 'n oogknip: you'll look so nice in this ' haal sy dié stuk bont materiaal uit. Die blote gedagte dat ek dalk enigsins kleur moet dra...wat nog van skreeuende bont, het my hande sommer laat sweet. MAAR. Daar was iets so mooi aan die stuk bont materiaal dat ek 'n paar meter gekoop het...net vir 'n eksperiment en om te hoor wat my LAP 'audience' d**k! Daar is ook 'n fantastiese 'animal en bont' wat ek wil probeer in bloue.
Ek het ook 'n paar versoeke geskry vir skel pienk...dankie Elmarie Van Tonder Swarts vir die inspirasie. Vanmiddag loer ek na YouTube en die modevertonings in Parys. My ou 'stomping ground' .Ek kyk na Valentino....en wat is daar: massas skel pienk. Die Valentino vertoning was vandag in Parys gehou . Hulle 'fall /winter' reeks vroeër vanjaar was omtrent net pienk! SO: ek gaan 'n skel pienk rok maak. Ek d**k dit kan beeldskoon wees as dit los gedra word..met 'n skouer wat behoorlik wys! Wat d**k julle?
Hier is Judith Masvaya in my eerste bont rok. Judie, soos ons haar noem, is Sondae saam met my in die kombuis wanneer ek 'n Langtafel het. Fantastiese jong kok....! En ongelooflike jongmens! Laat weet wat julle d**k.
Mooi week...en geniet Oktober!

01/09/2022

Dit is die eerste dag van lente. So effe grou en grys hier ip die Weskus. Vanmiddag vang my oog presies 14h14 die tyd op my rekenaar. Ek kyk op en daar breek die son deur... klein kraakies sonlig op 1 September.
Velede week was LAP se eerste bestaansjaar. What a year and what a journey!! Net een groot lekkerte van die eerste dag af.
Ek was vir 'n paar weke in Frankryk om 'n nuwe kookboek saam met my kosbare vriend Louis Jansen van Vuuren te doen... en kry nou eers weer behoorlik tyd om aandag aan LAP te gee. So hier is die nuutste twee kleure... 'n khaki groen en roes rooi.
Dedre Stols.. ons eie Weskus MasterChef finalis en my kook 'partner' by die Langtafels het gou haar voorskoot opgehang en model gespeel.... Sophie die Spaniel wou tog ook graag deel van al die aktiwiteite wees!!!
En ons Imagine promosie gaan nog heel September beskikaar wees. Bergamot of Fynbos geure! Wonderlike bederf geskenke ... Kersfees is om die draai!
Skryf vir my by [email protected] of stuur 'n boodskap na 0832652147 as jy meer wil weet!

31/07/2022

Ronelle B Meyer in haar swart LAP op die rooi tapyt in Malta! Hoe mooi!!

31/07/2022

En so snel die jaar verby! Môre is Augustus. Vrouemaand. En LAP se eerste jaar viering.
In my kantoor op die Weskus... nie veel van 'n kantoor nie. Eintlik net ‘n tafel, twee ou stoele en rakke vol boeke...en ook my PAKHUIS. Kleurvolle PEK Stores sakke vol Lappe. Voorraad Duinhuise en 'n paar bokse met die mooiste produkte van ‘n baie stylvolle vriendin Annemarie Botha. Anni woon in Yzerfontein. Hoog op ‘n bult. Die mooiste huis. Alles wat sy doen het altyd so ‘n unieke ‘touch’ En daarby het sy die grootste hart denkbaar.
Haar huis se naam is Imagine. Dit is ook die naam van ‘n reeks bederf produkte wat sy onderskryf.
Haar IMAGINE reeks is in die mooiste swart bottels en het vier elemente: handewas/handeroom/’n kamer sproei en ‘n ‘diffuser’. Die geure: BERGAMOT en FYNBOS.
Aanvanklik het sy die reeks gemaak net as geskenk vir vriende. Daar was soveel belanstelling dat sy dit op klein skaal begin verkoop....en vir Vrouemaand doen ek en sy iets spesiaal.
Daar word nuwe Lappe gemaak. ‘n Khaki groen en ‘n roes. Vir die maand Augustus span ek en Anni saam en kan jy Imagine produk van jou keuse saam met 'n Lap koop teen 'n spesiale Augustsmaand prys.
Jy kan natuurlik NET al die Imagine produkte ook koop...
As jy meer wil weet skryf vir my by [email protected] vir pryse ens. Pakkies sal middel Augustus versend word!
Geniet elke dag van ons spesiale maand!!

05/07/2022

LAP is vir my só 'n lekkerte! Van die materiaal uitsoek in Woodstock tot die klaargemaakte rokke optel by die PUDO kiosk hier om die draai van my....of by Ronya Bosch en Michelle Hambly in die Paarl. Die toedraai. Die versending. En dan 'n onverwagte foto !
Jare lange tydskrif kollega Elsa Krüger bestel 'n olyfgroen vir haar peetkind..aktrise Quinne Brown... Ons onthou almal vir Quinne as Connie in 7de Laan . Sy is op die oomblik vir 'n paar maande in SA.
Hier is sy in haar LAP! Dankie dankie Quinne...jy maak mooi!!

05/06/2022

Lap se kleure op die oomblik in alle groottes: swart, donkerblou, rooi, lig grys, sagte 'mint' groen en olyfgroen.